روميو و جولييت...سوريا

هو (هامسا) : بحبك.
هي (هامسة) : وأنا كمان.
هو : أنا بموت من غيرك.
هي : وأنا كمان.
هو : ما فيني عيش بلاك.
هي : وأنا كمان.
(صمت)
هو (مترددا) : أنا رايح بكرا على الجيش.
هي (جازعة) : وأنا ….. شو بعمل ؟؟
هو : انطريني بس خلص .
هي (متشككة) : وبعدين …بنتجوز ؟؟
هو (خجلان) : لاء… بدي دور على شغل وكون حالي .
هي (حائرة) : وأنا …. شو اعمل.
هو (بائسا) : بتنطريني وأنا عم كافح وكافح لأقدر لاقي بيت يجمعنا .
هي (مؤكدة) : ايه بس يا ريت يكون بعيد عن أهلي وأهلك كرمال نبعد عن المشاكل .
هو (غاضبا) : شو شايف بلشتي تتشرطي ، أنتي بتعرفي شو وضعي وشو ظروفي وأنا لو بيطلع بايدي لسكنك بقصر يلدز بس شو اعمل ؟؟؟ اهرب من العسكرية كرمال ما تروح سنتين من عمري ؟؟؟ ولا اسرق شي بنك أو حتى شي مطعم وجبات سريعة؟؟؟ شو اعمل اه شو اعمل حدا يقلي …. نتف حالي … شو اعمل انتحر يعني ؟؟؟؟ طيب متل ما بدك رح انتحر … ها ها أنا عم انتحر ( يلتفت حوله بحثا عن أداة للانتحار فلا يجد أمامه سوى الحائط يخبط راسه فيه عدة مرات ليخر صريعا والدماء تملأ وجهه).
هي ( تدب الولي ) : ماذا فعلت يا مجنون؟؟؟ بليتني فيك؟؟؟ شو اعمل أنا هلق ولي على قامتي على هل الفضيحة ؟؟؟ شو اعمل ؟؟؟ مافي قدامي غير الحيط فوت فيه بقصد اخبط راسي فيه موت وبلا الفضيحة وها ها (تخبط راسها في الحائط) وتخر صريعة الى جوار روميو القرن الحادي والعشرين في سوريا.

الله يعين الشباب
يعني اذا الواحد فكر يتجوز
يدو كذا مليون سنة ليأسس حالو عنا
مشكور كتيييييييير

اهلا بك عصام بالمنتدى و نشالله تكون ايامك معنا ممتعة روميو و جولييت...سوريا 214802

و منشان الموضوع فعلا هيك بيصير عنا شكرا

الحمدلله يلي ماعندي عسكريه بشان مايصير فيني متله
روميو و جولييت...سوريا 886945

شكراً عالمرور يا جماعه
نورتو

هلا والله بعصام نورت المنتدى
موضوعك كلو منطقي
والله جد العيشة صعبة
الله يساعد ويعين الكل
مشكور عالموضوع

لك اهليييييييييييييييين بأحلا آيه
انتي بتنوري اي موضوع بتعلقي عليه
مشكوره عالمرور
و عالورده الحلوه
كلك ذوووووووووووووووووووووووووووق

حلوة شريك

» سوريا هل تعلم ماهي سوريا ؟ هذه هي سوريا
» مو شايفين الدنيا منورة يمكن لانو روميو وحمشو عم ...؟؟
» «روميو» .. ثعلب يقطن أعلى ناطحة سحاب في لندن
» من هي سوريا؟؟؟؟؟؟؟؟؟؟
» الوداع يا سوريا