عمليات التجميل: مع أم ضد

شباب وصبايا
اليوم متل ما بتعرفوا عصر الصورة متل ما بقولوا الفنانين , والجمال والمظهر الخارجي هو من أهم الأشياء اللي عم يدوّر عليها الشباب ذكوراً وإناثاً وكمان الناس اللي بلشت خطوط الزمن وآثاره تظهر على وجوههم .
واليوم صارت عمليات التجميل شغلة اللي ماله , وصار الشباب عم ينافسوا الصبايا بقصة الاهتمام بجمالن . وهالشي منتشر بكل بلدان العالم وحتى بالدول العربية وخاصة لبنان اللي ما بقى بتعرف فيها الشب من البنت.
واليوم قرأت كمان عن شباب الأردن اللي بلشوا يتطوروا ويصيروا كوووووووووول ويا مامي ؟؟؟؟؟
وبلقاء مع أحد خبراء التجميل بالأردن بقول:
إن هوساً أصاب الأردنيين ودفعهم لأخذ قروض كي يحصلوا على مظهر خارجي أجمل. وأن شباباً في سن العشرين طلبوا عمليات لنفخ الشفاه وغيرها. وأضاف إن هناك من الرجال من لا يتقبل عوامل تقدم العمر ويريد إخفاء آثار التجاعيد بالإضافة إلى أن المقبلين على الزواج يودون إجراء تجميل وترميم لتحسين فرص قبولهم من قبل الفتيات.
--------------------------------------
هلق أنا بدي رأيكم بفكرة عمليات التجميل عموما وبعدين عمليات التجميل للمرأة وأخيراً للشباب ؟؟؟
------------------------------
بالنسبة الي ومن دون تفاصيل أنا مع عمليات التجميل للجنسين وقت بكون في أسباب صحية موجبة لهالشي مثلاً شفط دهون , حادث سير أو أي شي من هالنوع. أما بالحالة العادية بشوف الموضوع ما كتير ضروري لأنو من دون ما تشعر البنت رح يصير الموضوع مرض نفسي وقد ما عملت ما رح يعجبها شكلها خاصة اللي بيطلبوا شكل محدد لعيونن أو أنوفهن واللي يمكن ما يكون متناسق مع وجوههن, أما بالنسبة للشب فأنا برفض قصة نفخ وتكبير وتصغير وبحس انو اللي بيعمل هيك شغلات ليس برجل حقيقي. وكمان في عمليات تجميل الها علاقة بالأسنان وأنا معها أكيد . يعني عموماً أنا مع بس بحدود وضوابط .

موضوع مميز من عضو متألق
كل الشكر إسماعيل ع مجهوداتك الرائعه
بالنسبه لرأيي بعمليات التجميل بشكل عام
انا ما بأيدها خصوصا لو كانت مشان تكمل شغلات مانا ضروريه
ومعها للسبب اللي ابتكرت واتطورت مشانو وهو تجميل التشوهات سواء كانت خلقيه او كانت نتيجة حوادث
اما بالنسبة لعمليات تجميل المرأه
انا برفضها ومابقدر استوعب كيف ممكن انا روح اطلب اني سير كوبي بست عن حدا
اوغير شي بوجهي الله حطه تإتميز عن غيري فيه
اما بالنسبه لعمليات تجميل الشباب
فلا تعليـــق
وصلنا لمرحله من السطحيه بينبكى علينا عنجد
الشكل الخارجي مهم بس مابظن اكتر اهميه من الشكل الداخلي
يعطيك العافيه اسماعيل
دمت ودام تميزك

شكرااااااا سوسن ع مشاركتك الملفتة
وع رأيك الصريح
فعلاً عالطبيعة كل شي أحلى
وبالنسبة للشباب تعليقك (( لاتعليق ))
أكيد بكفي وبعبر عن تعليقات كتير...

اول شي شكرا كتير اسماعيل عالموضوع الحلو...
هلق انا رايي متل رايكون يعني عمليات التجميل احيانا بتكون ضرورة و انا مع التجميل بهالحالة فقط ..يعني احيانا بكون في تشوهات معينة بالوجه او الجسم ..و بهي الحالة ان مع عمليات التجميل ...
اما بالنسبة للمرأة :فانا رايي انو هي سخافة طبعا اذا مو ضرورة (متل ما اوضحت سابقا ) يعني شفط وشد و نفخ و تكبير و قطش ونحت و مدري شو ..والنتيجة شو.. كل البنات صارو متل بعضون ..كلون نفس موديل الانف ..نفس الحواجب ..نفس شرطة العيون ..و نفس شكل التم ..بالاضافة انا ضد تغيير خلقة الله ..يعني الله انعم علينا بالخلقة التامة ..فليش لحتى الواحد يرفس النعمة و يركض ورا مظاهر تافهة ..
اما بالنسبة للرجل: الصراحة عنجد شي بيقرف ..يعني اتصور رجال نافخ تمو .. او شايل حواجبو ..انا مع اذا لضرورة مو اكتر ..
برجع بتشكرك اسماعيل عالموضوع الحلو ... وتقبل مروري

أكيد بتقبل مرورك الحلو متل العادة رورو
ومشكورة ع مشاركتك وصراحتك
وأكيد

انا ضد ضد ضد ضد ضد كل عمليات التجميل

لانو لازم نحترم الصورة يلي خلقنا عليها الله

موضوع رائع مشكور اسماعيلوووو

كلها كلها نضالو
يعني بحترم رأيك بس أحياناً للضرورة أحكام يعني ما بالضرورة حادث
أحيانا في ناس عندن سمنة مفرطة وما بيمشي حالو الريجيم لحالو
يعني الدكتور بيطلب شفط دهون مثلاً وبعدو بدو تجميل كمان
مشكوووووووووووووووووووووووووور