أكبر صحن تبولة في العالم حضّرته نجوى كرم

بعد أن انتشر خبر تصوير الفنانة نجوى كرم كليب "بالروح بالدم" وتضمّنه أكبر صحن تبولة، تنفرد "لها" بنشر الصور الأولى من الكليب ولصحن التبولة الخاص الذي تمّ تحضيره من ضمن مشاهد الكليب، لتسجّل نجوى كرم رقماً قياسياً سيدخل كتاب "غينيس" للأرقام القياسية كأكبر صحن تبولة في العالم. بينما الرقم المسجل سابقاً كان لإسرائيليين حضروا صحن "تبولة" بلغ قطره 5,70 ، بينما الصحن الذي حضّر لكليب نجوى بلغ قطره 7,10.

وحتى الآن لم تعرف أي تفاصيل إضافية عن الكليب، باستثناء أن صحن التبولة كلّف وحده أكثر من عشرين ألف دولار اميركي، وأن التصوير تمّ بين منطقتي الأرز وبيروت تحت إدارة المخرج فادي حداد، وهو سيعرض بعد أسبوع على مختلف المحطات الفضائية.
------------------------
---------------
------

و الله شكلو بيشهي

و انا غرامي التبولة

مشكووور اسماعيلو و دايمة نشالله

صحتين نضالو
ومشكور ع قبول العزيمة

صحيح هالحكي سمعت الخبر
مشكور اسماعيلو
بس في شغلة ما بتعرفوها اللي بدو يدخل كتاب غينيس لازم يدفع شي مليون ونص ليرة سورية
ههههههه
هيك سمعت

والله كل شي وارد ؟؟؟ ما بعرف ؟؟؟
أحلى سومر وألف شكر عالمرور والمعلومات

بس في شغلة يا جماعة ..انو هلق نجوى كرم بدها تدخل موسوعة غينيس لأنها عملت اكبر صحن تبولة ..ما هيك ؟

بس هاد ظلم لأنو أنا متأكدة انها ما حطيت ايدها فيه يعني اكيد اكيد ..ما فرمت ولا حبة بندورة حتى.. :suspect: ..بقا على اي اساس رح يتسجل هالصحن التبولة باسمها ..وين العدل؟؟

بعدين نضالو .. شبك شطت ريالتك ..ما حدا عزمنا و ين دحشت حالك فورا ..

و شكرا اسماعيل عالخبر..

نضالو عميتفشش بالأكل هالأيام !بس مابعرف ليش!ههه
ملاحظة:التبولة أصلها سوري بس اللبنانية لفو كل هاللفة منشان يقولو أنو هي الأكلة أصلها لبناني.
صح شغلة فاضية بس شوفو تفكيرن كيف!
على كل مابهم أصلا المهم ناكل ماهيك نضالو؟

بعتقد اللي رح يدخلوا الكتاب هم نفس المجموعة اللي عملوا من فترة أكبر صحن حمص
وهم مدرسة الكفاءات اللبنانية بقيادة الشيف رمزي .
وهم أعلنوا مسبقاً عن موضوع التبولة انو جكارة باسرائيل .
بس بعتقد انو كليب نجوى نوع من الدعاية المشروعة المشتركة الها ولغنيتها وكمان لتسليط الضوء أكتر ع موضوع أكبر صحن تبولة بالعالم.
مشان العزيمة ما حدا عزمنا لا تصدقي رورو

مشكورة ع مرورك اللطيف

دوفانو الغالي بعرف لشو عم تلمح مشان نضالو قصدك انو فايت بالحيط من مبارح


وبالنسبة لأصل التبولة ما عندي فكرة بس ممكن يكون من عنا وأصلاً نحنا كنا بلد واحد .
بس الحقيقة انو هني فاضيين وما عندن شغل وتاني شي انو عندن شركات خاصة ترعى هيك تظاهرة وكمان الاعلام واللي هو أهم سلاح وأهم مسوّق لهيك فكرة .
يا سيدي حلال عليهن وبينا وبينن ما فارقة , المهم يكسروا رقم
اسرائيل

مشكووووووور دوفانو الغالي

لك هلق نحنا عم نحكيك عالتبولة ؟؟؟؟
شو بدك بنجوى كرم وأغانيها ؟؟؟



مشكور أحمد

رورو

انا ابدي عزيمة قال انا من اهل البيت هيك قللي اسماعيل

دوفان

اي المهم الاكل و انا اكلت و شبعت و طلعت برا بس لا تخااف جايي دورك يا عزازيلي

اسماعيل

عأساس هنت كمان طيلاني شو ابقا بدك تشجع الطيلااااان

بشو و وين و كيف بدك ياني شجعن
أنا طلياني بأكل المعكرونة والبيتزا وبس
يضرب هيك فريق ؟؟؟
منيح اللي ما علقنا العلم كنا اتبهدلنا بين ولاد الجيران

ليش مين قلك انو انت معزوم مشان تاكل
انت معزوم مشان تتفرج على أكبر صحن تبولة بالعالم

لك شو بدك بهالحكي يعني نجوى كرم
اسمها شمس الغنية
وع فكرة لا تعيطيلو لاحمد لانو خارج التغطية وترك المنتدى
وكلو من ورا لعبة الاغاني

لا لا ما تخافي أحمد كتير أكابر
بس هو علق كتير ع لعبة الأغاني انو سخيفة وانو نحنا عم نشارك فيها لناخد نقاط
ومن هالحكي اللي مالو طعمة
بس هو في أسباب تانية خلته يترك المنتدى
وانت مالك علاقة فيها أبداً
don't worry Najwa