من الإدهاش السينمائي إلى بيوتنا

التوجهات الأخيرة في الصناعة السينمائية التي جسدتها أفلام عالمية مثل "أفاتار" و"أليس في بلاد العجائب" كانت لافتة إلى مدى الإبهار بسبب تقنيات جديدة أصبحت محط الأنظار رغم أن معظمها لم تصل حتى لربع سكان الأرض، ولعل جديد ذلك ما كشفت عن بعض جوانبه شركة "نفيديا" بالتعاون مع مجموعة من شركائها في مجال التقنيات ثلاثية الأبعاد، بما في ذلك "إليانوير"، و"آسوس"، و"ديل"، و"مايكروسوفت"، و"توشيبا" خلال معرض "كمبيوتكس" في تايوان، ولأول مرة، عن فئة جديدة من أجهزة الكمبيوتر تدعى أجهزة الكمبيوتر ثلاثية الأبعاد "ثري دي بي سي إس".

وتأتي هذه الثورة التقنية وفقا للعربية نت لتشترط في أي كمبيوتر ليكون ثلاثي الأبعاد أن تتوافر نظارات للرؤية الثلاثية بالإضافة لشاشة عرض مماثلة وجهاز إسقاط ونظام تلفزيون أو كمبيوتر محمول مزودة كلها بنظام ثلاثي الأبعاد، بالإضافة لمعالج رافيكي منفصل مثل معالجات "جي فورس" الجرافيكية من "نفيديا"، حيث يمكنه توفير صور عالية الدقة لشاشة العرض ثلاثي الأبعاد، حتى يتمكن صاحبه من الاستمتاع بأروع الألعاب الحديثة التي تدعم هذه التقنية، وكذلك عرض وتحرير الصور ثلاثية الأبعاد.

و تتوقع شركة "إنتل" المتخصصة في إنتاج معالجات أجهزة الكمبيوتر أن يتغير شكل الإنترنت كلياً خلال خمس إلى 10 سنوات مقبلة، ليشمل كماً أكبر من المحتويات ثلاثية الأبعاد.
حالياً هناك أكثر من خيار في حين قرر المستخدم الدخول إلى عالم هذه التقنية إذ لا يمكن نظرياً مشاهدة الصورة ثلاثية الأبعاد من شاشة مسطحة ما لم يتم استخدام النظارات الخاصة بذلك، إلا أن بعض الشركات تمكّنت من التخلص من الحاجة إلى استخدام النظارات بتقنيات مختلفة قد نأتي على ذكرها لاحقاً.

اي و الله هال 3d شي روعة

هلق انا عندي شاشة ال سي دي و كرت شاشة نفيديا جي فورس اذا جبت نظارات ثري دي بيمشي الحال و لا ما عندك فكرة اسماعيلوو :?:

لانو عنجد شي حلو كتير قال بتحس انو الشغلات عم تطلع من الشاشة

مشكووووور

والله ما بعرف يا نضالو ممكن بيمشي الحال
وفعلاً عندي رفيقي عايش بالإمارات وقلي انو حضر فيلم Avatar بهالتقنية
وانو فعلاً حياة وفرجة تانية ...

مشكوووور نضالو الغالي

شكرا اسماعيل

و نشالله يطلع بيمشي الحال لانو شاشة الثري دي الكبيرة حقها 50000

إي ع مهل هلق ما وقتها
وبعدين شبو التلفزيون العادي الملون السيرونكس
من شو بيشكي

قال صنعو سيرونكس شاشة مسطحة وحاليا هادا احدث موديل

مع العلم انو نزل بعدو بدول برا ال سي دي و بلازما و ثري دي

لك منيح منن ولو والله فرحتني هلق
صار عنا سيرونكس مسطح

اي اي و كمان معو جهاز تحكم بتطفيه من بعيد و بتقوي الصوت و بتضعفو و بتقلب المحطات و كلو بكبسة زر

أنا حضرت فلم أفاتار بتقنية ‎ 3D‏ بالسينماسيتي وكل شوي شيل النضارات لأعرف شو الفرق وماحسيت بهالفرق الجذري ، لكن كانت تجربة حلوة.وأغنية الفلم من أروع ماسمعت وهي موجودة بقسم الأغاني إذا حبيتو مع الكلمات.
مشكور اسماعيلو عالخبرية والظاهر كل شي رح يصير ‎.HD & 3D‏

إي والله يا دوفان بس صراحة ما حبيت شغلة النظارات
حسيتها بتغبب عالقلب ويعني نحنا عم نحاول
نقلل الكراكيب بالبيت

مشكوووور دوفانو


نضالو طمنتني ع جهاز التحكم

لما بيصير فيه 4D بيصير عنا 3D

مشكور على الموضوع اسماعيل

لا لا انشالله قبل أحمد

مشكووووووووور عالمروووووووووور

عليي ما عليي ما بيصير عنا 3d وما ينزل بدول برا 5d مين بيزيد؟؟؟؟؟؟ :?:

ليش مين قلك ماعنا 3D ‎‏ أنا من سنة شفت محل حاطط إعلان مشان نضارات ‎ 3D

إي دوفانو بس قليل كتيييير
وبكل الأحوال أنا ما كتير مع الشباب أحمد ونضال
يعني بوجود البضاعة الصيني ما عاد في شي صعب
بغض النظر عن جودتها بس عم نستفاد منها كتير

مشكوووووور دوفانو

دوفان

هلق ليش انت وين ساكن
لانو صار الفار يلعب بعبي اي لا عنا باللادقية سينما تعرض 3d ولا عنا معرض شاشات 3d فلهيك قول قر اعترف احسللك

اسماعيل

مانك معنا مهي خيد تقلك هالطلقة

آي آي نضالو بعتقد عند فرع Sony جنب المتحف عندو هيك شي .
بعدين هيك صارت الديمقراطية

طيب هي فهمناها فرع سوني

بس السينما تبع الثري دي شو منشانا

اسماعيل ديموقراطيتي متل ديموقراطية امريكا بالعراق

معناتو بدنا نبلش نعمل عمليات استشهادية ضدك بالمنتدى
يعني تخيلني هيك حاطط حزام ناسف وناطط عموضوع من مواضيعك ؟؟؟

ومشان السينما دوفان قال بسينما سيتي وهي أقوى سينما خاصة بالشام , وبعتقد قصدو عليها .

بالشاااااام

طيب بس نحنا حكينا فوق عن 3d سيرونكس شبك و لك دوفان عم تحرف الحكي تبعنا منعرف في سوني

بدنا 3d سيرونكس سيرونييييييكس

اسماعيل

اذا بتعمل هيك بحطك اول واحد علائحة الارهابيين تبع الموقع

مشكور اسماعيل عالخبر ...

شو يعني ثلاثي أبعاد بالانكليزي ؟؟؟

و مشكور سلفا اللي بجاوبني

رورو

هي تقنية بالشاشات الحديثة يعني منين ما اتطلعتي عالشاشة بتشوفي نفس الشي يعني مو متل الشاشة العادية لما بتصيري بموازاتها ما بقا بيبيين شي بالاضافة الى الدقة الاعلى بالعرض و الالوان الاوضح

و الاهم انك بتشوفي الاشياء يلي عم تنعرض شبه حقيقية مع وضع نظارات خاصة هيك بقولو انا لسا ما جربت

نضالو : رورو عم تسأل عن معنى الكلمة بالإنكليزي يعني انت ما خصك


رورو ما بعرف اذا عم تمزحي
بس الجواب هو three-Dimensional

ومشكورة ع مرورك الحلو

يالله نضالو ...شو هالحكي عنجد ميرسي ..

بس ما قريت شو قلت بدي حدا يقلي شو معناها بالانكليزي لأنو اجتنا بالترجمة وما عرفت شو يعني ..
من غير شي قلبي مليان منك ها ..

اسماعيلو

هادا الموضوع صار الي روح من هون احسن ما قوصك