المواد اللي نزلت س3 انكليزي

مرحبا
اول شي اسف على هالغيبة عندي شوية ظروف
ما بعرف بالمواضيع السابقة اذا انذكر هالشي
بس المواد الموجودة بالامتحانات هلق
للسنة التالتة انكليزي
النقد وبتوقع نشروها
اللغة ف1 بعد شي يومين رح ينشروها
لغة اوروبية
هدول اللي قدرت اعرفن من الامتحانات
بالتوفيق

الف شكر اخ سومر

الحمد لله عالسلامة سومر الغالي
وانشالله خير وما بتطول علينا
والحقيقة عندي نقد تالتة
ومشكووووور عالخبر
أحلى أبو السوس

ان شاء الله تكون العلامات عالية يارب




شكرا الك سومر عقبال عنا يارب

يا جماعة انا سمعت انو جاهز النقد و الشعر ف 1 و الادب الاميركي .. اما اللغة و الفرنسي هدول ما سمعت فيهون ..و سمعت انو بدون ينزلوا المواد الخميس ..بس بيني و بينكون انا ما بصدقون لهدول تبعين الامتحانات ..كلون كذابين .. لذلك انا نازلة بكرا عالجامعة و انشالله خير ..

هو نزلت النقد و علقوها و نزل فرنسي و مسرح ف1 و يمكن شعر و نسيت اسا شو
معلومات اكيدة
و العلامات بالنقد تحفة و انا شلتا ع 68
و عقبالكم جميعا

بلا مزح ولو باخر هالليل .. الله يخليك عم تحكي جد ولا عم تمزح ...؟؟؟

لك وينك يا زلمة .. عم نسالك جد و لا مزح ..و لا بترمي كلامك و بتمشي ..بدنا نعرف ننام ولو ..

اسف كنت مشغول بشي تاني
و الحكي كله جد
موفقين

انشالله الف مبروك darkhector
هلق صحي بكل الاحوال انا كنت نازلة بكرا عالجامعة ..بس خلص بكرا من الصبح رح انزل ... ولك ما قلتلكون هدول كذابين ..

يلا انشالله موفقين جميعا ...و بكرا بحاول صورون و نزلون عالمنتدى انشالله ..

النقد 38
الله لا يوجهلو الخير

يعني شو بدو هادا بدي افهم بدو انسخلو الكتاب كلو
موفقين جميعاً

الله يبارك بعمرك و انشاالله بتنجحي باعلى العلامات

ولو اسماعيل انت كمان بتعرف انو نزلوا المواد و ما بتقول .. شو اسمنا اصدقاء لكن .. بسيطة يا اسماعيل ..اذا رسبت بكون الحق عليك ..

على كل بسيطة خيرها بغيرها ... واكيد ما بدو تكتبلو الكتاب كلو او تمليلو الورقة ...بدو تمليلو جيبتو .. :*687*:

لك انا هيك سمعت بس معقول
يعني كل اللي عم ينجحن دافعيلوا ؟؟؟
عم احكي جد ما عم امزح
لأنو تخرجي واقف ع مادتين نقد
والله رح جن يا جماعة

بسيطة اسماعيل و انشاالله خيرها بغيرها
و هو اكيد ما بدو تنسخلوا الكتاب و لا بدو تمليلو جيبتو لانو دكتور النقد عنجد
كتير شخص محترم
بس هي المادة بطبيعة صعبة و بد متابعة من البداية غير ان ضخمة و ممكن كتير تخربط بين النقاد
و لسا غير الوقت القصير اللي ما فينك في لا تتذكر و لا تقارن
و اهم شي انو الدكتور لما بيطلب شي عن ناقد معين لازم يعرف الواحد شو يختار ليكتب...
و هالحكي ما معلمية عليك لا والله بس لاني ارتحتلك و بتمنى تشيلا باعلى العلامات
انشاالله.......

و الله يا اسماعيل ابن جيرانا يمكن هو من نفس دفعتك .. عمرو كمان 27 و لهلق معلق على مادتي النقد تالتة و رابعة ...و سال الدكتور قال بدو 50 الف ليرة عالمادة الوحدة ... تخيل 50 الف ..بس هلق هو تزوج ووقف تسجيلو قال ليتغير الدكتور ...يمكن ما في غير هالحل ...
بقا شو رايك بهالحكي؟؟

شو هالخبر عاخر هالنهار
نقد؟؟؟؟؟؟
انا مابعرف ماسمعت شي لان مسافرة ياريت تقدروا تصورولنا ياهون جد بتعملوا معروف
خصوصي انو نقد لانو بجد انا رح جن من كتر الرعبه منو قاعده ع اعصابي
رورو ياريت اذا نزلتي بكرا تصوريلنا ياهون منعذبك معنا
ميرسي كتير اذا قدرتي او لاء
انا خايفه كتيير

و الله انا قلت رأيي يا رورو و شغلة البياعة و الشري
كلا ما دخلت براسي و اللي بيدرس بلاقي
و موفقة مرة تانية

يا جماعة ياريت اللي على اطلاع يقلي اذا نزل مواد للسنة التانية اعملو معروف
وادعولي اذا طالع كون شايلتن والله رح جنننننننننننننننن

هو للتانية اسا ما نزل شي لاني اليوم كنت بالجامعة
بس بتوقع بأي لحظة ينزل

darkhector انا لهلأ ولاخر لحظة بقول مستحيل هالشي تبع شري وما شري المواد يكون صح
بس بعد ما عرفت اليوم اني حاملة النقد ماعاد اعرف شو صدق وشو لاء!!!!
لان انا من اكتر الطلاب متأكده انو الطالب يلي قواعديتو منيحه واسلوبو بالكتابه صح
بيغلب الدكتور وبينجح بجدارتو0
بس وقت انت مستواك كتير ممتاز بالعاده وبماده وحده هي صرت مقدمتا 3 مرات يلي هيي
النقد وبكل مرة عم اطلع منها كاتبه احسن من المرة يلي قبلا مع العلم
انو طلعت لعند الدكتور عالمكتب وفرجيتو نموذج عن اجابتي بالامتحان
لما اتأكدت انو منيح اسلوبي وانا دارسه قدمت النقد هالمرة ومتأكده انو لازم شيلها
بالاخر احملا جايبه فيا 40 ؟؟؟؟؟؟؟
وقتا ع مين بدي حط الحق فيك تقلي؟؟؟
بتمنى التوفيق للكل بهيك جامعه !!!

ما رح قلك بسيطة روز يالله اصبري واتحملي
عنجد شي بفقع ولك يضرب هيك تصحيح
انا بمادة اللغة هي تالت مرة بحطلي 45 سبحان الله انا مستوايي وقف على 45 لا اكتر ولا اقل مع اني طلعت وصلحتها على اساس باخد فيها شي 70 وانا قلت خلص الله يسامحو ب 20 علامة ما بدي غير 50
على كل حال الله يصطفل باللي عم يظلم
وبالنسبة للدفع
انا كنت متلك ما صدق لحتى شفت شوف العين اللي بدو يعبيها التراب
ما شفت دكتور النقد بعيني بس شفت غيرو كتير
ولا تستغربو شي

مابعرف شو بدي قلكم

طولو بالكم وان شاء الله الدورة الجاية بتشيلوها وبعلامات عالية