استفتاء : هل تؤيد إلغاء صندوق أفضل 10 أعضاء ؟

يا جماعة ما بدها كل هالشي .. المهم تبقى المحبة عم تعشعش بالمنتدى ..بلا ما تعملوا من الحبة قبة .. ان شلتو الصندوق او حطيتوه .. الردود رح تبقى نفسها ..و عدد المشاركات من قبل الاعضاء رح تبقى نفسها ... لهيك انا عالحياد ..

بس انا الي عتب على سيرجيو ..يعني هلق تعبنا بالمنتدى صار بيتسمى " لت" لا سيرجيو عنجد ما الك حق ...

و النتيجة ............ ؟

اقتباس :

طيب انت فيك تنكر انو نص مشاركاتي أنا ومشاركاتك أنت يا نضال ومشاركات اسماعيل كلها جاية من ورا الشات والرد على تعليقات بعض.
أنا شفت مواضيع كلها حكي بينك وبينو

طيب وين المشكلة بهالشغلة
بعدين انت هيك عم تفيقني عشغلة انك رفيق احمد و هو دعاك عالمنتدى حسب كلامو و ردودك معي كانت سحب كلام مني لحتى تحط هالشغلة حجة لما بتحتاجها (و بجوز كون غلطان )

اقتباس :

وأنا وأنت كمان دائما منحكي شغلات ما إلها علاقة بالموضوع الأساسي بربك هيك حكي خارج الخبر المذكور أو موضوع النقاش بيخلينا نكون من أفضل الأعضاء

نحنا عم ننزل مواضيع مفيدة دائما و كل الاعضاء بيشهدو على هالشي و كتر الحكي نوع من التواصل

اقتباس :

بعدين حمشو بينزل كل خمس ست تيام موضوعين تلاتة
وتلات أرباع ردوده عبارة عن تلات أربع كلمات ومن لما اشتركت بالمنتدى يمكن أطول رد شفتوه ألو سطر ونص بقى علشو هل 700 مشاركة وأكبر دليل رده اللي فوق وشوف غير مواضيع

طيب الزلمي هيك طبيعتو بالرد و صارت بيني و بينو مشكلة من زمان بالموقع منشان هيك شي بس ما فيني الغيه او يلغيني و بالعكس حمشو من اصدق يلي عرفتهن

اقتباس :

وآخر شي الله يسامحك يا نضال لأنو خليتني اذكر اسماء وانا ما كان بدي هالشي وهلق رح تعملي مشاكل مع الأعضاء

لا حبيب القلب انا ما بعمللك مشكلة مع حدا بس كلامك هو السبب و رح قللك شغلة انت عم تحكي بلسان احمد

اقتباس :

انا ردي الأول ماذكرت فيه اسماء ومع هيك ما خلصت يعني تقبلو الرأي الآخر متل ما نحنا منتقبلكم وإذا كلامي تقيل عليكم فأنا أسف وأنا مستعد اترك المنتدى

ليك سيرجيو روح هالمنتدى و اساسو هو تقبل الآخر و انا شخصيا ما بزعل لا منك و لا من غيرك لما بيعطي رأيو بس بزعل لما بيصير في غلط بالحكي و بزعل لما شخص بيهدم كل الجو يلي عاملينو هووون بكلمة لت

و ردك ما رح ينحذف و انت حكيت هالحكي بمثابة طلقة الرحمة على حالك منشان تترك مع اني ما بتمناك تترك و بتمنى تضل هيك قاعد عقلبنا قصدي بقلبنا

تقبل رأيي و بدون زعل

طيب اقتراح .. يعني اذا غيرنا الاسم .. يعني بدل افضل عشر اعضاء .. يصير انشط 10 اعضاء .. بتنحل المشكلة عندك احمد ..؟؟

ههههههههههه
رورو عيني ربك انتي

لا والله يا غالية ما بتنحل فكرنا بهالشي بس ما بيتغير اسمو هيك هاد بيجي متل ماهو وبروح متل ما هو
ما في حل وسط

والله يا أخ سيرجيو..انا هيك ردودي واذا ما عاجبك فهي مشكلتك يعني ماني مطر طولن مشانك او مشان غيرك

يا نضال بلشت تخبص
قلتلك بالفعل اني قلتله عن المنتدى متل ما قلت لكل اللي شفتهم أدب انكليزي
و لو لاحظت فترة تسجيله كانت بالفترة اللي كنت تارك فيها المنتدى
و لو انت ما حكيتني عموقعي ما كنت رجعت أصلاً

بس الظاهر أنا اللي غلطت بالتسجيل بالمنتدى و حكيي لسومر عن مساعدته بتطويره و حتى بعمل واحد جديد

و كنت غلطان كمان اني قلت لرفاقي و زملائي عنه

أصلاً هوي اللي حط براسي فكرة عدد المشاركات لأنو قلي إذا بدي صير من الإدارة لازم كون بالتلاته الأوائل بالردود


بس النتيجة شو ؟

المشاركات الجانبية دعابة حلوة بين الاعضاء
بالعكس اكتر شي بحبو هو روح المرح والفكاهة يلي بتصير بين الاعضاء
وانت واحد منون ياسيرجيو
يعني المنتدى متل بيت كلنا اخوة
تصورو موضوع ورا موضوع
اكيد بدها حركة بين الاعضاء وهيك بيصير تعارف اكتر واكتر
وبينجح المنتدى اكتر كمان
بس سيرجيو انت اغلب المواضيع ما بتناقشها مع الاعضاء
صح انت نشيط وبتنزل مواضيع بس المشاركات كمان جزء من النشاط
بتمنى تقبلو رأيي
انا بشوف تسكرو الموضوع وبلا هالحساسيات الفاضية لانو بلش
التجريح بالحكي
والصندوق عبارة عن منافسة منافسة
مو انانية ولت
شكرا كتير للكل

اة خلص لكن فضوها لهالسيرة الناكتة .. مو محرزة تعملوا مشكلة و حساسيات كرمالها .. ما هو احلى شي بهالمنتدى .. الروح الحلوة و التفاهم و الجو الحلو اللي عاملينو .. ما تنزعولنا ياهون مشان قصة ما بتستاهل ..خلص بقا عيب عليكون تتقاتلو متل الولاد الصغار..

احمد
اذا شايف كلامي تخبيص هي مشكلتك

و فعلا انا كنت حابب انك ترجع مو منشان شي بس لانك شاركتنا جزء من ايامنا الحلوة بهالمنتدى

بس ما توقعت ابدا هيك كلام بحقنا و بعدين بالنسبة الي و حياتك ما عندي هم لا اذا ضل و لا اذا نشال و انا مشاركاتي رح تضل هي هيي و بعدين الجهد يلي بذلتو لحتى صير مشرف عام ما حدا بيعرفو غير سومر و ما تفكر السبب هو مشاركاتي الكتيرة

بس عنجد عم انصدم بكتيييييييير شغلات و منها مبارح مثلا هادا يلي جبنالو نتيجتو فقعنا رد تدمع له العين بعد التعب و هلق عم شوف كلامكم عنجد شي مزعج كتييييير لانكم تفهتو كل كلمة حكيناها و ردينا فيها على بعض

و النتيجة عند سومر و برجع بقللك اذا ضل الصندوق و لا انشال متل بعضا بالنسبة الي

رورو

انا ما عندي مشكلة ابدا مع حدا بس للأسف مضطر رد

ولا يهمك نضالو لا تزعج حالك ما حدا مستاهل

لما بتقول عن عضو عزمته ع المنتدى انو ناطق باسمي هاي إساءة ، مو هيك ؟
ما عم احكي عليك كمشرف بس عم علق على المعايير بالمنتدى
كل الدلائل بتبرهن انو قيمة الواحد بمشاركاتو متل قيمة الواحد بمصاريه بالحياة العادية
حتى اسم الصندوق اقترحت تبديله ع الأقل و بعتقد قلتلك هالحكي قبل رورو
طيب إذا كان موضوع الصندوق سخيف ليش حتى ما ينحذف ؟
منرتاح من كتير من المشاكل و الحساسيات هيك

هاد آخر رد إلي عالموضوع وأنا من لما سجلت معكم كان الكل أخوة إلي وأنا بحترمكم كلكم بس ما في داعي نزاود على بعض أنو فلان بيشارك أكتر من فلان

واكيد صرتو بتعرفو من مشاركاتي أنو أنا مابجامل وبحكي كل اللي بقلبي بدون كلام منمق وباللت ما كان قصدي هين حدا فيكم وانتو تركتو كل الموضوع الاساسي ولحقتوني عكلمة(وبهل المناسبة بهدي غنية بو وديع بتعاتبني على كلمة لكل الأعضاء)

شباب أنا عندي اقتراح ما بعرف إذا ممكن تطبيقه بس شفته بكتير منتديات أوروبية هو انه بنهاية كل موضوع فيه كبسة صغيرة مكتوب عليها Thanks‏ وجمبها عدد المرات اللي تم فيها شكر صاحب الموضوع

واللي عندو رأي أو تعليق بيكتبه

واللي ما عندو رأي وبس بدو يشكر صاحب الموضوع بيضغط على هديك الكبسة

أنا بعتقد أنو إذا بيصير هيك شي منخلص كلنا من المشاركات تبع الرموز و thx‏ ومابعرف شو

فكروا فيها إذا ممكن تتطبق

بصراحة وبعيدا عن رأيي الخاص هالصندوق ما عم يجي منو غير وجع الراس


انا ما بقا شارك بحوارات مشاركاتي رح تكون بالرياضة والطرائف وكل شي بعيد عن النقاش

انا ما بنكر أنو في معرفة بيني وبين أحمد بس أنا ما بقبل كون لسان لحدا (أنت بتقبل قول عنك لسان ل سومر)
بعدين أحمد برشلوني وأنا ريالي ولو بيقصولي لساني أبصير لسان إلو

وكمان الله يسامحك لأنو انت اكتر عضو بحبو بالمنتدى وبحب اتقاتل أنا وياه وحكينا كان كلو من القلب وأنت غلطان برأيك هاد (يعني شو هالنظرية المؤامرة هي ببريزون بريك ما صارت)

وخلص أنا رح انسى هالشي

حمشو أنت على عيني وراسي وشب مذوق و أكابر و ما حدا فينو يعيبك بس نضال طلب مني حدد اسماء وبعبتذر منك بس ما فينا نقارن نشاطك بنشاط سوسن أو أبو الريم

بالنهاية شو رأيكم نعمل محكمة دولية

You answer to earn points while i answer to MAKE points

ما حدا عم يقلك تقارن...كل واحد بيعرف حالو...وشكرا ع تقييمك الي

ناكتة حمشو الغالي

احمد
لما بتقول عن عضو عزمته ع المنتدى انو ناطق باسمي هاي إساءة ، مو هيك ؟
اذا كانت هي اساءة بعتذرلك كتيييييييييير بس كلمة لت من يلي عزمتو عالمنتدى ما كانت اساءة بحق الجمييييع ؟؟؟؟؟؟؟؟ بعدين المفروض سيرجي يلي ينزعج و يقول هي اساءة مو انت

اقتباس :

طيب إذا كان موضوع الصندوق سخيف ليش حتى ما ينحذف ؟
منرتاح من كتير من المشاكل و الحساسيات هيك

ايواااااااا , و انا رح قللك ليش
لو انك عملت متل ما قللك سومر من زمان يعني لو بعتللو رسالة عالخاص تشرح فيها وجهة نظرك كان معك حق و كان انشال الصندوق

بس بعد ما صار من الموضوع مشكلة و هلق استفتااااء و ابعرف شوو صارت القصة انو رأي الآخرين ما نأخد بالاعتبار و رأيك هو اللي بدو يمشي عالكل على الرغم بانو نتيجة الاستفتاء كانت مع ابقاء الصندوق

احمد انا ما عندي اي مشكلة لا معك و لا مع سيرجيو بس رديت على كلامكم فقط لا غير

أنا مع سيرجيو قلباً وقالباً
مو لأنو أخوي وصديقي العزيز بس لأنو كلامو منطقي وسليم
يعني بدون هالحساسيات سيرجيو مغزى حديثو انو كل عضو ياخد على قد مابيعطي للمنتدى
وبصراحة وبدون زعل أنا شايف انو سيرجيو قدم مواضيع وفقرات وأخبار خلال أسبوع ماعجز بعض الأعضاء انو يقدموه خلال شهور
كلام سيرجيو لاغبار عليه وإذا سيرجيو ترك المنتدى أنا رح اتركو
لأنو ساعتها المنتدى بيكون تحطمت منو دعامة أساسية وهيه الديمقراطية وتقبل الآخر
سلامي للأعضاء الماسيين والذهبيين والفضيين والـ bling bling
كلن

قلت إساءة بس ما قلت إساءة إلي بس
أما بموضوع إلغاء الصندوق قلت لحالي انو ممكن الأعضاء الموجودين فيه يتضايقوا لهيك حبيت اطلب علنياً
و بموضوع الاستفتاء أنا قلت انو رح ارجع شارك بشكل عادي و شو ما كانت النتيجة
بس الاستفتاء ما خلص لسه بالإضافة لوجود صوت حكينا عنه

أما إذا بدكن المنتدى أحادي القطب فهدا موضوع تاني و فيني اترك من هلا إذا بدكم
بس بشرط حذف عضويتي

اقتباس :

انا ما بنكر أنو في معرفة بيني وبين أحمد بس أنا ما بقبل كون لسان لحدا (أنت بتقبل قول عنك لسان ل سومر)

هههههه اي انا لسان لسومر بغيابو بحيث حافظ عالأمن بالمنتدى و شوفو اذا مستتب او لاااا
و كمان انا قلت بجوز كون غلطان يعني انا ما جزمت انو في نظرية مؤامرة عم تنحاك ضدنا

اقتباس :

وكمان الله يسامحك لأنو انت اكتر عضو بحبو بالمنتدى وبحب اتقاتل أنا وياه وحكينا كان كلو من القلب وأنت غلطان برأيك هاد

يعني رح قللك انو هادا الشعور متبادل سيرجي وانت بتعرف بهالشي بس حكيك هووون زعجني و يا سيدي متل ما قلت لحمشو صغيرة و ناكتة و غيرنا جو

احمد

انت اول الناس بتعرف لو بدنا المنتدى احادي القطب ما تركناك تعمل استفتاء من الاساس

نهايتو الاستفتاء ما خلص و الك الحق بالمتابعة و بتمنى انتقاء الالفاظ بشكل مناسب لحتى ما يرجع يصير حساسيات من الكلام

كلامي الأخير جد
شايفكم عم تقولوا موضوع سخيف و ما بينحكى فيه
إذا هيك موضوع سخيف ما انحل بقا كيف المواضيع الجدية ؟
شغلة مو بس أنا شايفها مشكلة
و انتوا شايفينها سخيفة
بقا شو المانع للإستجابة ؟!
عدم الاستجابة أو الإجابة بجواب مقنع يعني أحادية القطب
و بكل صراحة أنا ما حاسب انو حدا من الـ9 الموجودة أسماءهم بالصندوق يصوت معي
بس ع القليلة كلمة نحكيها

ابو حميد

انت طرحت الاستفتاء و ماشيين عليه

و منشان الجواب المقنع انا جاوبتك مو معقول تمشي رأيك عرأي الكل بعد ما انطرح الموضوع عالعام

ما قلت انو بدي مشي رأيي ع الكل
من الأول تركت المنتدى و ما قلت بدي مشي رأيي ع حدا
عملت هالتصويت حتى قول رأيي و اقنع اللي ما همه هالموضوع
بس بعد صوت مايا ما كتير متفاءل فيه
و ما طلبت حذفه (فوراً) إلا لأنو عم تقولوا الموضوع سخيف و ما بينحكى فيه

طيب ابو حميد هلق هلق شو بتأمر

بدك نحذف صوت مايا ؟؟؟؟؟؟

مو بقا الشغلة حذف صوت أو رد
التصويت مانو خطير و مصيري
الشغلة أكبر من هيك متل ما شفنا
خصوصاً انو ماني بقا (حميدان الوحيد في الميدان) !