أخبار النتائج؟؟؟؟؟؟

مرحبا
ما عندكن أي فكرة أيمتى رح ينزلو مواد للسنة الثانية؟؟؟
وممكن تنزلوها على النت أو مو واردة تحطولنا ياها
بليز إي معلومة لأنو ناطرين النتايج على نار

والله بالنسبة لتنزيل النتائج شكلو ما مشي الحال مع سومر

و اليوم كنت بالجامعة و ماشفت حدا عند الانكليزي

بالتوفيق

والله توقعت يصير هيك لأنو عنا بالجامعة
الموظفين بيعملوا من الحبة قبة
وما حدا فيهن بيعرف شو خبر
وكل واحد بدو يبعتك عند التاني
يلا خيرها بغيرها

اليوم نزل 3مواد للسنة الأولى فرنسي
2 فصل اول
1فصل تاني

ههههههههاي............ امتى نتائج لادب الانكليزي.........لسنة الاولى

شكرا نضالو واسماعيل وحمشو على ردودكم
وأنا على كل حال نازلة ان شاء الله بكرة على الجامعة بركي بيكون نزلوا شي مادة
ورح شوف بطريقي اذا نزلولكم شي سنة أولى يا روشنك

يا اخي ما بعرف ليش هالتأخير بالنتائج رايح يصير شهر على الفحص شو تعملوا السنة القادمة بموضوع الدورة الثالثة

ما تعودنا على هالتأخير مافي شي جديد


ومتل ما نذكر فوق اذا سألنا حدا بيعصب وبيقلنا اسألو الموظف التاني


طولو بالكم ان شاء الله صبرنا يكون نتيجتو علامات عالية

تحياتي الكم

بتمنى للجميع النجاح بس معقول هالمعاملة اللي بيعاملو فيها الموظفين الطلاب نفسيات اللي بيعرف موظف بياخد علامتو بالموبايل وهو بالبيت واللي ما الو حدا متلي بينطر وبيترجى واخر شي ما في فائدة رفيقي اليوم جاب علامة الشعر وانا قاعد قلقان على علامتي هاد عدل شي لازم نرفع صوتنا و نوصل للعميد هالموضوع عسى انو يفيدنا شكرا كتيررر على هالموقع الحلو

محمد المصري

اهلا و سهلا بك في منتدانا و انا بضم صوتي لصوتك بأنو لازم نعمللنا شي حركة لانو هدول القائمين عالكلية صراحة ما شاطرين غير بالتهكم من الطلاب و استحمارهم و بالنسبة الي كل نزلة عند الموظفين في علقة معهن بس على نفسياتهن المريضة

و بالنسبة للنتائج عنجد عيب ما تنزل عالنت لانو كل جامعات سوريا بينزلو نتائجهم عالنت الا عنا و هادا السؤال بطرحو ععميدنا الغالي( ليييييييييش ) شو المانع انا ما بدي علم الناس شغلها بس هادا حقنا كطلاب و عفكرة هي ادنى و اقل الخدمات يلي ممكن توفرها ادارة الكلية

لك المصيبة انو ما حدا طالب منن يعملوا موقع وينزلوا فيه النتائج ؟؟؟
انو الموقع موجود والناس جاهزة لتتعاون معن بس ما في خواص
دق المي وهي مي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا زلمي بدي افهم هني لشو قاعدين بأماكنهم اذا ما رح يقدمو الافضل للطالب اااااه

و لك اللي مانو قد الكرسي اللي قاعد عليه يتركو لحدا اجدر منو

صبايا وشباب مانزل شي لهلىء معقول؟؟؟
اللي عندو اي خبر يطمنا

والله يا سارة كله معقول بجامعة تشرين

والله حرام كل الاختصاصات تقريبا نزلو موادهم الا نحن والله قلوبنا على نار


ان شاء الله انتظارنا على خير

شو يا شباب كني مستعجلين عالنتائج شو ماحلكم تعرفو انو بجامعة تشرين كلشي بصير .....
كل سنة على هالحال مافي شي تغير النتائج بدهن شهر حتى يبلشو يطلعو ........!!!!!!!!!

وبصراحة مافي شي رح ضيفو لانو الشباب كفو وفو.....

نتمنى ينزلو المواد ع الانترنت نحنا كمان

شكرا"شباب .......تقبلو مروري

جد انا بدي اعرف كيف طالع نتائجي
وبأي طريقة
لاني عملت المستحيل بس ما طلع معي شي
وخصوصا طالعلنا مادة النحو ومسائله
بلييييييييييييييييييييييييييييييز بدي رد واضح
وشكرا

والله يا آية الصراحة انو لازم تنزلي ع الجامعة بنفسك تشوفي علاماتك او حدة بينزل بيشفلك

لانو انشاء الله تتخرجي ولسا المواد مارح ينزلو ع الانترنت

تقبلي مروري

يا جماعة نتائج السنة الثانية ايمتااااااااااااااااااااااااااااااا
وبصراحة انا مو معكم كرمال تنزل النتائج عالنت
لان اذا الواحد مو شايل مادتو بلا ما ينفضح

ليش وين الفضيحة؟؟ شغلة عادية انو الواحد يرسب بكم مادة خصوصا عنا .. لا يمكن بالعكس شغلة مو عادية اذا الواحد ما رسب ..
بعدين اذا نزلوا ما حدا رح يعرف اسمك ..فما في مشكلة بعتقد ..
و انشالله موفقة

و انا كمان ما بعتقد في مشكلة لأني رسبت و مشي الحال

و كل الجامعات عم تنزل النتائج عالنت الا عنا

انا برايي لازم نشوف حل لهل النتائج لانو مو معقول كل ما بدو حدا يشوف نتائجو يجي من اخر الدنيا. لا ويمكن ما يكون نازل شي

في حل وحيد حاليا و هو تصوير النتائج و تنزيلها صور

و منشان الفصل القادم لازم نشوف ادارة الكلية

بس عأي اساس بدهن يعطونا النتائج لننزلها اذا كان قسم كبير من الأسماء يكتب بخط اليد حتى الآن

اخخخخخخخخخخخخ بس ياريتني باللادقية هلا بس المشكلة اني بعيد تقريبا 1000 كيلو متر

بس كمان الشباب ما قصرو معي بس كانت احلى لو نزلو النتائج بشكل عام مشان الكل يقدر يشوف علاماتو

وما فيها شي بالعكس حتى لو رسوب ازا بنستحي من الرسوب فليش لحتى نرسب؟؟؟؟؟؟؟!!!!!

بتشكر كل واحد نزل عالجامعة وحاول يجيب العلامات لانن بالفعل بيستاهلو الشكر

ياشباب في كتير كليات بجامعة تشرين بتنزل موادها عالنت عموقع الجامعة الرسمي ليش مانطالب بحقوقنا متلنا متل باقي الكليات