صديقكم الدكتور فوستس رسب

اليوم جبت علامتي باللغة من الامتحانات 24 صرت حامل خمس مواد خلص انتقلت للنظام الجديد تبع 3 فصول
الله لا يوجهلوا الخير لناصر عبد الحميد
عفكرة المادة رح تنزل الخميس و انشالله بتشوفوا النتائج اول باول هون بالمنتدى

dr.faustus الغالي

يلا بسيطة حبيب القلب و الله انا سبقتك و رسبت عمادتين

الله يكون بعون الجميع و مشكور عمجهودك بتنزيل المواد

لك شكري العميق

يعطيك العافية نضال و موفق السنة الجاية انشالله

أنتم السابقون ونحنا اللاحقون
أنا صاروا أربع مواد
بس اذا صارت المعجزة بترفع
بالمسرح أخدت 15
يعني اذا عد الأسطر مابيحط هالعلامة
ومسرح السنة الأولى صار 5 مرات مقدمتو
5 بعين الحسود
اسكوت وخليها لربك
الله لا يوجهلن الخير
يعني لا تشكيلي ببكيلك

والله انا لحقتك اليوم
اليوم جبت علامتي باللغة وبالعربي وبالمنهجية
والحمد لله الثلاثة حاملن
يعني صدقو ما افي اشطر مني بالعربي وبالاعراب وكتبتلو كتابة عجيبة قام حملني هية على اربعين علامة
والمسرح طبعا" الله يوجهلو الخير للدكتور حرفوش حاططلي 19 علامة بعد ما قضيت شهر كامل قبل الامتحان وانا عبدرس مسرحية اوديب
وبعد ما كتبتلو كتابة خيالية بالامتحان ولو ماكان محددلنا الاسطر الملطوبة لكنت عبيت اربع وراق
بس شو بدنا نسوي الله يعينا على ظلم الدكاترة

يالله .. والله خوفتوني .. انا بقيلي اربع مواد بدي لأترفع اتنين .. ..هلق الترجمة سنة تانية اكيد بحملها بقا املي بالباقي ..ادعوووووليييي

انا عطريق الرسوب باقي مادة وبرسب الحمدلله 2لغة لجلال راعي ونقد ومنهجية شو بدي احسن من هيك

موفقة يارب
بس ماتخافي
لأن كل شي بالعكس
وانتي حتى لو عكست معك النتيجة وحدة

بسيطة شباب و صبايا
عنا بالجامعة مافي اكتر من الرسوب للاسف
و بالتوفيق للعالم اللي بخطر

بسيطة شباب و صبايا
عنا بالجامعة مافي اكتر من الرسوب للاسف
و بالتوفيق للعالم اللي بخطر

يالله حظ أوفر للراسبين ونشالله السنة الجاية بتترفعو بأعلى العلامااااااااااااااااااااااااتوياجماعة أنا أكيد مارح ألحقون أوعى حدا يفكر فيكون أني واثقة من ترفعي بس للاسف والحقيقة المرة هية أني بدي 3 مواد من5 وإذا ماشلتون بستنفذ لأنو هي تاني سنة برسب :affraid:

انشالله بتترفعي يا سويتي
الله كريم

لك تسلم darkhector اي والله الله كريم والله يسمع منك ونشالله نسمع عن موادك أخباااااار حلوة قلتلي 75

اي اذا الله راد
و عقبالك انشالله

لك تسلم نشالله جميعاً ياذوق

وانا كمان لا تنسو تباركولي لأني رسبت
كان بدي 3 مواد كمان
حطيت أملي باللغة بس للأسف متل العادة
وهي تاني مرة برسب بالتالتة
الله يكون بعونا
والف مبروك للي نجحو

Hard luck
لكل اللي رسبوا وانشالله السنة الجاية بتعوضوا
Good luck
لكل اللي عندن أمل بالترفع وانشالله موفقين

طمنوني عن اللغة فصل اول وعن المقارن فصل اول كمان الله يوفقكم
ديما علي رابعة راسبة
والتمنيات يالتوفيق
شكرا

الخميس انشالله في مواد للرابعة و رح تكون موجودة بالمنتدى اول باول
و لطلاب السنة الاولى التانية اذا كانت النتائج مانا ممزقة رح حاول نزلها بالمنتدى كمان

الله يعيننا على هادكاترة
قسماً بالله كلو ظلم بظلم
الحمد لله أنا لهلا مارسبت ابداً وسنة 3 صعبة كتير
وبخاف من الرسوب كتير
مع اني بظن رح ارسب
اذا دكتورنا مابينجح الطالب الا اذا اشترى المادة
شو ذنبنا
وسعر المادة30الف حسب ماقالولي
فانا رح استنى الدكتور ليموت

وبيسير خير
موفقين جميعاً يارب والله مابينسى حدا

بعرفكو عن حالي
عصام
أدب انكليزي
راسب رابعه
و تالته
و
و
عادي.............الواحد بدو يطول بالو..
مصاري ما فيه....
بأسوأ الأحوال بيسحبونا عالجيش
Take it easy

أهلا عصام
تشرفنا بمعرفتك
نيالك على برودة هالأعصاب :*749*:

طولوا بالكون يا جماعه انشالله بيصير خير
هلأ انا مارسبت لسا ولا بسنه
بس هالسنه بالرابعه شفت الويل من الدكاترة
بحياتي ماكنت صدق انو الدكتور بيظلم او مابيصلح
لان ماصارت معي ولا مرة او قصة شري المواد
بس بصراحه هالقناعه انهزت عندي السنه
لان كتير مواد قدمت فيا كتير منيح وارسب
كيف وليش مابعرف
عكل شكلي رح دوق الرسوب لاول مرة
حاليا صرت حامله 4 مواد
نقد 3 ولغة 3
وفي عالمي ماقدمتو ولغة 4 ما قدمتا
والباقي ع الله
بالتوفيق للكل

انا شخصيا ترفعت ولسا مادتين وبنجح نجاح
ع قبال الكل

اذا سمحتوا
حدا بيعرف اذا طلعت لغة وانشاء وترجمة
سنة تانية فصل تاني
يعني بعد ما رسبت بردت أعصابي
وما عاد سألت
لأنو أكيد متل رفقاتون راسبين
وأكيد بجدارة