العالم الإسلامي: التاريخ في الجغرافيا ( الجزء الأول )

العالم الإسلامي : الجزء الأول

عهد النبوة (1-11هـ/ 622-632م)
تشكل أول كيان إسلامي في المدينة المنورة عندما هاجر الرسول -صلى الله عليه وسلم- من مكة وكون نواة دولة الإسلام التي بدأت تنمو وتتوسع بدخول الأفراد والقبائل في الإسلام. وبعد فتح مكة في السنة الثامنة للهجرة أخذت الدولة الإسلامية في التوسع، فقد توافدت القبائل على الرسول معلنة إسلامها. ومع وفاة الرسول عليه الصلاة والسلام كانت دولة الإسلام تشمل الجزيرة العربية.


الخلفاء الراشدون (11-40هـ/632-661م)
بعد وفاة الرسول اختار المسلمون أبا بكر خليفة، وسميت الفترة التي امتدت من عهد أبي بكر إلى علي بن أبي طالب بالخلافة الراشدة، ومدتها ثلاثون سنة. وفي أثناء هذه الفترة توسعت الدولة الإسلامية خارج الجزيرة العربية لتشمل بلاد الشام سوريا ولبنان والأردن وفلسطين وقبرص والعراق ومصر. وكان مركز الدولة في المدينة.


الدولة الأموية (41- 132هـ /661-750م)
بدأت الدولة الأموية بتولي معاوية بن أبي سفيان الخلافة واستمرت تسعين عاما. وشهدت هذه الفترة توسعاً كبيراً في العالم الإسلامي، فقد امتد في الشرق ليشمل إيران والهند والصين وآسيا الوسطى، وامتد في الغرب إلى شمال أفريقيا والأندلس (إسبانيا والبرتغال وجنوب فرنسا). وكان مركز الدولة في دمشق.


العباسيون (132-656هـ/750-1258م)
خلف العباسيون الأمويين، واستمرت دولتهم قوية وشاملة حتى القرن الرابع الهجري، ثم ضعفت وتفككت ونشأت في ظلها أو مستقلة عنها دول كثيرة، ثم قتل الخليفة العباسي على يد المغول عام 656 هـ/ 1258م. وكان مركز الدولة في بغداد.
امتد الإسلام في العهد العباسي في آسيا الوسطى متوغلا في أقاليم جديدة إضافة إلى تلك التي وصل إليها في العهد الأموي وفي غرب أفريقيا ووسطها وشرقها.


----------------- المصدر: الجزيرة نت -----------------

شكرا اسماعيل عالمعلومات المفيدة

Welcome Ruru

ومشكوووووووورة

يعطيك العافية إسماعيل
بس للتوضيح المسلمين ما اختاروا أبو بكر
هوي وعمر اختاروا بعض بمؤامرة وبعدين فرضوا أمر واقع عالمسلمين

بعرف أنو موكتير بتحب هالحكي
بس عالأقل خلينا ما نغير الحقائق إذا ما بدنا نقولا
بتمنى تفهم موقفي وحقي .لأ واجبي بنشر المعرفة الصحيحة

دائماً بقول للشباب والصبايا بالمنتدى انو الحقيقة الها عدة أوجه وما حدا فينا بيمتلك الحقيقة كاملة
يعني الحقيقة متل الهرم أو متل العملة لها وجهين أو أكتر
وبتنشاف من عدة وجهات نظر....
أما بالنسبة انو ما بحب اسمع هالحكي فالقصة ما هيك وانما أنا ما بحب ناقش تفاصيل الأمور هون يعني انت بتحكي عن فلان وانا أو غيري بدنا نصير نرد لحتى ندافع ... هادا اللي ما بحبو
ما لأني ماني قد المواجهة بس لأنو عندي سياسة تانية وهي انو ما حدا فينا رح يقنع التاني وبالتالي خلينا قبل ما نحكي بنقاط الخلاف نجتمع ونحكي بالنقاط اللي بتجمعنا واللي برأيي أكتر بكتير من نقاط الخلاف ... وعلى فكرة أنا سبق وقلتلك انو موقفي ما لأنو الأشخاص اللي عم تتعرض الن بخصو طائفتي وانما هادا موقفي من أي شخصية تانية من غير طائفة , يعني ما بقبل فلان من طائفتي يقعد يحكي على شخص له قيمة ما في طائفة أخرى وصدقني بحاربو.
خلي كل واحد يقول وجهة نظرو بس بألطف طريقة ممكنة لحتى نستمر بالحوار. وصدقني أحلى شي بالمنتدى انو عم يجمع ناس من كل الطوائف والأديان وهيدي ميزة للمنتدى .
وبالعكس أنا كتير بحب مشاركتك لأنك صريح و واضح وما بتنافق , بس بدي منك انو تراعي مشاعر بقية الناس متل ما أنا أو غيري عم نعمل مع بعض ... يعني المهم ما يكون الأسلوب سب وشتم وأنا بتقبل النقاش لبكرا الصبح ... يعني ردك اليوم أنا ضده طبعاً بس عالأقل أسلوبه كان أفضل من هديك المرة وقت صارت قصة الحذف ...
وجوابي الصريح عن الموضوع رح ينزل قريباً بموضوع عن علاقتنا ببعض كطوائف وكيف بدنا نوفق بين بعض وانشالله بتشاركني فيه وبستفاد من رأيك
مشكووووووووووووووووووووووووور أبو خالد

يعطيك العافيه
إسماعيل
ع الموضوع التاريخي البسيط والقيم بنفس الوقت

الله يعافيكي سوسن
وصدقيني أنا ما هوايتي التاريخ ولا بحبو
بس بحب المنتدى وبدي شجع أصحاب الاختصاص لحتى يحملوا كتف عننا
ويبلشوا ينزلوا مواضيع بقسم التاريخ اللي هو ساحتهم الخاصة
مشكوووورة سوسن

إسماعيل الغالي
هلا أنتى قلت كلمة جوهرية ولو عرضاً ، قلت أنو... في أشخاص من (طائفتك)
طيب أنا ما بآمن بالطوائف من الأساس .يعني ما بعتبر أنو نحنا من طائفتين مختلفتين
أصلاً ما في طوائف بالدين ..الطوائف شغلة سياسية .تقسيم سياسي عملوا الأمويين
الدين واحد والشريعة واحدة وما في أي تغيير حسب الأشخاص أو المناطق
يعني لما منكون كلنا مسلمين رح نكون فعلاً موحدين بطريقة حقيقية بعيداً عن المجاملات والتعايش
وطبعاً بدنا نحترم الأديان السماوية بس ما في داعي لنقسم بعض وبعدين نقول خلينا نحترم اختلافنا
لأنو الأختلاف بيعني انحراف عن الدين
وهي هيي القضية الجوهرية يلي عمأطرحا من أول يوم.
*****
هلا الحقائق التاريخية ما بتتغير وفقاً لوجهة نظري أو نظر واحد بخالفني الرأي
في حقيقة وحدة محددة ..ما بصير تكون سورية شمال الأردن بينما في ناس بتشوف الأردن شمال سورية
***
بس ليك إسماعيل ، أنا بالمرتين قلت معلومات وبس ، يعني بالمرة الماضية ما كنت عمسب وإنما بس عمأنقل معلومة

بدي كمان شيد بوعيك الكبير والعميق
وشخصيتك الرحبة والمتوازنة
كتير - الحمد لله - وعنجد بيسعدني شوف هيك وعي وموضوعية عند شب سوري
وبرأيي هادا بشجعني أكتر مشان كفي بالإصلاح والتوحيد الحقيقي من وجهة نظري.

والله أنا بغاية السعادة لرحابة صدرك و تفهمك أبو خالد .
ليك بعد ما قرأت ردك اليوم كتير انبسطت انو في أمل بالنقاش والحوار
بس صدقني القصة ما لأنو انا أو انت بدنا ياها تكون هيك , بس الواقع بقول انو ما تراه انت حقيقة تاريخية , يراه الآخرون كذب والعكس صحيح يعني اللي غيرك بشوفو حقيقة تاريخية , انت بتشوفو كذب وغلط ..... وبالفعل التاريخ هي المادة الأكثر عرضة للتحريف و الكذب وكل واحد بيكتب على كيفو ؟؟؟ فخلينا نعترف أول شي بوجود اختلاف وليس خلاف , وطبعا في فرق بين الكلمتين ,وهادا أمر واقع وما منقدر نتخبى ورا اصبعنا ... وبعدين منشوف كيف بدنا نعيش سوا برغم اختلاف آرائنا و وجهات نظرنا.. وهيدي الغاية الأهم برأيي.
وبدي منك انو ما تستعجل على شي , يعني الأيام جاية وانا قلتلك انو بدي اطرح وجهة نظري بموضوع خاص .. بس انت مستعجل شوي
ماشي أبو خالد ... أنا حقيقة بتشرف بوجودك بالمنتدى وأهم شي
الأخد والعطى ... يعني ما بدنا تحجر وتصلب من أي واحد بدو يناقش هيك أمور .
كل الشكر الك وانشالله موعدنا قريب بنقاش عن هالموضوع بس بشكل تاني ...
وليك بالنسبة لموقع سوريا فهيدي جغرافيا ما بينلعب فيها أما التاريخ موضوع تاني

بعد التفاهم والأخوّة
إذا بتسمحلي صر عرأيي أنو معلوماتي صح ..
وطبعاً أكيد طبيعي أنو نختلف بالرأي بخصوص هيك شغلات وغيرا
بس يلي بدي قولو أنو ممكن حدا يقنع التاني وينجح الحوار ويوصل لهدف
يعني بعد ما يطّلع الشخص المنصف عمعلومات ما كان بيعرفا ممكن يغير رأيو
وهادا بصير تصحيح لرأيو
وهي غاية رائعة
وهيي هدفي
والكتاب يلي نزلتو (ثم اهتديت) هوي مثال عهادا الكلام.

تحياتي إلك إسماعيل

أنا ماني بموقع اسمح و لا ما اسمح بالعكس أبو خالد
انت واجبك تثبت ع رأيك وموقفك وتدعمه للآخر طالما انت مقتنع فيه ..
ونفس الشي بالنسبة للشخص الآخر ...
وأكيد كل انسان عاقل ممكن يغير رأيه بكتير شغلات ولبين ما يصير هالشي
اللي هو غايتك وهدفك رح اشتغل انا على غايتي وهدفي اللي هي كيف بدنا نعيش سوا
ونحب بعض بصدق ما تمثيل ونتقبل اختلافنا كبشر عموماً ...
مشكووووووور أبو خالد

السلام عليكم
انا من خلال دراستي للعربي وقراءة القرآن متطلعة على هالمعلومات وكلامك جواهر
واكيد لازم نضل نكرر هالتاريخ لحتى نضل نتذكرها ونتقيد فيها
جد مواضيعك كلها الها فائدة وكلها مناسبة
وانت تتمتع بشخصية رائعة ومحترمة
الله يحفظك ويوفقك يارب
انت شو بتدرس

مشكور اخ اسماعبل
و بحب قول للاخ ابو خالد اللي بحب ينشر المعلومة لازم يحترم رأي الاخر و معتقدات الغير
و ما يكتب اي شي جارح او مثير للفرقة و الانقسام ولازم يؤمن بمبدأ التعايش اللي نحن كسوريين, بغض النظر عن طوائفنا و مذاهبنا, منفتخر انو نحنا من رواده
و بالنهاية منضل كلنا اخوة

شكراً آية ع مرورك الكريم واللافت حقيقةً
والكلام اللي قلتيه بدل على ذوقك
أنا بدرس أدب انكليزي

أكيد عزيزي Darkhector
معك حق باللي قلته بس بالنسبة لأبو خالد فهو شب محترم ويؤمن بالتعايش أكيد...
بس بالبداية كان متحمس شوي لا أكتر ولا أقل
مشكوووووور وكلك ذوق

كلامك عالعين و الراس اخ اسماعيل
بس النقطة انو ما بدنا يصير حساسيات بالمنتدى كرمال شي مفروغ منو
و لا انا و لا انت و لا اي حدا فينو يغيرو و اللي هو التعددية
و بالنهاية "الدين لله و الوطن للجميع"

حبيب القلب darkhector

بحييك على آراءك و ما رح ضيف شي عاللي حكيتوه لأنو كلام كافي ووافي

و بالنسبة للحساسية ما تاكل هم الشباب كلن متفهمين و نحنا موجودين عند اي سوء تفاهم بيصير لحتى نحلو و أحلى شبااااب

ممنونك اخ نضال
كلك ذوق

ولو هادا واجبنا يا غالي

ولا يهمك Darkhector
والأمور كلها قيد الحوار الهادئ و ما في أي مشكلة
ومشكور على رأيك الصريح

و الله احلى شباب يا اسماعيل الغالي
كلك ذوق و طبيعي ما يكون في مشاكل
بفضل وجود عالم فهمانة متلك و متل الاخ نضالو

لك تسلم هادا من ذوقك

darkhector كتب:

مشكور اخ اسماعبل
و بحب قول للاخ ابو خالد اللي بحب ينشر المعلومة لازم يحترم رأي الاخر و معتقدات الغير
و ما يكتب اي شي جارح او مثير للفرقة و الانقسام ولازم يؤمن بمبدأ التعايش اللي نحن كسوريين, بغض النظر عن طوائفنا و مذاهبنا, منفتخر انو نحنا من رواده
و بالنهاية منضل كلنا اخوة

وأنا بحب قلك تقرأ بالتاريخ وبالدين أكتر
وما تتهمني بشي ناتج عن فهمك الخاطئ للدين والتاريخ
أنا عمأدعو لتوحيد مجتمعنا بطريقة حقيقية
وما عندي اعتقاد متلك أنو في أنا من جهة وفي غيري من جهة تانية لأنو نحنا المسلمين شي واحد
وما في داعي عيد يلي قلتو
قرا كلامي مزبوط رجاء أخي