الى الذين قدموا الترجمة سنة تالتة

اول شي مسا الخير..

هلق سؤال ..بربكون هالاسئلة اللي اجت اليوم معقولة ؟؟

يعني انا حسيت انو الاسئلة بدها بالقليلة 4 ساعات ..معقولة نصين طوال مع سؤال نظري؟؟

يعني كل اللي طلعوا كانو عم يشتكوا من قلة الوقت ..

يعني النص التاني ما ترجمت نصو ..ما لحقت .. لا و فوق منا المراقب ما سكت كل الوقت ..

ما بعرف مين كان عندو ياها .. بس موفق كل مين قدمها ...
بس حبيت فش خلقي معكون ..
بس بتعرفوا شو احلى شي اليوم ..انو خلصتتتتتتتتتتتتتتتتتتتتتتتت

نيااااااااااااااااالك يا رورو انك خلصتي والف مبروك انشالله

انا ماكان عندي ترجمة شايلها

انا لسا عندي تاريخ الأدب

رورو فشي خلقك ع رياحتك وفضفضي قد ما بدك
كلنا سمع هسسسسسسسسسسسسسسسسسسسسسسس
بس بدي منك شغلة وحدة انو لا تطولي ما منشاننا
منشانك انت لأنو ما في بيستاهل تخضي حالك عليه
وخاصة انك ما رح تقدري تعملي شي للمادة
لذلك انسيها وارتاحي ولعلك بتشيليها وانت ما بتعرفي ؟؟؟



سومر موفق انشالله بمادتك وانشالله الكل بخلصوا بخير وسلامة ونجاح

انشالله موفق سومر ... و شد الهمة لأنو نجوى رحال كويسة ..

اسماعيل .. و الله الواحد ما فينو ما ينخض .. يعني بالله العظيم ..الدكتور ما بيعرف انو هالأسئلة طويلة كتير بالنسبة للوقت اللي معنا ..و الله العظيم للساعة اربعة و خمسة(الوقت بيخلص اربعة) و انا عم اكتب و المراقب فوق راسي .. يعني كنت عم اعمل ترجمة فورية الله وكيلك ما عم لحق فكر اساسا ..
بس يالله الواحد شو بدو يعمل غير انو يتكل على الله ..و انشالله الله بيسمع منك يا اسماعيل و بشيلها لهالمادة ..

و مشكور لاستماعك ...

واجبنا رورو
شو شغلتنا نحنا هون بالمنتدى
يعني بس ننزل مواضيع وناخد نقاط ونقعد ع كراسي الصدارة
صدقيني بابي مفتوح لكل المواطنين بدون استثناء

ههههه ..ميرسي اسماعيل .. انت فعلا مسؤول متواضع

لكن دائماً صوتيلي !!! أحلى رورو

اة ليش لا ..تكرم عينك ..

ولو احمد ... لا ترجع تعصبني ..هلق بدك تقنعني انك لحقت النصين كاملين + سؤال النظري ..

اة لكن ماشالله ويخز العين ..وانشالله موفق احمد و بتشيلها بعلامات عالية كمان ..

لا يالله تفائلوا بالخير تجدوه ..و انشالله منترفع سوا و منصير رابعة ..