مشكلتك يافرع

بدي احكي عن مشكلة قسم التاريخ

انا للصراحه ومن البداية كان دخولي خاضع لعلاماتي وابدا ماكان بحسباني ادرس هالفرع

بس درسته وصرت بالسنه الرابعه ورح اتخرج وكاني مادرست

لما بتقول انك عم تدرس تاريخ الكل بياخدهالفكره الحلوه عن الفرع وجماليته هو فعلا جميل جدا بس طريقة التعامل معه كتير مجحفه بحقه

يعني بالسنتين الاولى والتانية اخدنا مواد عن تاريخ سوريا وبعض المناطق الاثرية وعن التنقيب والاثار

وكل هالشي كان نظري نظري

وانا كتير بكره اني اخد معلومه احفظها قدمها وبس انا بحب كلشي عملي بحب اشتغل بايدي

بفرعنا اغلب الدكاتره بنقلونا من الكتاب والبعض النادر بتطلع من محاضرته وانت عم تفكر فيها

بتمنى لو انو يصير اهتمام اكبر بهالفرع وانو ينعطى حقه وتخف هالنظريات اللي فيه

ويدخلوا شي عملي ميداني فيه حتى لو على حسابنا

يعني لما اخدنا تاريخ اوغاريت شو كان صار لوزرناها وهيي ضمن اللاذقيه بظن كان اغلب الاطلاب رح تضل المعلومات معلقه ببالهم لانهم عايشوها

المناهج و طريقة تدريسها بشكل عام مناهج هات ايدك و الحقني

رفع عتب

طريقة تدريس بالية و غير فعالة

يعني شو بيخسرو مثلا اذا بيعملو محاضرة بالشهر بأوغاريت مثلا للتاريخ

او شو بيخسرو اذا بيتعاقد دكاترة الفرنسي و الانكليزي مع السينما الطلابية بالجامعة و يعرضو فلم بالاسبوع بيخص الشي يلي عم ندرسو

ما في مبرر غير انهم و بصراحة ناس ما بهمهن نوعية التعليم و المعلومات و فهمها بل كل همن كمي لا اكتر و لا اقل يعني متل الألة او متل القطار يلي اذا طلع عن السكة بيقلب

وردة

مشكور نضال على رايك

الصريح وكلامك صحيح

نحنا قلنا اذابدهم عحسابنا مارح يخسروا شي

يالله بلكي اللي جايين بعدنا حظهم افضل

والله يا شباب الوضع عنا بالأنكليزي كمان هيك بهوي
مواد ضخمة... ومملة ...وندرس بالليل والنهار وما عم
نلحق ...الله يخلصنا من هالنسة...نشاء الله ب 2050 بيتغير النظام التعليمي
بـــــــــــــــــــــــــــسوريـــــــــــــــــــــــــــــــا

مشكور علاء عالمشاركه

وخليك متفائل شوي نحنا عم نمشي بس ببطئ