مرسوم رئاسي يحدد يوم الاحد 26 شباط للاستفتاء على الدستور الجديد

أنشالله خير والله أنا شفت مشروع الدستور وكتير منيح وما بعتقد أنو في حدا أله حجة يتمنظر علينا يعني

انا ضد المادة الثالثة لانو فيا تمييز يعني شو غير المسلم مانو عايش بالبلد؟ماعم يخدم بالجيش؟بغض النظر انو الاغلبية مسلمة بس هالشي ما بيلغي الاخر ومافينا نتجاوزو وشو مشان الزواج المدني؟؟؟؟؟

انا لسا ما شفتو للدستور الجديد .. بس شوفوووووو منتنااااقش ..

الامور يلي حكيت عنا صديقي حمشو من الاساسيات برايي الشخصي ..

فعلا من الأساسيات.. بس أنا قصدت أنو هو جيد من الناحية السياسية بحيث يلي لسى بدو يحكي بموضوع الحكم عنا ما عاد فينو يحكي..
بس يا ريت حدا يذكرني بالمادة الثالثة يا جماعة اذا بتريدوا؟؟

أيييييييي شفتها للمادة الثالثة مشي الحال

انا مع الشي اللي بيضمن لهالبلد الخير ولاهل البلد حياة سعيدة كريمة

وقرار اليوم هو أسمى صور الديموقراطية

والله يختار الخير للجميع

جاء القرار لدعم مسيرة الاصلاح و التطوير في سوريا
وبرأيي بعد الحوار الوطني وأخد جميع الآراء حول الدستور
رح يتم وضع دستور متطور يناسب عصرنا الحالي ويشمل كل اقتراحات المواطنين
الله سوريا بشار وبس
الله يحمي قائدنا الأسد

والله بشكل عام هالدستور ممتاز في حال اتطبق بحذافيرو
بس هي المادة التالتة حاسا متل خازوق البحرة قال شو ما بيصير يحكم الا مسلم لا و يطبق الشريعة بالحكم هههه يا محلا الدستور القديم رجعولنا المادة التامنة تبع حزب البعث أحسن و اخف وطأة

خيو حاصلو بوافق عهالدستور اذا بيلغو كل كلمة بتشير لدين او طائفة ، يعني مسلم و مسيحي و مدري شو ما بدنا ، اذا بيلغوا لهالمادة 3 بوافق

اخوتنا المسيحية بهالأحداث قدمو تضحيات و شهداء متلن متل اي مواطن بالبلد و اذا بدنا نحكي بشغلة انو نحنا دولة اسلامية ، صار الحكي ديني و طائفي و برأيي ما لازم ينذكر هيك شي بالدستور و الدين لازم ينفصل عن الدولة و الأدلة و البراهين لتجارب الدول التانية بهالموضوع كبيرة ما في داعي نذكرا

العالم بتقدم لقدام ما بترجع لورا

اي عنجد المادة هي من الدستور الجديد بدها اعادة نظر

المادة الثالثة :
1- دين رئيس الجمهورية الإسلام.
2- الفقه الإسلامي مصدر رئيسي للتشريع.
المادة الثالثة والثلاثون:
3- المواطنون متساوون في الحقوق والواجبات، لا تمييز بينهم في ذلك بسبب الجنس أو الأصل أو اللغة أو الدين أو العقيدة.

شو منشان ؟!!
مو كأنو في تناقض ؟!!!

مزبوط في تناقض وبسيطة بصير هيك اغلاط بتمنى يتم التعديل بالدستور

هلق حسب ما شفت لحد الآن نسبة 99 بالمية من اللي شفت آراءهم عشبكة النت او عالواقع رفضو هالمادة التالتة رفض قاطع ، بقا عالأغلب رح تتعدل و ما منعرف بجوز تكون تمرين او بروفا للناس حتى تتعود عممارسة الديمقراطية من خلال المطالبة بالتعديل من جهة ، و تقبل الآخر و مشاركتو بالحياة السياسية انطلاقا من فكرة الدين لله و الوطن للجميع من جهة اخرى و هادا الصح
والله محيي السلطة

أنا مع الدستور القديم والدستور الجديد
أنا مع سورية الأسد وضد الاستعمار
أنا مع كل أخواني في سوريا
لازم نفتح عيونا ونكون أيد وحدة

والله معنا

والله اللي بيشوف اعلامنا كيف عم يحكي عن الدستور الجديد ، بيتأكد انو المادة التالتة لا رح تتعدل و لا رح تنحذف ، بقا لا حدا يسن سنانو هههه

هلق اكيد هالدستور جيد جدا ، ما عدا هالمادة التالتة ما عجبتني بنوب

والله بيحتار الواحد شو بدو ينقي بالاستفتاء موافق او غير موافق ؟؟؟

المادة الثالثة لازم تتعدل وفيه تناقض بعدة نقاط

هادا اللي لازم يصير يا صديقي و منتأمل انو يتغير ان شاء الله

التعديل اذا تم فذلك بعد 18 شهر حسب الدستور الجديد ، و بالطرق الدستورية القانونية ، يعني احزاب و مجلس شعب و الذي منو ، مقلتلكن بروفا نشان نتعلم الحراك السياسي و الديمقراطية
بعدين المادة التالتة ضاربة عصفورين بحجر ، و هي قلتلكن اول عصفور ، ضل التاني اعرفوه لحالكن ( و هي غمزة )

انا بصوت نعم وبقوة للدستور الجديد لأنه يضمن حقوق المواطنين و يلبي طموح غالبية الشعب و ديمقراطي و موقع من قبل رئيس الجمهورية
اذا الرئيس الأسد المفدى موافق عليه كيف أنا ما بدي وافق عليه!!

بدي صوت ع الدستور ويلعن روحك يا عرعور

ههههههههههههه حلللللللوة أبو الريم