كابتن حمادة إمام في برنامج السهرة الرياضية كان بيعلق على هدف في الدوري
الياباني ,, الفريق اللي أحرز الهدف كان التي شيرت بتاعه عليه إعلان لشركة
هوندا للسيارات مكتوب على ضهر التي شيرت ,, الكابتن حمادة حصل عنده لبس و
قال الآتي :
هوندا ماشي بالكورة ,, لعبها ناحية اليمين ,, راحت لهوندا ,, لعبها عرضية
نموذجية ,, دخل و حطها جوووووووووون ,, مين اللي حطها ده ؟ ,, مش ممكن !!
,, هوندا برضه ,, أصل هوندا ده اسم منتشر قوي في اليابان زي أحمد و محمد
عندنا كده.
--------------------------
مرة واحد كان بيعلق على ماتش نسائي قال
لفاول ده بقى هتلعبه سارة .. و سارة بالمناسبة شايلة مادتين فى ثانوية عامة ان شاء الله ربنا ينجحها و تدخل الكلية
----------------------
مباراة لمصر وليبيا
كان الكابتن مدحت شلبى المعلق
كورة جت فى القائم للمنتخب المصرى
وقال : هوبا وتضرب فى القائم اليميين تضرب فى القائم اليميين ملكش حق ياقائم ملكش حق ياقائم
كورة تانية لميدو جت فى العرضة قال : ياااه فى العارضة ملكش حق ياعرضه ملكش حق ياعرضه
وبنهاية المباراة قال مع جهازنا الفنى ومنتخبنا الوطنى اللى بيثبت يوم بعد يوم ان مفيش احلى من السمنة البلدى
----------------------
عبد السلام الحمامصى
فى ماتش
انبى واتصالات بنى سويف من كام سنه
لاعيب من انبى شاط كوره اى كلام
كان تعليقه عليها
وشوطه حلووووووووووووة بس وحشه
---------------------
مرة برضو مجدي عبدالغني قال
كده مصر خدت كاس أفريقيا 5 مرات ,, و طبعاً احنا عارفين إن الكاميرون خدته 4 مرات ,, و غانا 4 هي كمان ,, و ما شاء الله كلهم أفارقة.
------------------
إبراهيم الجويني في كأس العالم وكان باقي 25 دقيقة كان بيقول بطريقته
باقي 25 سنة...واحد جنبه لفت نظره يقوم يقول
آه آسف ..فات 20 دقيقة وباقي 25 سنة ...
---------------------
محمد لطيف
كان مرة فى كاس العالم بيذيع مباراة للبرازيل وكان هناك لاعب اسمة فالكاو
وكان في مصر بيقول اسمه فالساو وقال ان انا الوحيد اللى فى المذيعيين اللى
بقول اسمة صح حتى مذيع البرازيل بيقوله غلط
-------------------------
طارق يحيى كان بيعلق على متش مش متذكره المهم المحاور قال له تتوقع
النتيجة ايه يا كابتن ؟ فرد يحيى وقال : اتوقع التعادل أو فوز احد
الفريقين
--------------------------
عبدالسلام الحمامصي فتى التعليق الأول .. كان بيعلق على ماتش لجنوب
أفريقيا سنة 96 .. و جت الكرة لجو موشوي .. و طبعا الاسم كان بالانجليزي
.. و الأخ الحمامصي خريج لغات اصلا .. و لما جه ينطق الاسم تخيلوا نطقه
ازاي؟ .. قال .. و الكورة دلوقتي مع جون مشوي ..
----------------------
اللواء مدحت شلبى ..
"وينهار ابيض .. ينهار ابيد .. ينهار ابيد"
"يا سلام عليك .. يا سلام عليك يا واد يا مجرم .. "
"وهالله هالله هالله .. هالله هالله هالله هالله هالله هالله .. "
" ويلعب كوره .. مش منضبطه"
"حطها والنبى .. والنبى .. والنبى .. والنبى حطها ياراجل .. حرام عليك .. حرام عليك .. " .. (مش عارف لواء أيه ده ؟
------------------
تعليقات الكابتن حمادة إمام اللى بتجيب الضغط زى : هوبااااااااااااااااااااا وخطرااااااااااااااااااااااااااا والكورة لسة فى نص الملعب
------------------
وتعليقات مدحت شلبى : يا مجرم , تسلم رجليك يا حبيب والديك
------------------
ومعلقين يخنّقوا على الناس وفى أول الماتش : طبعا احنا عارفين ان المباراة على شوطين , كل شوط 45 دقيقة غير الوقت بدل الضائع , وكل فرقة 11 لعيب وحاجات غريبة كده .
-------------------
مثلا تعليق محمود بكر فى نهائى الكاس بين حرس الحدود وانبى لما قال : الجماهير اللى ماليه الاستاد ما تعرفش مين بيلعب مع مين !
----------------------------------------------------
