فضائح خطيرة في كلية الآداب جامعة تشرين

فضائح خطيرة
كشف بعض طلاب جامعة تشرين السورية في حديث علني عن فضائح خطيرة يمارسها
عدد من أساتذة الجامعة يندى لها جبين المؤسسة التعليمية، فخلال لقاء
للدكتور محمد بصل عميد كلية الآداب مع طلبة معسكر التدريب الجامعي الثاني
في اللاذقية أواخر تموز 2009 بمناسبة تجديد البيعة للرئيس بشار الأسد،
أشار عدد من الطلبة لبعض هذه الممارسات المشينة, وهي ظاهرة قيام بعض
المدرّسين بيع المواد للطلبة، وضمان النجاح مقابل مبالغ مالية تتراوح بين
خمسة وعشرة آلاف ليرة سورية للمادة الواحدة.
الطلاب أكدوا للعميد أن البيع يتم من شعبة الامتحانات بالنسبة للأساتذة
الشرفاء الذين يأبون هذه الممارسة المنحرفة، وقد أفصح بعض الطلبة عن أسماء
هؤلاء المدرّسين وموظفي الامتحانات، فاتهموا الأستاذ (ي. ز) مؤكدين أنه
قال للطلبة علانية إنه سيفعل كل ما باستطاعته حتى لا ينجح عنده أحد من
الدورة الأولى، بل وحتى الثانية لتقديم المادة (مع العلم أن الطالب الذي
يشتري ينجح من الدورة الأولى)، والأستاذ (م. ف) الذي اشتهر ببيع المادة
علانية وعقد سوق مساومة وبازاراً لمن يدفع أكثر، وضمان النجاح للطالب
المشتري على أن يضع علامة مميزة على ورقة الإجابة يستدل بها على هوية
الطالب، ويمنحه حقه بالنجاح بكل أمانة سواء أجاب عن الأسئلة أم كتب بعضاً
من مذكراته الشخصية.
كما اتهموا كل من الأساتذة (ر. م) و(ع. ص) و(ض. ب), و(ت. ج)..و(س ب ) وغيرهم..
وقال بعض الطلبة أنهم تمكنوا من شراء الأسئلة من موظفي شعبة الامتحانات
للأساتذة الشرفاء، ووصل الأمر إلى حدّ المتاجرة بين الطلبة أنفسهم، حيث
يقوم طالب بشراء الأسئلة بمبلغ يتراوح بين خمسة وعشرين وخمسة وثلاثين
ألفاً، فيقوم بدوره بالمتاجرة بها وبيعها للطلبة الموثوقين من قبله بمبلغ
ألف أو ألفي ليرة، فيكون قد كسب الأسئلة مجاناً إذا لم يربح أكثر من موظف
الامتحانات.
وقال أحد الطلبة إنّ فرصة شراء المواد والأسئلة متاحة جداً بسبب تعدد
النماذج الامتحانية وتعدد المدرّسين للمادة الواحدة، حيث بلغ أحياناً خمسة
مدرّسين لبعض المواد كالأدب الجاهلي, وثلاثة لمادة البلاغة.
ويتمنى طلاب الجامعة اعتماد الكتاب الجامعي, والمقرّر الموحّد للجامعات
السورية, وأن يكون تصحيح أوراق الجامعة في جامعة أخرى على غرار الثانوية
العامة, أو أتمتة المواد على غرار جامعتي حلب ودمشق المتنزهتين عن هذه
الظواهر الشاذة.
وطالب طلبة جامعة تشرين الرئيس بشار الأسد للتدخل شخصيا لقمع هذه
الانحرافات التي تسيء إلى سمعة الجامعات السورية, ووضع الحلول الجذرية لها
بالتعاون مع د.غياث بركات وزير التعليم العالي ود. محمد يحيى معلا رئيس
الجامعة, وهما من الشخصيات المهمة في سورية لمكافحة الفساد والرشاوى
المتسللة إلى الوسط التعليمي.
وفي نهاية اللقاء تمنى د. محمد بصل على الطلبة تقديم الأدلة المادية على
هذه الاتهامات ووضعها أمامه وأمام رئيس الجامعة، ووعدهم بمحاسبة الفاسدين
في حال ثبوت أي اتهام، لكن الطلبة احتجوا لعدم قدرتهم على تقديم الدليل،
لاسيما وأن بعض الطلبة الفاسدين والمنحرفين من طلاب السنوات المتقدمة
يتاجرون بالتوقعات بين أوساط الطلبة المستجدين، فيستغلونهم على أنها أسئلة
تم شراؤها، وبذلك تختلط الأسئلة المشتراة بالتوقعات المزيفة، مما يصعب
تقديمها للجامعة كدليل مادي. كما لا يجرؤ أي طالب على تقديم شكوى علنية
خوفاً من استهدافه من الدكتور المتهم في حال عدم ثبوت الشكوى أو التملص من
المسؤولية والعقاب، فالدكتور محمد بصل ألمح بأن الطالب الذي يتهم أحد
المدرّسين ولا يثبت ذلك بالدليل سوف لن ينجح في هذه المادة ومدرسها على
قيد الحياة مهما كانت إجابته في الامتحان دقيقة، لأن الدكتور سيّد المادة..
فهل يبقى الدكتور سيد المادة حتى لو كان من الفاسدين؟.

منقول...

الموضوع خطير كتير وبهدد مستقبل أي شب أو صبية بالجامعة بس بنفس الوقت هالموضوع مالو حل وعلى فكرة موجود بكل جامعات سورية وبظن برا كمان على الاحوال مشكورة على هيدا الموضوع المهم

فعلا هيدا موضوع خطير و عيب يكون موجود بالجامعات اصلا .. ولازم يوصل هالموضوع للجهات المختصة .. وهي تشوف شغلها بقا ..
شكرا لمرورك طايش ..

الموضوع كبير و الو تشعبات بس يا ترى هل الدكاترة رح يسمحو بأي محاولة لتقويم المؤسسة التعليمية ؟؟؟؟؟ يعني ما حدا رح يعطي على حدا بدءا من الموظفين و ارتباطهم و علاقتهم مع الدكاترة

فعلا شيء مشين و معيب و الافضل لهذه البدلات الرسمية ان تستقيل خجلا ان ثبتت الاتهامات

شكرا رورو

و الله كلامك موزون يا عكيد ...شكرا لمرورك ..

يمكن اذا بقلكن عدد اللي عم ياخدو مصاري من الطلاب على المواد
بتقولو عني مجنون و بحياتي ما حطيت اجري بجامعة
بس يا جماعة الموضوع اكبر ما بتتخيلو
وانشالله الفصل الجاي رح نزل قائمة بأسمائهن واللي بدو يصير يصير
والصراحة صار الموضوع تجارة بشكل لا يطاق
من المكتبات لموظفين الامتحانات ل الدكتور نفسو
لك يا أخي يصطفلو ياخدو مصاري مشان ينجحو كم طالب
فساد معشعش فينا من سنين وتعودنا
بس اللي اول مرة بشوفو كميات الرسوب اللي عم تصير بس مشان الطلاب يدفعو
هي ظاهرة جديدة عنا وحصرية

تحياتي

من هالناحية نص دكاترة البلد بقبضو بس ماحدا فضحن او حكى شي لانه بجامعة دمشق في دكاترة عم تقبض عالمكشوف وماحدا قال شي
بركي بيطلعو بنتيجه هالطلاب ويربو باقي الدكاترة بشي دكتور
او احسن شي انه نقدم بدون مانحسب علاماتنا بشان ما
ننجلـــــــــــــــــــــــــــــــــــــــط

اول شي شكرا لمروركون سومر و lucifer

بس الله يرضى عليك يا سومر بلالك هالشغلة .. لأنو صدقني نشرت الاسماء او ما نشرتون ما في شي رح يتغير ..يعني انت مصدق انو المسؤولين عن الجامعة ما بيعرفوا..بعدين ممكن تتآذى ن ورا هالقصة ..

بعدين ما بعرف اذا وقفتوا عند نفس الجملة اللي وقفت عندها ..


فالدكتور محمد بصل ألمح بأن الطالب الذي يتهم أحد
المدرّسين ولا يثبت ذلك بالدليل سوف لن ينجح في هذه المادة ومدرسها على
قيد الحياة مهما كانت إجابته في الامتحان دقيقة، لأن الدكتور سيّد المادة..

مو عيب عميد الكلية يحكي هالحكي ...بقا هيدي رسالة مبطنة مشان ما حدا يسترجي يقدم اي شكوى ..وهو بيعرف سلفا انو ما في اي دليل عالحكي ..

بقا عوجاااااا .. ورح تضل عوجااااا

والله ها يلي كان ناقص فوق الموته عصة القبر

حمشو

معكن حق بكلشي حكيتو قدمتو اسماء او ماقدمتو مافي شي رح يتغير
وعميد الكلية بيعرف بكل هالشغلات
قبل هاد العميد ماكان في حالات رسوب لهالدرجةهيدي
كانوا يتأخرو المواد لينزلو بس يكون في شوية نجاح اما هاد العميد الرسوب عندو غير شكل
انا مثلا بمادة النقد سنة رابعة هي ثالث دورة باخد نفس العلامة بالمادة(40)
معقول يعني دائما عماكتب نفس الكتابة لا اكتر ولا اقل مستحيل
فالغلط باين من الامتحانات بنجحوا عالم على حساب عالم

الله يعينك و يعينا نينا .. شو بدنا نسوي الله بلانا بهيك كلية .. ... بس سؤال ايمت نزلت النقد ؟؟

اقتباس :

فالدكتور محمد بصل ألمح بأن الطالب الذي يتهم أحد
المدرّسين ولا يثبت ذلك بالدليل سوف لن ينجح في هذه المادة ومدرسها على
قيد الحياة مهما كانت إجابته في الامتحان دقيقة، لأن الدكتور سيّد المادة..

لأنها مادة ابو بنجح وبرسب فيها يلي بدو ايا
يعني اتصوروا انه بالفصل الاول رفعت كل موادي وحملت بس وحده
وهاد الفصل نفس دكتور الماده يلي حملتها عطانا ماده تانيه والنتيجه= رفعت كل موادي ما عدا المادتين يلي عطانا ياهن نفس الدكتور وبنتائج 37 35 37
الله يورجينا فيهن يوم

أنا بعرف دكتور بجامعة بدرس بجامعتي حلب والفرات بنفس الوقت .. قصة ه الدكتور بتشبه هالقصة كان مشهور عنو انو عدوللطلاب وببيع المادة .. وفوقه برسب الطلاب بس بتعرفوه شو سو الطلاب الثائرين ..... اختطقوا ابنه وهددوا مدعين انهن عشيرة بديرالزور ومو سألة عن حدااا!!!! وطالبوا بنسبة نجاح "بحلب" !!! تفوق 90% لحتى يتركوه نفذ الدكتور الأوامر صاغراً .. شنواكان عايش بامريكا وما بعرف شو بيعمل السوريين إذا بعصبوا .. ومع تدخل الحكومة بدون جدوى.. كانت نسبة النجاح بوقتها90% حتى يرجع له ابنو بس الموضوع بالفصل التاني كانت نسبة الرسوب 95% كمان مبشراً بهزيمة "الثورة " الطلبية ....
أوعكون تعملوه متلون لانو مافي عشاير بللاذقي و عشاير دير الزور ما عادت تتبنى هيك أعمال ..لأنو طلعت قصة ملاحقة الإرهاب دولياً..

و الله مصاري ما فيه
أصلا ما بعرف كيف بدي اوصللون هدول جماعة القبض
لأني ما كتير بداوم
نجحنا...كان بها
ما نجحنا.....لخدمة الوطن


Ruru.....موضوعك حلو
خليت أبي يقراه....حتى يحس بمعاناتي
الله يوفقك