اعرف نتيجتك بس بدك تدفع

وصلني الايميل الآتي :

أعزائنا و زملائنا الطلاب :

موقع كلية الآداب في جامعة دمشق يفتتح باب الاشتراك بخدمة العلامات لهذا الفصل من يوم الأحد بتاريخ 29 / 8 / 2010 و حتى يوم الخميس 23 / 9 / 2010 :

www.adab-sy.com


1 ـ خطوات الاشتراك بخدمة العلامات لمشاهدتها على الموقع : { داخل و خارج سوريا }

أولاً : يجب تعبئة طلب الاشتراك الموجود في الموقع على الرابط التالي :

http://www.adab-sy.com/?i=newreg&type=0

ثانياً : يرجى قراءة الشروط في نفس الصفحة السابقة .
ثالثاً : يجب على المشترك بعد قراءة الشروط و قبل تعبئة الطلب أن يحصل على بطاقة كود التفعيل الموجودة في أحد مراكزنا .
أما بالنسبة للبطاقات ، فسعر البطاقة على حسب كمية المواد ، و تفصيل ذلك موجود في الشروط .
عدد المواد :
إذا كان لديك بين 1 – 5 مواد فعليك الحصول على بطاقة { كود 100 } بسعر 100 ليرة سورية فقط .
إذا كان لديك بين 6 – 9 مواد فعليك الحصول على بطاقة { كود 150 } بسعر 150 ليرة سورية فقط .
إذا كان لديك أكثر من 9 مواد فعليك الحصول على بطاقة { كود 200 } بسعر 200 ليرة سورية فقط .
و بعد تعبئة الطلب سوف تصل المشترك رسالة إلى بريده الإلكتروني بالموافقة على طلبه .
و بإمكان المشترك بعد ذلك أن يشاهد علاماته من خلال صفحة العلامات في الصفحة الرئيسية للموقع أو الضغط على الرابط التالي :

http://www.adab-sy.com/?i=reg

ــــــــــــــــــــــــــــــــــــــــــــــــــــــــ

2 ـ خطوات الاشتراك بخدمة العلامات على الموبايل : { داخل سوريا فقط }

أولاً : يجب تعبئة طلب الاشتراك الموجود في الموقع على الرابط التالي :

http://www.adab-sy.com/?i=newreg&type=1

ثانياً : يرجى قراءة الشروط في نفس الصفحة السابقة .
ثالثاً : يجب على المشترك بعد قراءة الشروط و قبل تعبئة الطلب أن يحصل على بطاقة كود التفعيل الموجودة في أحد مراكزنا .
أما بالنسبة للبطاقات ، فسعر البطاقة على حسب كمية المواد ، و تفصيل ذلك موجود في الشروط .
عدد المواد :
إذا كان لديك بين 1 – 5 مواد فعليك الحصول على بطاقة { كود 100 } بسعر 100 ليرة سورية فقط .
إذا كان لديك بين 6 – 9 مواد فعليك الحصول على بطاقة { كود 150 } بسعر 150 ليرة سورية فقط .
إذا كان لديك أكثر من 9 مواد فعليك الحصول على بطاقة { كود 200 } بسعر 200 ليرة سورية فقط .
و بعد تعبئة الطلب سوف تصل المشترك رسالة إلى جهازه المحمول بالموافقة على طلبه .
و بإمكان المشترك بخدمة العلامات على الموبايل بالإضافة إلى إرسال العلامات إلى جهاز الموبايل أن يشاهد أيضاً علاماته من خلال صفحة العلامات في الصفحة الرئيسية للموقع أو الضغط على الرابط التالي :

http://www.adab-sy.com/?i=reg

و مراكزنا موجودة في دمشق ، وهي :
جامعة دمشق - مقصف طب الأسنان .
دمشق – دويلعة – مكتبة دحدل .

للاستعلام :
info@adab-sy.com

All about money

ولك شو هالمسخرة و السفالة ولوووووو

يا زلمي عنجد شي مقزز

مشكور مدين

والله هزلت شو ه المسخرة

الواحد فيه ينزل بكل شرفه عالجامعة ويحصل عالنتائج مو مضطر ليعقد حاله بهيك روتين بيروقراطي (( الكتروني ))

شكرا لآرائكم ومساهمتكم التي أغنت الموضوع .

بس العلامات رح تتعلق بالجامعة كمان ما؟

اكيد بيرل رح تتعلق بس لازم تلحق حالك قبل ما يشقوها الطلاب

لك يا زلمي يعني ما بيخجلوا عحالن
بشرفي شي بسود الوش
عن طيبنا رح نضل اخر العالم

مشكور مدين

يا شباب شبكن نزلتو نتف بالجماعة هلق أكيد هني آخر همهم مصلحة الطلاب بس هالشي بيوفر كتير مشقة ووقت ومصاري عالناس يعني فيه طلاب ساكنين بالحسكة والقامشلي ودير الزور وإدلب وفي ناس عم تدرس بغير محافظتها الأصلية بقى أكيد هيك بطاقة أوفر من سعر كرت البولمان والسفر لخمس ست ساعات ذهابا وأيابا ومصروف الأكل والشرب وتضييع وقت وغيره وأكيد اللي دراسته بنفس مدينته ماراح يشتريها لأنو مو بحاجتها _ تحياتي

سيرجي

هيك شي لازم يكون ببلاش و من موقع الكلية المعتمد

يعني حتى بهي بدهن يتاجرو

عم ندفع كل سنة رسوم عند التسجيل وين عم تروح هالاموال كلها هادا ناهيك عن رسوم التعليم الموازي

حاصلو : هادا استغلاااااااااال عينك عينك

تحياتي انا كمان

نضالو انا معك بس حياتنا كلها استغلال باستغلال يعني شركات الموبايل بتستغلنا وشوفيرية التاكسي بيستغلونا وشركة الكهربا بتستغلنا ومحلات الألبسة وموظفين البلدية يعني الاستغلال صار جزء من حياتنا اليومية وعم ناكلو بالمعلقة يوميا لك حتى دكاترة الجامعة عم يستغلونا
نضال انت كلامك مزبوط ألف بالمية بس هادا واقعنا وبدنا نعيشو

اي والله كلكم معكم حق وخصوصاً انو صار كل شي بالمصاري .

هلأ انا كنت ادفع مشان جيب موادي
بس كنت سجل عن طريق مكتب ايصال النتائج اللي بالنفق لان بكل بساطة انا مو من الللادقية وهي الشغلة فادتني كتير
وكان المبلغ كتير رمزي
وعلى فكرة بنفس الوقت اللي بتطلع فيه المادة كانو يدقولي عالموبايل
والنتائج موثوقة ولا مرة خربطو معي بعلامة

بس السنة ما فتح المكتب بكل بساطة قال علقو ببعضن وسكرو المكتب
والله هلكت ولا جبت موادي

والله كلو استغلال باستغلال

ومو بعيدة بكرا تنزل دعاية يقولو:

بدك تقدم موادك وتنجح ع الأكيد ..؟
ما إلك غير ورقة الفحص السحرية .....
الورقة السحرية بتناسب كل الكليات وكل الفروع وكل الأقسام
وكل الأنواع (مستجدين - حملة - راسبين)

ورقة الفحص السحرية إلها 3 أنواع:
1-تبع الخمسمية نجاح (شحط)
2-تبع الألف نجاح (معدل متوسط)
3-تبع الخمس آلآف (معدل ممتاز) - بتعرفو لأنو التفوق تمنو غالي

واصحاب هالمنتج ((الفظيع)) بيتفقو مع الدكاترة بنسبة من الأرباح
على أنو ما ينجح ولا طالب مو شاري هالورقة

و الله كل شي ممكن يا نصر

الله يعيننا

شكرا لمرورك : ناصر , نضالو

وفعلا كل شي بيصير هلأيام .

و الله عيب .. عنجد عيب هيك خدمة لازم تكون مجانا ...
عالاقل يعتبروها هدية صبرنا و تعبنا عليهون لهادكاترة و موظفين الجامعة .. ما هيك؟؟؟

لكن ماعيب رورو صار كل شي بالمصاري شو بنا نحكي بس؟؟؟؟؟؟

ناصر مين قلك مافي مكتبات بتعاملة مع دكاترة بهالموضوع شكرا لمرورك .