الزوجة الثانية... وقمة العدل!!!!!

في يوم من الأيام ..قرر رجال انو يتزوج على مرتو بس طبعا قرر انو يعدل بيناتن ...طبعا الزلمة ماكذب خبر تزوج وحدة تانية وسكنها جمب مرتو...المهم يا جماعة الخير ...هالرجال عدل بيناتن بشكل ما بيتصورو عقل...عدل بالكلمة ...بالهمسة...ولك حتى باللمسة...يعني بالمختصر كان عنوان العدل..
إجا اليوم اللي ماتوا فيه نسوانوا التنتين بنفس اللحظة...ولأنو الزلمة بحب العدل قرر انو يطلعن مع بعض(بعيد من هون كش برة وبعيد)
المهم....هالرجال ماعندوا الا باب واحد ما بساعن اتنيناتن...لهيالسبب قرر انو يفتح باب جديد...وفعلا تم الأمر وطلعن مع بعض ومشي الحال..المسا لما نام هالرجال شو شاف بمنامه؟؟؟؟
شاف مرته الأولى زعلانة ومعصبة...قالتلو:هيك يا رجال بتطلع الجديدة من الباب الجديد وأنا بتطلعني من الباب القديم؟؟؟!!!!!










شو رأيكن .....لئيتو العبرة....(على فكرة هالقصة حئيئية)




ودمتم سالمين.....

شو ياشباب كأنو قصة(العدل )ما عجبتكن ماهيك......صعبة ما ...صعبة...

ماشالله!!!عالبركة والله....هلا والله بأيوووش...
رح ئلك الجواب بعدين ...خلي أبو الريم يدخل أولا...ويلائيه ثانيا..بس كيف بدنا نعزمو لهون؟؟؟

طولوا بالكون طولوا بالكون
أبو الريم وآية بلا خناق يعني أنتو الاتنين ما في منكون

مشان الزلمة فمن الصعب أنو يكون عادل بكل شي مع زوجاتو إلا ما يكون في شي شغلة بيفضلها بالتانية عن الأولى أو بالعكس
مشكورة اشتياق مشكورة

خلص بما أنو العتب على قد المحبة،،، تقاتلوا قد ما بدكون
نحن بالنهاية أخوة وأصدقاء وعادي يصير هيك شي بين الاخوة بس بيضلوا أخوة

والله يا اية رح تجننوني مين سميييييير؟؟؟؟
العبرة يا أبو الريم انو الرجال قد ماحاول يعدل هدا الشي مستحيل....ومتل ما بتعرف مذكورة بالقران انو شرط الزواج التاني انو الواحد يعدل....فماببالك هالرجال أديش عدل ...مع هيك بالنهاية ما سامحتو مرتو وما طلع عادل..لهيك ماتفكر تتني ع ام الريم

اي شو هالعدل يا ابو الريم ....لا تتخ ولاتنخ
بئلي عئلي اكتب رسالة لام الريم....شو رأيك؟؟؟؟

صحي أبو الريم مين سمير؟؟؟
مين سمير أه مين سمير؟؟؟

قلي أحسن ما تسمع صوت انفجار قوي لأن معلاقي بيكون طق!!!!!

يوه!!!!!!انشالله ألف مبروك...والله يتمم عخير....شايف ظني شو عالطل...فكرتك انت سمير...واية عم تهددك تفضح اسمك.......

لأ انا اسمي رامي

عاشت الاسامي يا رامي....عندي اتنين رامي بالعيلة وهلأ صاروا تلاتة...