المواد اللي نزلت س3 انكليزي

تذكير بمساهمة فاتح الموضوع :

مرحبا
اول شي اسف على هالغيبة عندي شوية ظروف
ما بعرف بالمواضيع السابقة اذا انذكر هالشي
بس المواد الموجودة بالامتحانات هلق
للسنة التالتة انكليزي
النقد وبتوقع نشروها
اللغة ف1 بعد شي يومين رح ينشروها
لغة اوروبية
هدول اللي قدرت اعرفن من الامتحانات
بالتوفيق

الحقيقة يا روز ما بعرف شو بدي قلك
بس بصراحة و بدون زعل شو ما صار انا مستحيل صدق انو الدكتور
هو سبب الرسوب خصوصا بالنقد و انا ما بقصد انو دائما باخد متل ما
متوقع تماما بس كتير مرات سمعت من كتير طلاب انو كتبو ب60 او 70
او 80 حتى انو احد رفقاتي مرة قلي كتب ب 97 بشرفي و رسب
بفى شوفي الirony
و انا الحقيقة بعمري ما حسيت انو انظلمت هالظلم الكبير غير عند الدكتورة نجوى رحال
بالسنة 1 و2 و موفقة انشاالله
و الله يا سومر ما في امقت من دكتور اللغة لك ما بطيقوا
لانو اسئلة ما بيعرف يحط و لا بيعرف يشرح و انشاالله بتشيلا المرة الجاية
يا رب

عادي سومر اتعودنا انا يئست من هالمادتين لغة جلال ونقد
يمكن النقد حملتو اسهل عليي من اللغه مع اني كنت احضر ودرستو
كتير منيح بس بحس الشي يلي بيعزي احيانا انو الدكتور معاملتو
معانا خلال المحاضرة منيحه عالقليله بيعرف يشرح ويوصل الفكرة
اما الدكتور جلال ف مابعرف شو بدي احكي
يعني بيشرح المحاضرة كلياتا بالعربي واخر شي بيجيب نموذج
اسئلة مالو علاقه باللي حكاه كل السنه0
المهم بالاخر النا الله

يا جماعة سؤال جدي .... :?: :?:

شو رايكون يوم الاحد يروحوا المظلومين باللغة و يشتكو على الدكتور لعميد الكلية ..يعني يجتمعوا اكتر من عشرين واحد ..خصوصا انو الدكتور رح يكون عند العميد يوم الاحد لحتى يفتح احد الاوراق و يعيد تصحيحها قدام العميد .."مصادر موثوقة "
هلق بعتقد سهلة يجتمعوا شي عشرين واحد لأنو قال نسبة النجاح 2% بس

بقا شو رايكون ؟؟؟؟
يا ريت تفكروا بالموضوع بجدية .. لأنو الساكت عن الحق شيطان اخرس..

اقتراح حلو انا موافق

و انا بشجعكم على هالشي لانو لازم نغير كتييير شغلات مع اني مو انكليزي بس لازم تروحو لانو هادا حقكن اذا انتو متأكدين

والله لو عندي ياها كنت بطلع معكن وعالأكيد لأني بدي فش خلقي

اي هيك ها الله محيي الرجال ..
لا فعلا احكوا مع رفقاتكون واتفقوا تروحوا بساعة معينة و ادخلوا كلكون سوا لعند العميد "مشان يخاف"
و لا تقولوا شو رح يطلع منها ..لأنو منسمع كتير انو الطلاب مشتكيين على الدكتور الفلاني و اعادوا التصحيح و كتير ناس استفادوا .. واذا ما صار هيك بيكفيكون شرف المحاولة ..
برجع بذكركون يوم الاحد ..دقوا الحديد وهو حامي
و موفقين..

صحيح اني منقطع عن المنتدى بسبب خلاف مع سومر و كم مشرف حول موضوع صندوق أفضل 10 أعضاء
بس حابب شارك بهالموضوع لأني حاسس حالي عم روح على غابة ما فيها قانون مو جامعة :suspect:
قبل كل شي شكراً رورو على الفكرة الفظيعة
المهم هلا برأيي نحدد ساعة التواجد عند العميد
و الشغلات اللي لازم نقولا
من جهتي حابب تشاركوني بشغلتين :
- عدد الطلاب الراسبين و نسبة النجاح المتدنية دليل على عدم أهلية الدكتور للتعليم ! موصحيح ؟
- ليش من مصلحة الدكتور المادية انو يرسب الطلاب ؟؟؟!!!

بعتقد الكل بيعرف انو الدكتور بياخد 8 ليرات على كل دفتر بيصلحه
و إذا افترضنا انو شي دكتور رسب 1500 طالب بمختلف السنوات بشي دورة
هادا يعني انو بيقبض 12000 زيادة



بالتوفيق للأعضاء و للمنتدى

صحيح انك منقطع عن المنتدى بسبب خلاف مع اللي ذكرتهم ويمكن أنا منن
بس أنا بدي قلك أهلا وسهلا و Welcome back Ahmad
حتى لو حبيت تشارك بهالموضوع بس .....
ومشكووووووووووووور على رأيك ....

حبيت كتيييييييييييييييير الفكرة وياريت كان عندي ياها
الله يقويكم ويحميكم :

هاي شباب وصبايا انا اسمي صبا اذا ممكن حدا يفهمني دكتور اللغة ودكتور النقد شو بدهم لحتى ننجح؟!

الله يكون معكم ياشباب

اناسنة تانية

تقبلو مروري

يا شباب أنانجحت بمادة النقد,علامتي هي 59
بس أنابتفق معكن بخصوص مادة اللغة






تم التعديل من قبل
SOMAR
في 24/يوليو/2010

صبا دكتور النقد لحد هلا ما حدا بيعرف شو بدو هههه
ودكتور اللغة معروف شو بدو بس ماحدا عم ينجح عندو سبحان الله
صرت انا متلك عنجد ما عم اعرف شو بدن

ااااااااااااااااااخ الله يجيرنا من دكاترة هالكلية بس

يا جماعة وحياتكم اللي بيعرف يخبرني اذا نزل مواد للسنة الثانية انكليزي
ومشكورين سلفا

eve

صبا بكرا نازلة بعتيلا اسمك برسالة خاصة بتساعدك

يا جماعة لك سألتكون من قبل و ما حدا جاوبني شو صار معكون عند العميد ؟؟
رحتوا و لا لأ؟؟ و شو صار بالتفصيل؟؟

و الله ابعرف شو صار معن

بس صراحة صرت عم شوف شي مزعج بالمنتدى و هو ( يقولون ما لا يفعلووون ) من تنزيل النتائج للأتفاق عالنزلة لعند العميد

لازم تنسقو بشكل افضل شبكن ولووو هي قصة نجاح و ترفع

و الله معك حق نضالو خلص بس لارجع بتعلمني كيف نزل الصور و انا بتكفل بالسنة التالتة انكليزي ...بس يعني بفهم من كلامك انون ما راحوا؟؟

و الله يا رورو ما بعتقد لأنو خلينا نحسبها بالمنطق :

لو راحو لعند العميد و أكلو بهدلة فأكيد رح ينشرو هالشي و كلنا رح نقراه

و لو راحو و العميد تجاوب كمان كانو نشرو و تفاءلو بالخير

وبما انو ما في سيرة عن هالموضوع فبعتقد ما راحو

و كمان ما صار اي تنسيق جدي بالموضوع

لا حول و لا قوة الا بالله يصطفلوا انا كنت عم احكي كرمالون انا ما جاييني شي من هالقصة ... يعني لو راحوا حتى لو اكلوا بهدلة ممكن كان يعملوا شي ..بس الله يسامحون وين راح حماسون؟؟

و الله ليكي اللي بياكل عضرسو بينفع نفسو

و انا لو محلهم و متأكد انو في شي غلط و الله كنت بنزل و لو لحالي و ما بعتقد العميد رح يبهدل حدا لانو انسان محترم

بس صراحة هالشي بربطو بعبارة قلنا ياها مرة دكتورنا بالسنة التالتة محمد الأحمد ( من ألغاكم ) يعني اذا فعلا كنا عاجزين عن المطالبة بأدنى حقوقنا حتى ولو ما لاقت اذن تسمع فمعناه انو ماننا موجودين

و الله هالحكي مظبوط يا نضال ... يعني فعلا هي ابسط حقوقنا ..و لازم نطالب فيها... يلا يصطفلوا