تراجع الجامعات العربية ؟؟؟

أظهرت التصنيفات العالمية العديدة، التي صدرت خلال العام الماضي والعام الحالي لأفضل الجامعات في العالم، احتلال الجامعات العربية مراتب متدنية في الترتيب العالمي، الأمر الذي يقدم دليلاً إضافياً على تراجع الجامعات العربية وتدني مستواها وانحسار دورها في المجتمعات العربية، بعدما كان لها دور ريادي في جميع الميادين: العلمية, الاجتماعية, السياسية, والثقافية, في معظم البلدان العربية منذ بداية القرن الـ 20 الماضي وصولاً إلى ربعه الأخير.

في المقابل، ما زالت الجامعات الأمريكية، مثل هارفارد وييل ومعهد ماسا سوشيتس وسواها تحتل المراتب العشر الأولى في العالم، تليها الجامعات البريطانية كجامعة كامبريدج وجامعة أكسفورد وكلية لندن الملكية، ثم تأتي الجامعات السويسرية، كالمعهد الفيدرالي التقني العالي في زيورخ، ومعهد لوزان وجامعات جنيف وزيورخ وبازل ولوزان وبرن، تليها باقي الجامعات والمعاهد الأوروبية واليابانية والصينية، وذلك حسب التصنيف الذي أصدرته أخيرا صحيفة ''الغارديان'' في ملحقها عن التعليم العالي. وقبل ذلك لم يرد سوى اسم جامعة الملك عبد العزيز في تصنيف أفضل 500 جامعة في العالم.

و يصل عدد الجامعات العربية حالياً إلى أكثر من 240 جامعة، في حين كان عددها في ستينيات القرن الـ 20 الماضي 23 جامعة، وارتفع العدد إلى 33 جامعة في الثمانينيات. ويلاحظ أن مصر أكثر الدول العربية ثقلاً من حيث الجامعات ذات الأعداد الضخمة، تليها سورية فالمغرب والمملكة.

وتشكو المناهج الجامعية، على العموم، من تأخرها عن أحدث المعارف العلمية في البلدان المتقدمة، ومن تدني مستوى التأليف في جامعاتنا، وغياب مجلات علمية محترمة له دور مهم في هذا المجال.
-------------------------------------

ولك ااااااااااخ اااااااخ بأميركا ما في الكبت الموجود بدولنا يعني الجامعة عندهن للدراسة و التحصيل مو للتطبيق و المغازلة طبعا لسا نحنا بجامعة تشرين باعتقادي الاقل كبتا يعني بحس انو في شي بيربطنا بأوروبا اكتر من يلي بيربطنا مع جامعاتنا الاخرى من حيث التفكير

السبب الاخر سوء المناهج الجامعية و ضعف مواكبة التطور العلمي ليش ابعرف مع انو في رؤوس اموال ضخمة عم تنصرف بهالمجال

و السبب الاخير هو انو الروح الجامعية غير موجودة بجامعاتنا يعني بتحس الواحد رايح يحضر المحاضرة غصب عنو و الله شي مسخرة

شايفلك يسماعيل بدي بيعو للبرج و روح عفرنسا اشتري شي بيت بالشانزيليزيه وادرس بشي جامعة عليها القيمة احسن ما ضيع مواهبي هوون

والله أحسن شي ؟؟؟ بس نحنا شو منعمل بحالنا ؟؟؟

لك إذا بدي احكي بدي ضل شي يومين لحتى خلص بس الصمت بعبر أكتر بهيك حالة .بس بدي احكي شغلة "الجامعات العربية ===مسخرة كبرى"
يعني مو ناقص غير.....لك خليني ساكت أحسنلي.
مشكور عالموضوع خيي.

والله اللي بدك تقوله يا دوفان كلنا منعرفه ؟؟؟؟؟
بس انا حطيت الخبر لأنه التصنيف لا من عندي ولا من عندك
التصنيف عالمي يعني شي بهدلة ؟؟؟؟؟

مشكووووور

أنا التصنيف موجود عندي أول 500جامعة ولاوحدة عربية مع أنو في من تركيا وحتى اسرائيل

للأسف !!!! والله شي بحزن
وأحيانا بقول انو منيح اللي عم نلاقي شغل يا زلمة بهيك شهادات ؟؟؟

هلق تعو لنقيسها بالمنطق

من هو الدكتور للغات بكليات الآداب في الجامعات العربية مثلا:

هو انسان متعللم للغة الاجنبية و ما في اي فرق بينو او بين اي انسان والدته فرنسية او انكليزية او روسية و والده عربي

ما بتحس انو شغلتهن فيها اي ابداع او اي امتاع بس شاطرين و مبدعين بتصغيير الطالب و تحجيمو و مناطحتو عالاسئلة الصعبة

يعني الدكتوور الجيد و اللامع بيحاول يعمل شي لطلابو بيحاول يجيب شي مو موجود بالجامعة و لك وين الشغل تبعهن وين بس شاطرين بسحب هالنوتات عن الانترنت و طباعتها و الله شي بيضحك وطبعا انا هيك شفت يعني هادا رأيي الشخصي و ما حدا من الدكاترة ياخد عخاطرو اذا قرأ المقاااال

والله ليك نضالو حتى ان وجد هالدكتور بطفشوا
يعني ما بيقبلوا حدا أسلوبه جديد و طريقته مختلفة
بزمانو دكتور الترجمة عنا جاب كل الأسئلة يعني 100 علامة أتمتة واختيار من متعدد
طبعاً الفكرة غريبة انو ترجمة واختياري بس صدقني كانت تجربة روعة
وقامت القيامة عليه قام السنة اللي بعدها رجع ع أسلوب دكاترنا المبجل والنازل من السما .
:?: :?: :?: :?: :?: :?:

مشكور نضالو وأحمد ع مروركم الكريم

معليش بدي احكي شغلة مافيني بتعرفوني اتفضلو هاد الموازي

/ 160000 / ل.س لكليات الطب البشري – طب الأسنان – الصيدلة.
/ 110000 / ل.س لكليـة الفنون الجميلة والفنون الجميلة التطبيقية وكليات الهندسة بفروعها كافة
/ 60000 / ل.س لكليات الزراعة – الطب البيطري.
/ 40000 / ل.س لكليات العلوم.
/ 35000 / ل.س لكليات الآداب بأقسامها والشريعة.
/ 50000 / ل.س لباقي الكليات.
/ 50000 / ل.س للمعاهد الملتزمة ( الخطوط الحديدية بحلب - التقاني للنفط والغاز بحمص والرميلان )
/ 35000 / ل.س لمعاهد (التعويضات السنية– الصحية- الطبية- الحاسوب).
/ 30000 / ل.س لباقي المعاهد.

معليش ما رح قلكن غير احسبو بكل كلية ما في غير 500 طالب موازي على مدارس السنين الستة أو الأربعة طبعا وهاد شي مستحيل لأنو الرقم كبير كتير
اضربو 160000 × 500 طالب = 80000000 هاد بكلية الطب وحدا

طبعا رح نستثني من هالقصة التعليم المفتوح ما رح نفتق جروحاتنا
وطبعا هالحكي كلو بس بجامعة تشرين احسبوها بباقي الجامعات السورية وكم طالب
يعني مابعرف وين هالمصاري بتروح
وبتجي بالاخبار الاقتصادية بقلولك مثلا الأرباح الصافية لوزارة الاتصالات هالسنة 50 مليار ليرة سورية طيب ليش لما يخرب هاتفي بضل 7 شهور لحتى يتصلح
وهلما جرا
اسف على الرأي اذا بيزعج حدا بس انا بحكي بالمنطق والأرقام ما بجيب شي من عندي

والله أبو السوس كلامك مظبوط و يعني هالمصاري اللي عم يطلعوها
يا أخي ياخدو منها ما حدا عم يقلن لأ
بس عالأقل يصرفوا منها ع تحسين وتطوير مناهج و وسائل التعليم بالبلد

عن جد أحيانا بقول انو ما معقول كل شخص نحط عليه مراقب خاص فيه لنشوف شو عم يسرق ؟


مشكوووووووووور سومر الغالي

اي اي معك حق ابو السوس

قال يعني ضيربيننا بمنية انو يادوب رسوم الموازي عم تسدد الخدمات يلي عم يقدموها

ولك شوف وصل الدفع تبع التعليم الموازي حاطين فيه شغلات مسخرة و مو موجودة

بس الله لا يسامحهن

بسيطة شباب والله يصلحنا جميعاً

اسماعيل

اي الله يصلحنا نحنا بس هني الله لا يسامحن و لا يصلحن

لك له لك مخيول ؟؟؟
شو الفائدة اذا انصلحنا نحنا وبقيوا هني على ما هم عليه
بالعكس بدعي والله ومن كل قلبي الله يصلح كل الناس لحتى نعيش بخير وسلام ...

لعما و الله هي فاتتني

لا خيو لا نشالله ينصلحو قبلنا

لانو مصيبة كبيرة انو يضللو متل ما هني

شفت هيك ما أحلاك
نضااااااااااااااااااااااالووووووووووووووو براااااااااااااااااااااافوووووووووووووو

SOMAR كتب:

معليش بدي احكي شغلة مافيني بتعرفوني اتفضلو هاد الموازي

/ 160000 / ل.س لكليات الطب البشري – طب الأسنان – الصيدلة.
/ 110000 / ل.س لكليـة الفنون الجميلة والفنون الجميلة التطبيقية وكليات الهندسة بفروعها كافة
/ 60000 / ل.س لكليات الزراعة – الطب البيطري.
/ 40000 / ل.س لكليات العلوم.
/ 35000 / ل.س لكليات الآداب بأقسامها والشريعة.
/ 50000 / ل.س لباقي الكليات.
/ 50000 / ل.س للمعاهد الملتزمة ( الخطوط الحديدية بحلب - التقاني للنفط والغاز بحمص والرميلان )
/ 35000 / ل.س لمعاهد (التعويضات السنية– الصحية- الطبية- الحاسوب).
/ 30000 / ل.س لباقي المعاهد.

معليش ما رح قلكن غير احسبو بكل كلية ما في غير 500 طالب موازي على مدارس السنين الستة أو الأربعة طبعا وهاد شي مستحيل لأنو الرقم كبير كتير
اضربو 160000 × 500 طالب = 80000000 هاد بكلية الطب وحدا

طبعا رح نستثني من هالقصة التعليم المفتوح ما رح نفتق جروحاتنا
وطبعا هالحكي كلو بس بجامعة تشرين احسبوها بباقي الجامعات السورية وكم طالب
يعني مابعرف وين هالمصاري بتروح
وبتجي بالاخبار الاقتصادية بقلولك مثلا الأرباح الصافية لوزارة الاتصالات هالسنة 50 مليار ليرة سورية طيب ليش لما يخرب هاتفي بضل 7 شهور لحتى يتصلح
وهلما جرا
اسف على الرأي اذا بيزعج حدا بس انا بحكي بالمنطق والأرقام ما بجيب شي من عندي

باينتك شاطر بالرياضيات

يمكن عم تروح ع الشطّافات اللي عم يجوا الصبح يشطفوا