شايف حالك ولا نفسية ؟؟؟؟؟؟

طول حياتي بلتقي بناس منهم الجيد و منهم السيء بس كنت دائما حس انو الاغلبية بيتعاملو بطريقة خادعة يغلب عليها المظهر


مع نسيان شي اساسي الا وهو روح الانسان و فكرو يلي بيميزو عن الكائنات الاخرى .


بالبداية كنت قول انو هادا شخص شايف حالو و هادا واحد تاني يضرب على هالنفسية و ما كنت افصل بين التسميتين و اتعامل


بطريقة مماثلة مع النوعين بنفس طريقة تعاملهم .


بس بعد فترة صرت شوف انو في فرق شاسع بين الاثنين و ذلك نتيجة لعدة تساؤلات طرحتا على نفسي منها :


اذا انت شايف حالك معناتو لازم تقللي على شو , اذا كنت ذكي و مبدع و عندك مواهب عديدة و بارع بعملك و متواضع ,و محبوب من الناس


و بتساعد الاخرين و بتحب الناس و قلبك صافي انا بقللك انو وقتها حقك تشوف حالك و توثق من نفسك و خلوني سميها ثقة بالنفس اكتر من شوفة حال .


بس اذا كنت بتغار من الاخرين و بتحكي عالناس من ورا ضهرا و ما بتتمنى الخير لحدا و لا بتساعد حدا و لا بتحب حدا معناها انك اناني


و هالاشياء بتنعكس على شخصيتك و بتصير واثق من نفسك , لكن بالامور السيئة و التصرفات المعيبة و هادا الشي بيخلليك تنطوي على نفسك


و تحس بالضعف امام الناس فبتصير بدك تشوف حالك متلهن بس ما بيطلع معك و بتصير نفسية غير قادرة على التواصل مع الاخرين و بتتعامل بتعالي


بدون اي اسس ترتكز عليها .


و هيك قدرت ميز الفرق و اعرف اعطي الناس حقها .


بتذكر لما كنت صغير كنت اكتب شي متل الشعر و كنت غني و كنت حب صناعة الاشياء و كنت حب الرياضة بشكل خرافي بس اليوم


ولا شغلة من هالشغلات عم مارسها ليش بسبب عادات سيئة عودنا ياها مجتمع المظاهر و التفنيص و أنسانا مين نحنا و كيف كنا و هادا اكبر غلط


بجوز حدا يقللي انو لما الواحد بيكبر بتكبر همومو و بيقلل و قت فراغو بس انا


رح قول اذا ما لقيت الوقت يلي تعبر فيه عن نفسك رح تصير حياتك متل الة كل يوم بتشتغل و اخر الليل بتطفي مشان ترتاح و يمكن


تصير عندك نفسية متل صاحبنا فوق ليش لانو ما عندك شي تعملو او تبرع فيه او حتى تفرغ طاقاتك فيه .


و بلا طول سيرة بتمنى تكون الفكرة وصلت لانو بالنهاية ما حدا بيقوينا و بيرفعنا الا نحنا و ما فينا نشوف حالنا الا بمقومات لازم نحطها حلقة بآذاننا


و الا منكون نفسييييييييية و طبعا انا ما قصدي انو الواحد لازم يكتب و يلعب و يغني لحتى يحقللو يشوف حالو , لا ابدا , بس الفكرة


انو يكون الواحد متوافق مع ذاتو و صادق مع نفسو الى ابعد الحدود وقتها اعمل ماتريد .


بس ياترى المظاهر يلي عم نشوفها اليوم بالناس لوين بكرا رح تودي بأولادنا؟؟؟؟؟؟؟ هي اذا تداركنا انفسنا اولا !!!! :?:


يلي عندو رأي آخر يسترجي يطرحو ------قصدي يتفضل يطرحو و انا كلي آذان صاغية

nedalo

اهلا جيتانز الحبيب و مشكور عالمتابعة


و نشالله هيك مواضيع رح شارك فيها دائما لأنو هي الامور ضروري الواحد فينا يعرفها


لانها كتير مفيدة لننجح بحياتنا





nedalo

عندي رأي تاني واسترجي يا Nedalo ما تكون آذانك صاغية ؟؟؟

أول شي كتير بحب المواضيع اللي ما فيها انشاء وتكلّف يعني بسيطة وبتفش الخلق لهيك الك كل الشكر...
بالنسبة للموضوع , مهضومة الفكرة انو نميّز بين اللي شايف حالو واللي عامل نفسية بس انا صراحة ما كتير اقتنعت , لأنو بالنسبة الي النتيجة وحدة وبشكل عام أنا ما بتقبّل أي من النوعين , هلق ما بقلك أحيانا بحط أعذار للآخر وبقول بركي خجول أو أو ... بس اذا اعتبرنا انو اللي شايف حالو عم يعمل هيك لأنو عندو شي معين غير الناس , فهذا لا يعتبر مبرر , واذا اللي عامل نفسية عم يسوي هيك لأنو ضعيف الشخصية وما عندو شي .. هيدي مشكلته ولازم يحلها . وكرمال هيك نماذج انا بحط أعذار وبطول بالي (أحيانا ما دائما)..
بالنتيجة انا اللي تعلمتو وتربيت عليه انو : لا يشم رائحة الجنة من كان في قلبه مثقال ذرّة من كبر (أي تكبّر). وهادا بالآخرة , أما بالدنيا فالناس عموما ما بقى متحملة حالها وما حدا بيتقبل الشخص اللي شايف حاله حتى لو عندو شو ما عندو ولا الشخص النفسية الحامضة اللي قال شو ضعيف وما عندو قدرة يواجه الناس فبيعمل نفسية عليهم .
آسف طولت بس انا عن نفسي ما بسمح لحدا يشوف حاله علي أو يعمل نفسية لأنو متل ما بقول المتل كلنا ولاد تسعة .
لا فضل لعربي على أعجمي ولا لأبيض على أسود إلا بالتقوى ... والتقوى هي الأخلاق الحلوة والنفسية الطيبة.

مشكور اسماعيل عالرأي الشفاف

انا رأيي من رأيك وكان قصدي بأنو الشايف حالو بحقللو , يعني على اسس متينة بيطلعلو يشوف حالو بس بنفس الوقت ما بيطلعلو يشوف حالو عالناس و هادا يلي انا قصدتو لما قلت انو بيكون بحب الناس و بيتعامل معهم بطريقة محترمة و بيساعد الاخرين

ولما بدو يكون هيك فما بقا رح يكون شايف حالو عالناس رح يكون متل ما قلتلك واثق من نفسو و بيمشي مرفوع الراس بين الاخرين

بس انا كمان طرحت فكرة اعمق من شغلة شوفة الحال او النفسية , وهي علاقة هالامور ببنية مجتمعنا و كيف منحمي حالنا و اولادنا بعد زمن ليس ببعيد .


بتمنى توصل فكرتي تمام غالي و مشكور عإبداء الرأي

حبيب القلب Nedalo شكرا ع رحابة صدرك
أنا معك , انا أؤمن انو نحنا لازم نشتغل على حالنا وعلى جوهرنا ومتل ما منغذي جسمنا بالأكل لازم نغذي روحنا بالمعرفة بعيدا عن سخافات البعض , يعني أبسط مثال انو بعض أصدقائي بقولولي ولو يا زلمة لسا ما غيرتو لهالموبايل ؟ وانا بطنش لأنو عاجبني وعم يلبيني وما ضروري يكون موديل سنتو بس مشان البريستيج والمظاهر.
وفي ناس بتقلي لا تركب عالبسكليت وحاجتك ولدنة ! بس كمان بطنش وما بتفرق معي .المهم انو انا مرتاح وآخر همي الناس ومظاهرهم .
أهم شي الانسان يكون واضح مع حالو وهي قصة قناعة و رضى , يعني بدك رياحتك ولا بدك ترضي العالم؟ واذا اخترت التانية أو انفرضت عليك ما رح ترتاح لأنو اللي بيلبس قناع بيتدايق منو . فتخيل كل حياتك عم تبدل أقنعة وعم تعيش حياة شخص تاني مركب ع كيف ومزاج الناس والموضة والتقاليد وما بعرف مين كمان!!. يعني ليش ؟ ومشان مين؟ ماني مجبر ولا انت كمان
لهيك اكتب شعر وغني بس تحس انك حابب تعمل هالأشياء وما تسأل عن شي أو عن حدا وربي أولادك على البساطة وعدم التكلف لحتى يعيشوا مرتاحين .

الموضوع كتييييير حلو
انا شخصيا واثق من نفسي كتير
وبيقولو عني شايف حالي
شوف انا مع اسماعيل انو الامرين مربوطين مع بعض بشكل او باخر
يعني شايف حالك او نفسية وحدة

اسماعيل الغالي

بظل هالمجتمع الانسان عم يتأثر بشكل لا ارادي و هون تكمن

مهمتنا انو ننتبه على هالامور و نتلافاها

hmsho الحبيب

في فرق شااااااسع بين الشايف حالو و النفسية

انت شايف حالك لانو واثق من نفسك و عندك شي يستاهل تشوف حالك عليه

وبالنهاية كل واحد يرى الامور حسب رأيو و انا احترم رأيك
و مشكورة مشاركتك

nedalo