يا اهل الله الحق على مين ؟؟؟؟؟؟؟؟؟

مرحبا يا اخوان
اليوم نزلت عالجامعة حتى اشتري محاضرات المواد اللي رح قدمها عالدورة التكميلية للمستنفذين اشتريت اسئلة الدورة السابقة لمادة اللغويات سنة تالتة فصل تاني لجلّاد غير الراعي -وانا آسف للتجريح بالكلام بس رح تعرفوا ليش تابعوا- الاسئلة كانت محلولة ولما وصلت عالبيت قعدت وقارنت الاختيارات الصحيحة مع الاختيارات اللي انا جاوبت عليها خلال الدورة الماضية
ومتل ما بتعرفوا هي المادة هيي كانت الوحيدة اللي بيتوقف ترفعي عالرابعة عليها
ونطرت نطرت نطرت اسبوع اتنين تلاتة وشهر و اذ البروفسور جلّاد حاطّلّي علامة 44 .
انا بعد ما قارنت الاجوبة تبيّن انو معي 15 اجابة صحيحة _ بغض النظر عن سؤال حلقة البحث اللي كنت جايب فيه شي 14 علامة _ المهم علامتي 60 وليست 44 .وحضرته ما بيصلح حلقات البحث
بالذمة هالدكتور مو هوّ الفساد بعينه ولازم نستاصله
بأي ذنب انا بروح عالجيش وبعد 6 شهور بكتشف حالي انو انا على حق و أمي دائما بتحط الحق عليي بكل فشل او اخفاق بيصير معي . صرت شك بحالي و تصيبني وساويس
من يوم ورايح انا ما رح اسكت وبتمنى يا جماعة اي واحد بتصير معه مشكلة ما يسكت و يشتكي للعميد
شو بدي سوّي

الله يسامح هالدكاترة يلي عم يضيعوا مستقبل طلاب كتار

أخي الله يكون بعونك ... منا لازم تسكت ع الظلم إذا أنت متأكد تماما من علامتك
وبنصحك تشوف معك كم طالب و تشتكو للعميد أو للسلطة يلي بتلاقيها مناسبة
إذا مو مشانك ... مشان يلي بدو يجي بعدك

الله يوفقكن يا رب .... ويهدي دكاترتنا