العالم الإسلامي: التاريخ في الجغرافيا ( الجزء الأول )

تذكير بمساهمة فاتح الموضوع :

العالم الإسلامي : الجزء الأول

عهد النبوة (1-11هـ/ 622-632م)
تشكل أول كيان إسلامي في المدينة المنورة عندما هاجر الرسول -صلى الله عليه وسلم- من مكة وكون نواة دولة الإسلام التي بدأت تنمو وتتوسع بدخول الأفراد والقبائل في الإسلام. وبعد فتح مكة في السنة الثامنة للهجرة أخذت الدولة الإسلامية في التوسع، فقد توافدت القبائل على الرسول معلنة إسلامها. ومع وفاة الرسول عليه الصلاة والسلام كانت دولة الإسلام تشمل الجزيرة العربية.


الخلفاء الراشدون (11-40هـ/632-661م)
بعد وفاة الرسول اختار المسلمون أبا بكر خليفة، وسميت الفترة التي امتدت من عهد أبي بكر إلى علي بن أبي طالب بالخلافة الراشدة، ومدتها ثلاثون سنة. وفي أثناء هذه الفترة توسعت الدولة الإسلامية خارج الجزيرة العربية لتشمل بلاد الشام سوريا ولبنان والأردن وفلسطين وقبرص والعراق ومصر. وكان مركز الدولة في المدينة.


الدولة الأموية (41- 132هـ /661-750م)
بدأت الدولة الأموية بتولي معاوية بن أبي سفيان الخلافة واستمرت تسعين عاما. وشهدت هذه الفترة توسعاً كبيراً في العالم الإسلامي، فقد امتد في الشرق ليشمل إيران والهند والصين وآسيا الوسطى، وامتد في الغرب إلى شمال أفريقيا والأندلس (إسبانيا والبرتغال وجنوب فرنسا). وكان مركز الدولة في دمشق.


العباسيون (132-656هـ/750-1258م)
خلف العباسيون الأمويين، واستمرت دولتهم قوية وشاملة حتى القرن الرابع الهجري، ثم ضعفت وتفككت ونشأت في ظلها أو مستقلة عنها دول كثيرة، ثم قتل الخليفة العباسي على يد المغول عام 656 هـ/ 1258م. وكان مركز الدولة في بغداد.
امتد الإسلام في العهد العباسي في آسيا الوسطى متوغلا في أقاليم جديدة إضافة إلى تلك التي وصل إليها في العهد الأموي وفي غرب أفريقيا ووسطها وشرقها.


----------------- المصدر: الجزيرة نت -----------------

ابو خالد

انحلت غالي انحلت سوء تفاهم بسيط

اختلافنا سر حيوية منتدانا فحافظو عليه بدون زعل

أبو خالد الغالي
أكيد انت الك حق الرد
بس حبيت قول انو صديقنا Darkhector أكيد ما بيقصد الإساءة
ومشكوووووووووووووووووووووووووووووووووووور

بصراحة اسماعيل
زعلت لما قريت كلامك
لأنو من ناحية اعتبرت حماسي غلط
ومن ناحية تانية مفكر أني غيرت رأيي مع أنو نحنا وصلنا لتفاهم بس بدون مانلغي آراء بعض ، وقلنا رح نحكي بالموضوع أكتر

ونضالو كمان زعلتني
ليش عمتصروا عأني عمأتسبب بخلافات؟
ليش الحق عليي إذا في تزويربالتاريخ...؟
ولازم سلم بصحة هالأخطاء وإلا بكون عمسوي مشاكل؟
توقعت أنو فهمنا عبعض أكتر من هيك

طبعاً بكشركن عاحترامكن إلي ومشاعركن الطيبة
نضالو+إسماعيل

لك له شو عم تحكي أبو خالد ما في شي من هادا وانا ما بقبل تكون زعلان
بعتذر اذا انفهمت غلط بس انا كان بدي روق الأجواء وبس
ونحنا بقينا على آرائنا
يعني ما حدا غير رأيو بس اتفقنا نغير بلهجتنا شوي وما تكون قوية وقاسية
بتمنى تفهمني صح ونحنا أخوة والك كل الحق تقول رأيك بصراحة
ولما حكيت عن حماسك كنت قاصد أول مرة رديت فيها
بس بعدين انت استجبت لطلبي مشكوراً واخترت كلمات أكثر مراعاة للآخرين
وهادا بدل على ذوقك وفهمك وليس على انك تراجعت أو غيرت رأيك

ابو خالد

انا ما رديت لحتى طلعك عم تثير خلافات لا بالعكس بس منشان ما بقا حدا يرد عليك بطريقة بتعمل زعل

عرفت كيف غالي

بعدين بالعكس حقك ترد لما اي شخص بيفهمك غلط و اسماعيل رد كمان منشان نفس الشغلة

و هي انتهت هون و تحياتي الك

اخ ابو خالد انا بفهم بديني كتير منيح
بعدين انا قلتلك في شي اسمه تعددية و تعايش
و الاهم من هيك انو في خطوط حمراء ما بجوز حدا يتخطاها و متل ما انا ما بسمح لحالي سيء
لمعتقدات حدا, ما بريد حدا يسيء لمعتقداتي و فهمك كفاية..
و لو ضليتا من هلا لسنة عم نتناقش و نتحاور فما حدا رح يقدر يغير معتقدات و لا اراء حدا
و المعتقد و المذهب خط احمر بتمنى يكون النقاش فيه بسياق المقبول و المسموح و بعيدا عن التجريح و محاولة فرض الراي او تغييره بالاكراه لاني هالشي مستحيل

هكتور حبيب قلبي انت ما بدنا يصير الموضوع
فك علقة ومصالحة بينك وبين أبو خالد
وصدقني أبو خالد ما بدو يفرض رأيو على حدا ولا بدو حدا يفرض رأيو عليه
ولا أنا بدي هيك شي يصير لأنو هالشي متل ما قلت ما بصير ولو بعد 200 سنة
بس الكل بيقدر يطرح رأيه بكل حرية بس بأروق لهجة ممكنة
مشكووووووووووووووووووورين واذا بتحبوني
صلوا عالنبي و روقوا

اخ اسماعيل انت عالعين و الراس
و انا ما رح اسألك الحق مع او على مين
و خلص متل ما بدك انا بأمر عيونك
و الصلاة و السلام على سيدنا محمد

أحلى شب يا هكتور وفضّلت على راسي
والحق عالطليان ههههههههههههه

لا هيك بدي ازعل منك, الطليان خلين عجنب
عبمزح طبعا و عن جد كل يوم عم تكبر بعيني اكتر
اسماعيل الغالي

حبيب القلب
كلك ذوق ومشكوووور

شو طليان ما طليان

محدا يحكي عالطليان ها

احلى شبااااااب

طيب شباب أنا كتير بشكركن
إسماعيل ونضالو الغاليين
الأجواء رايقة وكل شي تمام بس هلا بدي حكي للأخ darkhector
بموضوع جديد
***
بس بدي قول إلكن
- إسماعيل الحبيب ، أنا أول مرة نقلت معلومة لحتى وضح طبيعة شخصين، يعني هيك شخصين معتبرين محترمين شو هية حقيقتن
يعني ما كنت عمسب أو عمسيء لحدا كويس.
- قلتلكن بكل حواراتنا أنو الطائفية هيي قضية اجتماعية..سياسية (أسسا الأمويين)..ناتجة عن جهل بالدين...الخ
هيي ممكن نعتبرا أي شي إلا إنا تكون قضية دينية
لهيك رجاء لا تفهموا إصراري عالحكي بهالموضوع هوي إصرار عإحداث خلاف أو مشاكل
أو إني ماني مقدر إيجابيتكن العالية وعواطفكن الطيبة والنبيلة وما بدي رد عليا بما تستحقو
بس أنا برد بطريقتي يلي بتناسب شخصيتي وأفكاري(وما عمأحكي شي هون ماني متأكد منو 100بالمية)
رجاء شباب ..وإلا ما ييجي يوم تفهموا سبب هالإصرار
بس بتمنى تعذروني وتوثقو فيني
عميتهمني أخونا هيكتور أني عمسيء
وأنا رح ناقشو بموضوع تاني.

والصلاة والسلام على سيدنا محمد العظيم وآله الأطهار

ابو خالد

تمام انك وضحت الصورة اكتر و بشكرك من قلبي و يا ريت كل الرأي الآخر يكون متلك

و بتمنى نقاشكم يكون حضاري و بعيد عن الاتهامات و الزعل

تحياتي

شكراً كتير نضالو الغالي
يعني عنجد وجودك أنتى وإسماعيل عميخليني حس بسعادة كبيرة كل ما بلتقيكن هون
وعنجد زعلت لما شفت كلمة (بعتذر) من إسماعيل وأبداً ما كان بدي يقول هيك كلمة
كلمة كتير كبيرة ..وبتدل عنفسية عظيمة وراها
***
من الأصل نحنا إخوة وما في داعي نزعل من بعضأبداً
بس صدقوني لما رح وصل أفكاري ومعلوماتي رح تتغير سورية
إي ما عمبالغ رح يتطور كل شي..بإذن الله سبحانه وتعالى

شكراااااااااااااااااااااااااااااااااااااا للجميع
عالنقاش الحلو و المحترم
أنا كمان سعيد فيكم و جاهز اسمع آراء الكل
مشكووووووووورين
أبو خالد
هكتور
نضال