العلمانية مع أو ضد؟!

(الرب واحد والوطن للجميع)





العلمانية هل هي كفر,أم هي فكر
ونفض للعقل؟





قسم كبير منا شاهد في رمضان
مسلسل ((ليس سراباً)) للكاتب /فادي قوشقجي/ والمخرج /المثنى صبح/.





هل انتم مع الطرح الذي
تناوله المسلسل؟





هل أنتم مع الزواج المدني؟





هل انتم مع /جلال/ و
/ميشيل/ في فكرهما أم أنه ((سراباً))ونسج من الخيال؟





هل صحيح إن طرح أفكارهما هو
مقتبس عن أفكار غربية بحتة بعيدة كل البعد عن مجتمعنا الشرقي وعاداته وتقاليده
وأفكاره ؟





ماذا لو وضع أحد منا _رغماً
عنه_ مكان/جلال/ أو /حنان/ هل ستبقى أرائه ومعتقداته_ مهما كانت_ على ما هي؟ أم
أنها ستأخذ منحى آخر وهو تحدي المجتمع وتقاليده؟





ماذا لو طوّرنا قسماً من
أفكارنا//كشباب//بحيث لا تتعارض مع ديننا تعارض جذري او حتى غير جذري؟





العلمانية...لماذا هذه
الكلمة(محتقرة)عند كثير من الناس؟





هل هي فعلاً دعوة صريحة
لتخريب عقول الشباب والخروج عن طاعة الرب أم هي منهج روحي يدعو للإصلاح والتغير؟





هل هي فعلاً تبدأ عندما
يخرج المسلم من المسجد أو المسيحي من الكنيسة؟أم أن الشخص الذي يأخذ بها يكون قد
تجرد/مسبقاً/من دينه؟





لماذا الخلط بين العلمانية
والعولمة؟ولم حدث يوم واقتنعت بها...هل ستغير أم ستسكت على مضض؟





أرجو الرد بشفافية....وشكراً








__________________


liberté
toujours

شو شباب وصبايا لا تعليق!!!!؟؟؟

اشكرك عالموضوع لانو عنجد مهم


بالنسبة للمسلسل ما حضرتو

بس برأيي العلمانية هي الحل الامثل للدول الاسلامية

و اكبر مثال عن ذلك تركيا و ماليزيا

و هي ليست بخروج عن طاعة الله لان الله امرنا باحترام و محبة الاخرين على اختلاف اديانهم و شرائعهم يعني بالنهاية الله واحد


و الله عز و جل لو بدو يانا نؤمن فيه ايمان اعمى بدون تفكيير ما كان حط العقل فينا و العقل وسيلة للوصول الى الحقيقة و العمل الصالح

هادا رأيي و مشكور HMSHO عالموضوع الجميل

و بتمنى من الجميع يشارك بهالموضوع

nedalo

اقتباس :

العلمانية هل هي كفر,أم هي فكر
ونفض للعقل ؟

اقتباس :

- بل هي فكر بحت 0

هل انتم مع الطرح الذي
تناوله المسلسل؟

اقتباس :

- نعم انا مع الطرح

هل أنتم مع الزواج المدني؟

هل انتم مع /جلال/ و
/ميشيل/ في فكرهما أم أنه ((سراباً))ونسج من الخيال؟

-نعم فالزواج المدني ليس بكفر ولا بخروج عن الدين
على العكس تماما قد يكون حلا لمشاكل ومعاناة العديد من الشباب
في محاولاتهم التقريب بين الاديان وابعاد الفروق عن طريق الارتباط
فيجدون الزواج عقبه صعبة التجاوز في سبيل تحقيق امنياتهم0

اقتباس :

هل صحيح إن طرح أفكارهما هو
مقتبس عن أفكار غربية بحتة بعيدة كل البعد عن مجتمعنا الشرقي وعاداته وتقاليده
وأفكاره ؟

- أظن ان الشباب العربي لديه من الوعي مايمكنه من التمييز بين ماهو مجرد تقليد اعمى للغرب لا صلة له بديننا وتقاليدنا وين ماهو وسيله قد تساعدنا على التقدم والمضي نحو الافضل 0

اقتباس :

ماذا لو وضع أحد منا _رغماً
عنه_ مكان/جلال/ أو /حنان/ هل ستبقى أرائه ومعتقداته_ مهما كانت_ على ما هي؟ أم
أنها ستأخذ منحى آخر وهو تحدي المجتمع وتقاليده؟

ماذا لو طوّرنا قسماً من
أفكارنا//كشباب//بحيث لا تتعارض مع ديننا تعارض جذري او حتى غير جذري؟

-طوال وجود عائق يمنع الزواج المدني سوف تظل بنظر الناس تحدي للمجتمع وتقاليده0
-علينا ومن واجبنا كشباب ان نأخذ مأخذا متصالحا مع الجوانب التي لاتتعارض مع ديننا ولاتتحداه وانا نناقشها من وجهة نظر علميه بعيده عن التعصب الاعمى والرفض لمجرد الرفض0

اقتباس :

العلمانية...لماذا هذه
الكلمة(محتقرة)عند كثير من الناس؟





هل هي فعلاً دعوة صريحة
لتخريب عقول الشباب والخروج عن طاعة الرب أم هي منهج روحي يدعو للإصلاح والتغير؟





هل هي فعلاً تبدأ عندما
يخرج المسلم من المسجد أو المسيحي من الكنيسة؟أم أن الشخص الذي يأخذ بها يكون قد
تجرد/مسبقاً/من دينه؟





لماذا الخلط بين العلمانية
والعولمة؟ولم حدث يوم واقتنعت بها...هل ستغير أم ستسكت على مضض؟

-العلمانيه وسيله لتسهيل التواصل وتقوية الروابط بين جميع الطوائف والاديان والاعراق والشعوب
وبامكاننا ان نكون علمانين دون المس باخلاقياتنا ومبادئنا
ولكن الخوف يكون من البعض ممن يدعون العلمانيه
او من اولئك الذين قد يتناسون في نهاية المطاف ماتمليه عليهم اخلاقياتهم واديانهم بحجة العلمانيه عندها تتحول الى سلاح مدمر اكثر منه مطور 0

شكرا جزيلا للموضوع الهام والمميز

مشكورة يا وردة المنتدى

شكرا حمشو لانك نكشت الموضوع
المشكلة هيي الفهم الخاطئ لمعنى العلمانية عنا
الايمان بيكون بالقلب مو بالشكليات والمظاهر
واكيد الله جعل طوائف متعددة منشان نتفاهم ونحب بعض
ويمكن اللي عملو جلال وحنان كان الحل الوحيد
وهنن ما غلطو ابدا
بالنهاية الله واحد عند كل البشر

هلق أنا ما بخفيك أنو كل ما بشوف هالموضوع بهرب منو
ما لأنو ما عندي الجرأة والشفافية الكافية لحتى أعطي رأيي فيه
بس لأني بحس القصة ما قصة مسلسل وبدنا نعلق عليه
الموضوع بيحتاج لكلام كتير ولتبيان وجهة نظر الطرفين المعنيين
سواء الدين (بشقيه الاسلام والمسيحية) أو قانون الأحوال الشخصية
لهيك رح أحكي هلق بالمختصر وبوعدك حمشو إنو رح
قول رأيي بموضوع الزواج المدني تحديداً بعدين بموضوع عم يتحضر

1- بالنسبة للمسلسل أنا حضرتو بس أصلاً جلال كان مسلم وحنان مسيحية
يعني الزواج اللي صار بينهم كان زواج عادي وقانوني وما كان مدني
لأنو مفهوم الزواج المدني بسوريا يقتصر فقط على زواج المسيحي بمسلمة
2- بالنسبة للعلمانية ما بعتقد إنو نحنا بسوريا عايشين تحت راية نظام إسلامي صرف
يعني في قانون أحوال شخصية بعض أحكامو من الاسلام بحكم الأغلبية
بس هل في حدا بيعتقد إنو سورية دولة إسلامية بالمعنى الحرفي للكلمة يعني
متل السعودية مثلاً ( هل تقطع يد السارق مثلاً ؟ ) .... أكيد لأ
يعني بشكل عام نحنا عم نعيش بنظام أنا بسميه نظام المواطنة وهو شي كتير حلو
يعني نحنا صفتنا هون مواطنين قبل أي شي تاني ويتم التعامل معنا بكل دوائر الدولة
على أساس أننا مواطنون سوريون فقط لا غير بغض النظر عن الديانة والمعتقد
وهادا قمة حسنات العلمانية
يعني أنا برأيي أنو العلمانية الجزئية إذا بدنا نسميها اللي بتتطبق بسوريا هي أفضل صيغ
العلمانية بالعالم لأنو بتركز ع فكرة "المواطن" وبتبتعد عن التركيز ع فكرة الطائفة والدين
وبنفس الوقت بتحترم الشعائر الدينية للأغلبية والأقليات
وما بتتجاهلها كلياً متل ما بصير بدول أوروبية كتيرة ...
وبتمنى ما نحصر فكرة العلمانية بموضوع الزواج المدني ؟؟؟
وكل الشكر إلك حمشو عالموضوع الجريء

وبتمنى ما نحصر فكرة العلمانية بموضوع الزواج المدني ؟؟؟
وانا معك بس هوي جزء مهم كتير....وما فينا ننكر ه الشي....شكرا الك
جوى مشكورة

شكرا حمشو الموضوع حساس
انا صراحة ما حضرت المسلسل بس الكل بيشوف انو العلمانية هي السلاح الأمثل لحتى نتقدم

دول كتير كانت من أكتر الامم تخلفا بالعالم متل فرنسا وألمانيا ولما تم تطبيق العلمانية وسياسة الدين لله والوطن للجميع شوفوا كيف صار وضعهن هلا؟؟؟؟؟؟؟؟

اما بأغلب الدول الإسلامية فالعلمانية ضرورية لحتى نتخلص من التسلط الموجود باسم الدين لأنو هاد التسلط فعلا آفة عم تمنع هالدول من التطور وعم يستخدمها الناس اللي متسترة بالدين لتحقق مصالحها :suspect:
merci Hmsho
liberté toujours

merci Hmsho
liberté toujours


merciiiii beaucoup pour toi

https://www.facebook.com/note.php?created&¬e_id=240634605958891#!/pages/%D8%A7%D9%84%D8%B9%D9%84%D9%80%D9%80%D9%80%D9%80%D9%80%D9%80%D9%80%D9%80%D9%85%D8%A7%D9%86%D9%8A%D8%A9-%D9%87%D9%80%D9%80%D9%80%D9%80%D9%8A-%D8%A7%D9%84%D8%AD%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%84/203798413002665

أأنا مع العلمانية وحذف الطوائف من عقلياتنا مع حنان وجلال
مع كل شاب وفتاة أحبا ويسعى المجتمع الى ابعادهما لمجرد اختلاف الدين
لنخرج من القوقعة ونبقى تحت سقف الللللللللللللله وشكرا