مسلسل لعنة الطين ومقص الرقيب !!!!

لمحة:

يتناول المسلسل فترة الثمانينيات العصيبة في سوريا، ويروي حكاية شاب سوري (مكسيم خليل) قدم من الريف إلى المدينة ويصبح ضحية لمسؤول كبير نافذ، لا يلبث أن ينفضح دوره في شبكة الفساد ليهرب مغادراً البلد، فيما الشاب يخرج من سجن عشرين عاماً كان قد دبره له.
الشاب الريفي الذي يؤدي دوره مكسيم خليل يتحول من دراسة الهندسة إلى الكلية الحربية بتأثير المسؤول الكبير الذي يؤديه خالد تاجا. وعندما يتخرج الضابط الشاب يصر المسؤول على أن يعيّنه تحت إمرته، ما يدفع بالشاب إلى تقديم استقالته من السلك العسكري، فيدبر له حينذاك مؤامرة السجن. المسلسل يتناول عمليات الفساد والتهريب وندرة البضائع الأساسية في ظل الحصار الاقتصادي على سوريا في تلك الفترة.

شباب اللي ما تابع المسلسل برمضان راحت عليه هلق, بس نصيحة تابعوه بس ينعرض بعد العيد لأنو أنا بعمري ما حضرت مسلسل سوري بهل روعة والتشويق
وفي أفكار أول مرة بتنعرض بمسلسل سوري ببساطة المسلسلات السورية مليانة بمشاهد وقصص الاغتصاب بس هاد أول مسلسل بيصير فيه مشهد اخصاء لشب وهل الشب هو ملازم بالجيش ومشهود الو من كل الناس بالأخلاق الحميدة وسعة الصدر وكان طوال أول 15 حلقة من المسلسل عم يتعرض هو وأهله لمعاملة سيئة من الناس بس لما بتخطفوه عصابة وبتقوم باخصائه بسبب ثأر قديم بيتحول لوحش بعد اكتشافه انو صار غير قادرعلى الانجاب وبيصير بينتقم مستخدما سلطته من كل الناس اللي جرحوه وجرحوا اهله بالماضي.
وعلى فكرة شخصية المسؤول اللي عم يجند الضباط الصغار لصالحه بالمسلسل هي شخصية عبد الحليم خدام


أنا حبيتو لهل المسلسل كتير كتير لأنو عم يحكي عن فترة نحنا ما منعرف عنها شي بس هي باختصار الفترة اللي عاشوا فيها أهالينا أيام شبابن وهيدا هو المسلسل الوحيد اللي تابعته بشغف كبير وما روحت منو ولا حلقة بس روحت منو كم مشهد اجباري عني لأنو للأسف الفضائية السورية عم تحذف منو مشاهد على أبو جنب.
أنا بس بدي أعرف مين نصبهم وصي على المشاهدين لحتى يحددولهم تابعوا هاد وما تابعوا هاد والله العظيم عيب بعد كل هالتطور والبث الفضائي والرقمي لسه عنا بيقصوا مشاهد من المسلسلات يعني لا المخرج ولا الكاتب غصبوا الفضائية انها تعرض المسلسل هني اللي حطوه برضاهم بس بالأساس اذا عندهم اعتراضات عالمسلسل ما يعرضوه كله من اساسو بس ماانو يتركو اللي بيناسبهم ويشيلو اللي ما بيناسبهم وخاصة انو المشاهد مابقى مقيد بقناتين أرضيات متل قبل باختصار الفضائية عم تضحك على حالها لأنو قنوات الدنيا وصانعو القرار وغيرها عم تعرض المسلسل كامل وبدون حذف
والله العظيم شي بيفقع أنا وقتي ما بيسمحلي تابعوا غير عالفضائية وفي لقطة بتطلع كل يوم بالشارة وأنا الي من أول المسلسل وأنا ناطرها اخر شي بتفاجأ انو الفضائية حاذفتوه للمشهد ولما سألت أهلي وهني بيحضروه على قناة الدنيا قالولي أنو المشهد انعرض وما انحذف منو شي وهيدا المشهد هو انو ضابط بيعاقب مجند وبيكب عليه طنجرة الشوربا بس الفضائية حذفتوه (وكاني هالشي مستحيل يصير عنا) وكمان في مشهد لمجند تاني بيطعمي الضابط تبعو بدن مرتب بس كمان انحذف يمكن خايفين ما المجندين يعملوا هيك بالضباط.
اسف اذا طولت عليكم بس ليش ليسمحوا بتصوير المسلسل ويوافقوا على تصديره اذا عندهم اعتراض عليه.
تحياتي

و الله انا معك ابو السرج

بشرفي هادا اجمل مسلسل بشوفو هالسنة بس صوتت لما ملكت ايمانكم لاعتبارات اخرى

بالفعل هالمسلسل بيحكي تمام عن الواقع يلي كان موجود بهديك الفترة و اللي عجبني فيه دور المبدع عنجد ( مكسيم خليل ) و لا كاريس بشار

و انا ما بفوت حلقة منو ابدا و بالنسبة للحذف قال يعني اذا حذفو العالم ابتعرف شو عم يصير و كتير المجندين ناطرين لهيك لقطات لحتى تحرضهم , ولك العسكري منتوف نتف ما مصدق ايمت يخلص عسكرية و يتسرح

مشكور سيرجي :thx:

عنجد كتييير حلو هالمسلسل _أمابالنسبة للحذف فأنابقلك منيح الي عرضوه شو مابتسمع بالرقابةالأكالة_

أنا ماشفتو لأنو بصراحة رمضان هاد ماتابعت شي لأنو ... لأنو المفروض كون عم ادرس طول الوقت.. بس ماسمعت عن هالمسلسل بصراحة من حدا.. من حكيكم باينتو حلو ف ان شالله لما ينعاد مرة تانية إقدر شوفو :)

I didn't watch it because I had no time but I think it's a nice series

هلق كمان الصراحة انا ما حضرتوا بس سمعت عنو كتير انو حلو ..بس اللي بعرفو سيرجيو ..انو المسلسل كان موزع على كذا فضائية .. بعدين سورية سحبتو من الفضائيات و وزعتوا عالقنوات السورية بس لحتى تحذف على كيفها ...فيعني حتى قناتي الدنيا و صانعوا القرار في مشاهد محذوفة ..بس يمكن بما انون قنوات خاصة ممكن يعرضوا مشاهد الفضائية السورية ما تعرضها ..

شكرا لمرورك نضال والله رفقاتي العساكر بيحكولي كل قصة بتشيب شعر الراس بس الحمد الله أنا مرتاح

شكرا لمرورك عبودة

بيرل بس تخلصي فحص تابعيه وما بتندمي

Thank you RTB you should watch it buddy

رورو ما عندي فكرة عن هالشي بس بعتقد قناة صانعو القرار مو سورية والمسلسل أقل من عادي واجتماعي أكتر مانو سياسي والكاتب حكى أنو لجنتين من التلفزيون وافقوا على المسلسل وسمحوا بتصويره وكمان عطوه موافقة عالتصدير بس اجت لجنة العرض بالفضائية وصارت تحذف من المسلسل على كيفها

من أروع الانتاجات على الاطلاق مسلس ناجح فكرة تمثيل واخراج وواقعي جدا :thx: