تشكيل فريق صحافة للمنتدى هل أنت مهتم؟

بعد ما جددنا فريق الإشراف و الإدارة قررت تشكيل فريق جديد ..
اسمو فريق صحافة المنتدى ... وهو كالتالي :
أي حدا بحب يكون مراسل للمنتدى ... عندو إلمام باللغة العربية الفصحى جيد .. وعندو هواية الصحافة .. بدي منو يطلب الاشتراك بهالفريق سواء كان مدير
أو مشرف أو حتى عضو مساهماتو قليلة .. وطبعا بيتطلب الموضوع قوة شخصية و إلمام بالتعامل مع الناس ...
مهمات هالفريق رح تكون كالتالي :
مقابلات مع الدكاترة بالجامعة لكل الفروع بالآداب بدون استثناء , بالإضافة لمقابلات مع الطلاب بالكلية , ومقابلات مع الموظفين هالشي مهم كتير.. ومقابلات مع
العميد نائب العميد رئيس الجامعة أي حدا حتى اذا فيكن تعملو مقابلة مع ابو يزن مو مشكلة ...
أهداف هذا الفريق :
تقريب وجهات النظر بين الطلاب و الدكاترة بالمرتبة الأولى ... محاولة حل المشاكل و خاصة بين الطلاب و الموظفين ... تقريب الطلاب البعيدين عن جامعة
تشرين يعني الساكنين برا المحافظة ..صدقوني بس يصير الطالب بيعرف وجهة نظر الدكتور هالشي كتير بفيدو ..
ليش لازم تشترك بالفريق :
لتفيد نفسك و غيرك يعني اذا عملت مقابلة مع دكتور من فرعك شو ما كان الفرع هالشي كتير بفيد ناس.
رح اعطي صلاحيات خاصة لفريق الصحافة كل واحد حسب قديش بيشتغل و بيعمل مقابلات و اخبار عن الجامعة من أرض الواقع ..
بالإضافة لهدايا بعدين بتعرفوها ..ههه
بتمنى من الكل ياخد الموضوع على محمل الجد نحنا من السنة الماضية مفكرين فيه بس ماحدا اشتغل عليه
ما حدا يقلل مروة اذا شخصيتو مناسبة لهل الموضوع بتمنى من الكل يشارك بفرعو ويفيدنا ويستفيد شكرا الكم

اي بعرف سبق وحكينا فيه ... بس ليك ابو الريم بدنا ناخد بعين الاعتبار مو كل الفروعة الدكاترة فيها متل عنا في كتير دكاترة بينشربو مع المية العكرة ونحنا ما عم نطلب شي كبير هاد شي بديهي وبسيط بين الطالب و الدكتور وكل المواقع بتعمل هيك

اي ليش لأ
حركة ممتازة لصالح الطلاب

انا موافق و جاهز

فكرة كتير كتير كتير حلوة .. زيزوووووس مناسب لهالعمل ..

أي فكرة حلوة

فكرة حلوة كتيييير وسابقة بتكون منكن
مو هيك نضالو

انا جاهز بو السوم

اذا الكل جاهز رح نبلش الشغل وهي صار عنا رئيس تحرير بو النضل هههههه بالله كفو بس لولا رسائلك الفلاجية ههههههه

لهيك مالكن مصلحة احكي بإسمكن هههههه

أنو اناااااا كيف فيي فيد ومالي باللادئية ؟؟؟؟؟؟؟؟

بس كتير حابة هالفكرة .. وبالنسبة الكون حلكون تعرفوني باني متل القط بكل عرس الي قرص على ما اعتقد

يالله فكرو ولائولي شغلة اشتغلا ياريت

ريشة خليكي بجلياتك

ماااااااااااشي مااااااااااااااااشي ماااااااااااااااااااااااااااشي

الله يرحم ايام العزوبية .. بس صرت ام مااااااحدا صار يقشر فيني بصلة

تصطفلو اصلن الحئ عليي يلي بدي اخدم

ئال خليكي بجلياتك ئال

هههههه جليلنا جليات المنتدى ولو ، آية ما بقا عم تلق شغل و هديك شامبو ما مبينة و للوشة لسا جديدة بالمنصب و و و و و
بقا ما صفي غيرك ، كيفك فيا ؟

مالي منيحة فياااااااااااااا بنوب ...

طلاع من حياااااتي وسكر البااااااااااااب

موفاضية بدي اشتغل صحفية

طيب تعي اعملي مقابلات مع الدكاترة لكن

انااااااا ؟؟ لا لا نضالو .. انا بغار عليي جوزي كتيييير ههههههههههههه

واجلي الدنيااااااااااااااااااا برررررررررررد ؟؟؟

شباب مافي حل تاني ؟؟؟ غير الجلي ؟؟؟

والله شايفلكن بالآخر بدنا نعمل الشغلتين سوا لحالنا انا و بو السوس

انا سأحاول مع الدكاترة مع اني مو متأمل خيرا

حيو ابو الريم
خيك سبارتاكوس معك عالموت

كفو والله