ماذا تفعل عندما يساء الظن بك؟؟؟؟؟

من منا لم يعاني سواء من أخ أو أخت أو صديق أو صديقة أورئيس في العمل أو حبيبه أو من الردود في النت عندما لا تكون الأفكار واضحة والتصرفات تفهم على شقين ......

ماهو شعورك عندما يساء الظن بك ؟؟؟!!

كثيراً ما تمر علينا مواقف يسيء بها الناس الينا في ظنهم يعتقدون بأنهم هم اصحاء في تفكيرهم وهم بعيدين كل البعد عن التفكير السليم

انه شعور مؤلم .. وقمة الاحساس بالظلم وخيبه الامل خاصة لو كان من الاشخاص المقربين او الاصدقاء الجدد الذين تعول عليهم خيرا وأعتقد أن كل من تعرض لهذا
الموقف قد تجرع كأس الألم

قد تنفع الثقة بالنفس لكن ليس دائماً فليس من السهل أن تغمض عينيك و أنت تدرك أن هناك من هو حاقد عليك ..

شعور صعب .. حتى لو كنا واثقين ببرائتنا ..

ولكن الأدهى من هذا الأمر عندما تقوم بعمل ما قاصداً فيه فائدة او خيرا ..

مقصدك هو الخير ولا شيء غيره ولكن لسبب أو لآخر تنقلب أطراف المعادلة؟؟؟؟؟؟
هل مررتم بمثل هذه المواقف وماهي ردة فعلكم ازائها؟؟؟؟؟؟؟



بالنسبة الي اللي بيسيء الظن فيني بحاول أول الامر تصحيح النظرة الخاطئة و الفهم الخاطئ للشخص و اذا ما مشي الحال بنهي كل علاقة تربطني فيه لانو اذا كان من القريبين من الاساس ما لازم يسيء الظن و اذا اساء الظن فهو ليس من القريبين و الله يسعدو و يبعدو

والله حسب الشخص...إذا بيهمني أمرو بحاول فهمو إذا كان عندو رغبة واستعداد
اما اذا ما بيهمني.............فواثق الخطا يمشي ملكاً

صدقت حمشو و مشكوووووور

يعطيك العافيه
نــضالو
موضوع رائع كصاحبه

بالنسبة إلي أكيد ما حيأثر فيني الموقف إزاكان من شخص مابيعرفني
وشي طبيعي لو حكى بالموضوع رح فسر وجهة نظري
والو حرية الاقتناع
بس المصيبه لما شخص قريب ويفهمك غلط
هون ما بعتقد في حروف بالدنيا ممكن اقدر اشرح فيها
ورح اجل نقاشي بالموضوع معه لحتى روق لأن حخبصها لو حكيت من اول الموقف
كل الشكر

مشكووووووووور نضالو عالطرح المميز

صراحة هي الشغلة كتير صارت معي ولساتا عم تصير (عالنت طبعاً)

واكتر شي مع الناس المختلفة عني من ناحية المحيط او البيئة او حتى الجنسية

طبعاً بحاول كتيييير فسر سوء الفهم ورجع المي لمجاريها

شكرا لك نضالو موضوع مهم حقيقة فسوء الظن مشكلة كبيرة يعاني منها معظمنا في حياته اليومية ولكن علينا ان نعرف كيف نتصرف ازاء من يسيئون الظن بنا .

انا ما بهمني اذاحدا اساء الظن فيني سواؤ كان قريب او غريب والسبب
اذا كان قريب معناتو هو بيكون بيعرفني منيح وبيعرف كيف بفكر فما المفروض يسيء الظن فيني
واذا كان غريب فبعتقد اللي بطبيعتو بيتسرع بالقاء احكام عالناس من بعيد ما بيستاهل اكل هم مشان رأيو

شكرا لآرائكم الصريحة

شكرا الك نضال على طرحك للموضوع

برأيي...كن كالورد كلما ينجرح بزخات مطر...يفوح عطرا

شكرا عالموضوع نضال
انا بقول اذا غريب بحاول فهمو قصدي وبس وماببالغ بالشرح

اما اذا قريب بزعل منو نتفة ليحس انو غلط بحقي
وبعدين بفهمو عاطريقة المعاتبة كمان بس نتفة
ولازم نحط ببالنا كيف ظرف الشخص ممكن يكون تعبان نفسيا
ولهيك ماقدر يفهم قصدنا
بس بحس كلمة شكرامع ابتسامة حزينة
بتحسسو انو غلط بحقي وماعرف قصدي

اووووووووو هيدا الشي عايش معي لانو انا عندي مشكله

1- مابعرف نمق الحكي يعني شوي مو كتير اللي بقلبي علساني شو ماكان

2- انا عندي مشكله ودايما بقولها للناس اللي بتعرف عليهم جداد وهي انو انا

(الفكره الصحيحه بطرق الغلط) والنيه الله بيعلمها

ولهيك ما بعتب كتير عالغريب وخاصه اني متأكده انو الله رح يبين الحق ولو بعد سنين

واذا قريب وهو هيدا الاكتر فجدا جدا بنزعج بالبدايه بس ابدا ما بشرحله الايام بتثبتله

وياما ناس قالو عني شي واكتشفوا العكس واعترفوا بينهم وبين حالهم انهم ظلموني

وبخصوص موضوع الأسف أنا ما بتأثر فيي وما بتشفع لحدا وهيدا أكيد نسبي حسب الموضوع والشخص

وأنا عندي الجرح جرح ولو بمية عملية تجميل

شكرااااااااااا نضال عالموضوع وانشالله تكوني فهمتوني

سلااااااااااااام

الله يعطيكم على قدر نواياكم

مشكورين عالمرور و الآراء الحلوة

والله يا ابو النضل حطيت ملح عالجرح اكتر شي بيقهر انك تنفهم غلط من شخص قريب عليك
انا هيدي صارت معي وما عملت شي بصراحة لأنو لو كنت قريبة من هيدا الشخص متل ما هو قريب عليي ما كان في سوء بالظن بالمرة
وقت الشخص بحس انو في شي مو مظبوط خصوصا اذا كان الو علاقة بشخص قريب عليه لازم يحكي معو ويفهم الموضوع ما يتصرف من عندو ويقطع العلاقة من عندو هلأ في ناس هيك بيعملو انا شخصيا بقول الله معن والقلب داعيلن وما بعذب حالي انو رجع العلاقة متل ماكانت لانو لو هنن بيهتمو فيني متل ما انا بهتم فين ما كلن صار هيك
يسلمن ابو النضل على هالموضوع
وعذرا على الاطالة