أنا يارا..رح عرّفكن عني ..عرفوني أنتو عنكن؟؟؟

تذكير بمساهمة فاتح الموضوع :

مرحبا جميعاااااااا...تعرفت على منتداكم من فترة قصيرة وحبيت شارك فسجلت وبديت شارك معكن ..بس هلق خطرلي اكتب موضوع عن انضمامي معكن لانو اكيد مانو حدث قليل ..أنا بطبعي بحب إنو يصير ضجة لأي عمل بساويه ..وهلق رح ابدا عرفكن عني:أنا يارا من حمص طالبة بكلية الآداب قسم اللغة العربية سنة رابعة.. بحب الشتوية كتير وبمووت بالمطر وبعشق الياسمين..وبحب اسمع موسيقا كتير..أما أغاني فبعشق فيروز هي حبي الاول والأخير وبحب مارسيل خليفة كمان وبسمعو كتيروالرائعة ماجدة الرومي ..وطبعا بحب اطّلع عكل شي جديد وبفضّل الأغاني الرومانسية والهادية..أما طباعي فبحب الصدق كتير والصراحة والعفوية وطبعا هاد بيعني إني بكره التصنّع والكذب والمبالغة كمان..بحب الهدوء والرواق ومابحب قعدات النسوان ولما بقعد بكون مضطرة ومو مبسوطة أبدااا(هههه)..وانا أُعتبر مزاجية كتير وهي أكيد صفة سلبية بشخصيتي ومن صفاتي اللي بعتبرها سلبية إني طيبة كتير وصريحة ومافيني خبي بقلبي شي إن كنت مبسوطة أو زعلاني بحس إني بطق إذا ماحكيت لحدا قريب مني.. ومنشان هيك بحب الصداقة وبحترمها كتير بس بصراحة مابقدر أعطي ثقتي لأي حدا وعندي خوف من هالناحية..وكمان شوبدي خبركن عني؟؟ اي بحب سوريا كتير كتير وبفتخر إني بنت سورية وبعتز بالقيادة الرائعة لأروع قائد ..الله يحميه وبمناسبة مرور10 سنوات وذكرى البيعة بدي قول إننا على العهد باقون.. وبحب زور كل المحافظات السورية واتعرف عليها ..وعن جد اللادقية وضع خاص جدا بقلبي وبحبها كتير ومو بس لانو فيها بحر ..بحب فيها تلاقي الجبل مع البحر وزرت كتير مناطق فيها ولاحظت قديش ناسها طيبين وبينحبوا عن جد...وإن شاء الله قريبا جاي لعندكن...وهلق بتمنى من كل حدا يدخل عالموضوع يحكي عن حالو حتى أعرفكن كلكن..ونصير عيلة وحدة..وأنا بصراحة حبيتكن كلكن ومبسوطة بالمشاركة معكن فبتمنى التفاعل من الكل..وناطرة شوف مشاركاتكن جميييعاااااااااااا....
أنا يارا..رح عرّفكن عني ..عرفوني أنتو عنكن؟؟؟ - صفحة 2 370286

أنا يارا..رح عرّفكن عني ..عرفوني أنتو عنكن؟؟؟ - صفحة 2 370286

اسمي محمد ادب فرنسي سنة 1
من طرطوس ...

هايات يا اصدقاء
انا لوليا سنة تالتة انكليزي عايشة باللادقية بحب الحياة والمشاوير بكره الكذب وبحب الدلال كتير وعفوية ومرحة كتير بحب اسمع غنية not alone
لمايكل جاكسون بعشقها وما بحب احكي كتير بفضل اسمع اكتر من انو احكي
وهيك يعني مشان ما طول بالحكي شكرا

هلا باخي محمد وبكل أهل طرطوس...وشكرا لمرورك اخي

لوليا..

أنا يارا..رح عرّفكن عني ..عرفوني أنتو عنكن؟؟؟ - صفحة 2 510247

ليش مابتحبي الحكي كتير؟؟والله كنت حابي اعرفك اكتر..بس عكل حال اهلا وسهلا فيكي بصفحة التعارف وانشالله بنتعرف عبعض اكتر من خلال المشاركات شكرا

شو محمد عم تحكي عن حالك بالتقسيط ههههههههههههه أنا يارا..رح عرّفكن عني ..عرفوني أنتو عنكن؟؟؟ - صفحة 2 10195

احلى محمد بالعالم والله حيو اهالي القدموس

بالنسبة للمالكية فهي صايرة في اقصى الشمال الشرقي من سوريا على ضفاف نهر دجلة يحدها من الشرق العراق ومن الشمال تركيا ومن الجنوب والغرب تحدها سوريا

اقتباس :: روميو

بالنسبة للمالكية فهي صايرة في اقصى الشمال الشرقي من سوريا على ضفاف نهر دجلة يحدها من الشرق العراق ومن الشمال تركيا ومن الجنوب والغرب تحدها سوريا

يعني هي دولة لحالااااا أنا يارا..رح عرّفكن عني ..عرفوني أنتو عنكن؟؟؟ - صفحة 2 23647

أنا يارا..رح عرّفكن عني ..عرفوني أنتو عنكن؟؟؟ - صفحة 2 661641

روميو نحنا منتشرف فيك من وين ما كنت تكون
lol!

أنا يارا..رح عرّفكن عني ..عرفوني أنتو عنكن؟؟؟ - صفحة 2 947262

اهلين و سهلين يارا ...برحب فيك بمنتدانا الغالي ...
انا رورو يمكن ما شفتيني هالفترة بالمنتدى لانو ماني باللادقية هلق...
انا طالبة انكليزي سنة تالتة عمري 19 ...و انا من اللادقية..
بالنسبة للمزاج متل ما شفتي كووول على طووول بس هالحكي مو وقت النتائج
هلق انا بحب الافلام الاجنبية كتير وبحب المسلسلات السورية خص نص ..و بحب النكت و البسط و الفرفشة كمان بحب الغاردينيا و الفل كتير ...
ما بحب الانسان العصبي و بكره الدخان كتير ..
بحب فيروز و عبد الحليم و أليسا ...
و الله ما بعرف شو اسة
بعتقد هيك كافي و وافي
برجع برحب فيك بالمنتدي مرة تانية ...

زائر

و انا ادب انكليزي من اللاذقية
صرت سنة رابعة بحب الهدوء و التأمل و الافلام الاجنبية
و الضحك و النكت و السهر و الفرقشة و الاصدقاء و الاغاني و التدخين و بكره الاركيلة
بسهر بليل و بنام بنهار
كسلان اجتماعيا متفوق دراسيا
مزاجي شوي برجي الميزان
بحب البلاي ستيشن كتير و ما حدا بالحارة بيطلعلوا معي
ما عندي غير صديقين
بالاضافة الكن اذا بتقبلوني معكن
بحب هاني شاكر و كل مطرب بيغني اغاني حزينة بحبو
بشجع اسبانيا و بكره البرازيل و الارجنتين و المانيا و فرنسا و انكلترا و ايطاليا
نباتي و ما باكل لحم كتير و بموت بالتبولة
و كتير بعصب لما كمبيوتري بعصلج و بفوتني بالحيط
و كل ما عصب بطق قداحة و ربع مصروفي بروح حق قداحات
واقع في الحب حاليا يا الله ما احلاه!!!!!! عقبالكن
و بس اكبر بحب سافر و اطلع لبرا و ما بقا ارجع
و احلى شباب و صبايا
و احلى يارا و رورو و سوسن و اسماعيل و نضالو و سارة و نار باردة
عبمزح طبعا احلى علي والله
و احلى حمشو و روز و روميو و جولييت عفوا لوليا
و جار القمر و اية و سومر
و انشالله ما نسيت حدا
و بتمنى تقبلوني معكن

اما انا فاسمي نرد!

بقرأ كتب كتير

بحب الإندومي!

مبرمج php و Java و VBA و C و شوي python

بحب الحمراء قصيرة حمراء كرتون

عندي شي 3 اصدقاء واحد منون دائما مختفي

nerd2

اقتباس :: بشجع اسبانيا و بكره البرازيل و الارجنتين و المانيا و فرنسا و انكلترا و ايطاليا

يعني انا عيني محمرة منك من غير شي و لسا كمان جايي تكره ايطالياااا أنا يارا..رح عرّفكن عني ..عرفوني أنتو عنكن؟؟؟ - صفحة 2 821470

لاااااااا لهون وبس اصلا اسبانيا اخدت الكاس بالفشكلة أنا يارا..رح عرّفكن عني ..عرفوني أنتو عنكن؟؟؟ - صفحة 2 617373

و ابيعرفو يلعبو أنا يارا..رح عرّفكن عني ..عرفوني أنتو عنكن؟؟؟ - صفحة 2 617373

و ايطاليا رجعت من اول المونديال لأنو ما عجبها الأداء , قال هني ابيشاركو بمونديال مستواه ضعيف أنا يارا..رح عرّفكن عني ..عرفوني أنتو عنكن؟؟؟ - صفحة 2 886945

و على كلن اهلا وسهلا فيك اخ غالي و صديق عزيز بس بالطابة كل شي لحال أنا يارا..رح عرّفكن عني ..عرفوني أنتو عنكن؟؟؟ - صفحة 2 218305

Nerd
اهلا حبيب

بزمتك ابتعلمني كيف تعمل هيك نص متحرك من بعد اذنك بشي رسالة خاصة *12*

و الله ابقول لحدا أنا يارا..رح عرّفكن عني ..عرفوني أنتو عنكن؟؟؟ - صفحة 2 372272

و اهلا بكم بكافة الاحوال شباااااب أنا يارا..رح عرّفكن عني ..عرفوني أنتو عنكن؟؟؟ - صفحة 2 214802

غبت فترة عن المنتدى ورجعت فلقيت الاعضاء ماشاء الله شو كترانين والله يزيد ويبارك فيهن...وبرحب كتير كتير بزائر وياالله شو حلوين حكياتك ...وصاحب المشاركة المميزة(نرد)مية هلا وأنا كمان بدي تعلمني طريقة النص المتحرك متل نضالو ومابخبر حدا أنا يارا..رح عرّفكن عني ..عرفوني أنتو عنكن؟؟؟ - صفحة 2 142373

أنا يارا..رح عرّفكن عني ..عرفوني أنتو عنكن؟؟؟ - صفحة 2 142373

وتحية للنجمة رورو مميزة جدا ولكل الاعضاء الحلوين ..وبتمنى الكل يحكوا عن حالن ويعرفونا عنن....

انا متل زائر تقريبا
بس بشجع المانيا مو اسبانيا
و الحمد لله عالسلامة يارا

شكرا دارك كلك ذوق.. أنا يارا..رح عرّفكن عني ..عرفوني أنتو عنكن؟؟؟ - صفحة 2 142373

انا لوليتا
سنة تانية ادب انكليزي
من اللاتقية وبعشق ارض اللاتقية
بموووووووت بهالفرع يعني درستو عن رغبة ومقررة انو ادرسو من الصف السادس
برجي العقرب كمان بمووت بالهبرج بس مزاجية نوعا ما وهي علتي
رومنسية وعاطفية بس صعب كتييير حب يعني زوقي صعب الى ابعد الحدود بحلم كتييير كمان هي علتي يعني
بتخيل شغلات انا بحبها انو رح تصير معي وكيف رح اتعامل معها وهيك!!!!!!
حساسة بنقهر اذا حدا حكاني حكي بيجرح يعني انا الأهانة اللفظية عندي اياها اعظم بكتييير من الضرب الجسدي
بتخيل انو الحياة رح تكون كتييير حلوة لبعدين ما بعرف ليش
ما بحب الكذب وما بحب اللف والدوران
بتدايق وبنهم اذا حدا زعل مني
عندي رفقات كتييير بس اللي بفتحلن قلبي قلال كتييير يعني وحدة ما اكتر يلي بتعرف عني كل شي والكل اول
ما شافوني قالولي انو انا شايفة حالي ومغرورة ومنخيري بالسما بس والله انا ما هيك انا قلبي طيب بس قد حالي
يعني يلي بيغلط معي ما بقصر معو
بالمختصر المفيد انا كتيير معجبة بحالي بس ماني مغرورة

أنا يارا..رح عرّفكن عني ..عرفوني أنتو عنكن؟؟؟ - صفحة 2 370286

هاي يارا انا طالب ادب انكليزي سنة ثانية
بحب لهدوء بسمع على ام كلثوم وعبد الحليم والمطربين القدماء
مزاجي طربي برجي الدلو بصراحة انا لااملك اصدقاء بنات في الكلية
وذلك بسبب خجلي ليس لي الا صديقة واحدة وهي حبي
بتمنا نكون اصدقاء مع كل اعضاء المنتدى أنا يارا..رح عرّفكن عني ..عرفوني أنتو عنكن؟؟؟ - صفحة 2 214802

أهلين يارا .. أنا من حمص و إجيت على اللادئية بالغلط هههه .. يعني هيك شي ظروف سيئة بس الحمدلله على كل حال.. عمري 24-25 بس الناس بينصدموا لما قلن هيك عمري مابعرف ليش أي حدا بيشوفني بيسألني بأي صف لما قلن جامعة بيقولولي إنت جامعة؟ بقلن إي سنة رابعة بيقولوا رابعة كمان؟ حاجتك مزح بقلن كمان راسبة كتير :D >>
نحن ساكنين بالسعودية لأنو البابا هنيك بيشتغل وبنجي هون إجازات وأنا بعد البكالوريا سجلت إنكليزي بجامعة البعث مع إنو كان معدلي عالي وطلعلي أكتر الهندسات.. بحب إتعلم كتير لغات بس ماكنت بعرف إنو رح أدرس أدب فكرت لغة وماكنت بعرف هيك وضع الجامعة :( يمكن ماكان حظي منيح أبداً بالجامعة وحسيت راحت طموحي وخاب أملي كتير ... بعد ما نجحت للسنة الرابعة نقلت على جامعة تشرين بسبب ظروف وعلى فكرة كتير معروف عند العالم هون إنو جامعة تشرين سهلة ونسبة النجاح كتير عالية والدراسة أسهل بكتير والمحاضرات اللي بياخدوها كتير سهلة ومن هالحكي.. والمشكلة كل وحدة كانت تحكيلي وتقلي دليل إنو بنت عمتها بتدرس باللادئية ومابتفتح كتاب وبتنجح بكل شي ف أنا صدقت وهالشي شجعني أنقل على تشرين وتوقعت إتخرج فوراً بمعدل كمان بس طلع هالحكي كلو إشاعات وهلأ أنا قبلانة بالخمسين بس خلِص وإتخرج من هال4 مواد.. عنجد عناء وهالإستثنائية كتير عانيت بالسفر والتقديم كل مرة وكنت صايمة سافر من ال5 الصبح مشان لحق مادة ال9 وإرجع بنفس اليوم .. وبعد كل هاد مافي ولا مادة مضمونة.. آسفة حكيت كتير يمكن هالحكي كلو ما مهم ...
هواياتي الرسم وأوقات بحب إقرأ كتب إزا موضوعها عجبني أو حسيتو مفيد وأوقات روايات.. وبحب إتعلم على برامج التصميم عالكمبيوتر.. بحب إتعلم لغات كتيرة (بعرف شوي كلمات وعبارات والأرقام بالإندونيسي وكم كلمة بالفلبيني والإسباني شوي والفرنسي إجت فترة تعلمت فيها شوي ومن قريب عم إتعلم تركي ).. بحب إسمع موسيقى وبحب الغيتار والبيانو (جبت غيتار وبدأت اتعلم عزف شوي بس ماصارت فرصة إتعلم, ان شالله بيوم من الأيام).. بحب كتير كتير شوف القمر بالسما لازم كل يوم إطلع شوفو موجود أو لأ ..
خلص بيكفي حكي حسيت حالي حكيت كتير كتير ^_^

اسمي حسين من اللاذقية بدرس دراسات قانونية ترفعت عالسنة التانية عقبال تخرج الجميع
بحب الأمثال الشعبية وأقوال المشاهير
مطربي المفضل عمرو دياب ومطربتي المفضلة الرائعة نجوى كرم
بالنسبة للطبع طبعي مرح بحب المزح بس بكره المجاملة كتير وكل شي بقلبي على لساني
وما بخاف أو بخجل من حالي أو من حدا لأني شب واثق من أي يشي بساويه
في شي كتير مهم بحياتي وهوي أهلي وعيلتي أهم شي عندي بعدين صديقي وبعد
هالتنين كل الناس سواسية .لا حدا يستغرب أنا ماعندي حبيبة لهيك ما حطيتها بقائمة الأهمية
إذا حدا تحت إيدو عروس حلوة لا يبخل عليي
بحب كل شي خطير متل السرعة أو اني سوق أي آلة حتى لوكنت مابعرف سوقها
وبحب العب بالكهربا كتير متل إني صلح أو حتى فك أي شي كهربائي
بحب طالع كتب بس من نوع خاص متل شخص مهم بالتاريخ كتب حياتو ومسيرتو بكتاب
وكتب الشعر وبحب وبقدر البنت اللي بتحفظ شعر وبتلقيه
خيالي واسع كتير لدرجة التوهم والتخيل
بكره شي اسمو تلفزيون لأني بحسو داء العصر
وقت بكون معصب ما بتمنى احكي أو شوف حدا مشان ما اخسرو
لأني بصير احكي حكي لئيم وقاسي كتير وما بينزل بميزان مع العلم إني بروق عالسريع إذا كنت لوحدي
وأخيرا بتمنى كون صاحب ورفيق لكل شب وبنت بهالمنتدى ونكون شلة وحدة
على أمل اللقاء يوما ما
اقبليني صديق إلك يا يارا إنتي وكل شخص بالمنتدى
ومشكورة عاقتراحك يا أمورة
حســـــــــــــون

هاي يارا
..
أنا ما رح احكي عن حالي لحتى تقوليلي احكي.. لأن مشاركتي بتوقع تكون قنبلة (على الأقل من وجهة نظري).. بس غير مؤذية أكيد

اهلين يارا تشرفنا بمعرفتك

كالعاااااااادة تاخرت لشفت الموضوع :suspect:
مرحبا يارا وياهلا فيكي بينا أنا يارا..رح عرّفكن عني ..عرفوني أنتو عنكن؟؟؟ - صفحة 2 214802

انا رشا من الشام عمري 21 سنة بدرس ادب انكليزي جامعة تشرين لانو عئولتي مو ضروري اذا من الشام
ادرس بجامعة دمشق :suspect: سنة رابعة أنا يارا..رح عرّفكن عني ..عرفوني أنتو عنكن؟؟؟ - صفحة 2 5871

أنا يارا..رح عرّفكن عني ..عرفوني أنتو عنكن؟؟؟ - صفحة 2 5871

شو لسااااا اي تذكرت من اهم صفاتي اني بتاخر كتير متل ماشفتي .. مو لاني بطيئة لا ..
بس لاني سبحان الله هيك مزاجية كتير .. ودائما بفكر انو معي وئت وبالنهاية بطلع بنتيجة كل مرة
وين ضاع الوئت مابعرف أنا يارا..رح عرّفكن عني ..عرفوني أنتو عنكن؟؟؟ - صفحة 2 907178

أنا يارا..رح عرّفكن عني ..عرفوني أنتو عنكن؟؟؟ - صفحة 2 907178

اهم صفاتي حركة كتير كتير كتير .. أنا يارا..رح عرّفكن عني ..عرفوني أنتو عنكن؟؟؟ - صفحة 2 372272

بحب كتابة الشعر .. وقراءة الشعر كمان ..
وبحب المطالعة بشكل عام .. بحب الافلام وخصوصا الرعب ( توب موفيز ) ليل نهار .. وبحب افلام كرتون ( سبانج بوب ) هههههه كتير حلو .. بقولو عني طفولية .. مابعرف ليه هههههه أنا يارا..رح عرّفكن عني ..عرفوني أنتو عنكن؟؟؟ - صفحة 2 206611

أنا يارا..رح عرّفكن عني ..عرفوني أنتو عنكن؟؟؟ - صفحة 2 206611

بحب الجمال بكل شي .. وبحاول دور على الكمال في افعالي .. بس الكمال لله سبحانه وتعالى ..
شو لسااااا هههههههههههههه اي بحب احكي كتير يمكن أنا يارا..رح عرّفكن عني ..عرفوني أنتو عنكن؟؟؟ - صفحة 2 122527

أنا يارا..رح عرّفكن عني ..عرفوني أنتو عنكن؟؟؟ - صفحة 2 122527

وبحب الموسيقا الغربية اكتر من العربي ..
برجي الميزان . مترددة في اتخاذ القرارت .. أنا يارا..رح عرّفكن عني ..عرفوني أنتو عنكن؟؟؟ - صفحة 2 912719

يمكن مانسيت شي :*740*:
اي صحي بكره الدراسة بس بفترة الامتحان .. وكمان حشورة شوي بس شوي ..

وياهلا فيكي بيننا .. أنا يارا..رح عرّفكن عني ..عرفوني أنتو عنكن؟؟؟ - صفحة 2 964264

أنا يارا..رح عرّفكن عني ..عرفوني أنتو عنكن؟؟؟ - صفحة 2 964264