مساعدة

مرحبا شباب و صبايا
اذا حدا بيعرف شي عن موضوع التكميلية بالقانون الجديد تبع ال3 فصول بتمنى يساعدني
لأنو انا سمعت انو في عالم عم تقدم استمارة مشان بالسنين الجاية يقدروا يعملوا التكميلية
و فتت بالحيط

و الله انا سمعت هيك شي .. بس ما اقتنعت بالحكي .. .. انا بقول انو شي طالب ما فهمان شو خبر .. ومطلع هالاشاعة ..
بس اسالوا عن الموضوع و الله انا ما بعرف ..

و الله و انا رأيي من رأيك يا رورو
بس عم اسأل مشان اتأكد
و مشكورة كتير

رورو طيب أنتي عندك شي خبر عن موضوع الماجستير.

ياجماعة أنا سمعت في بالموضوع استمارة والخبر أكيد لأنو من موظف من الجامعة بس ماإلا علاقة بالتكميلية على ذمة الراوي ما على زمتي

الله يبشرك بالخير يا سويتي
و كتير مشكورة
بس اذا ما في سئلة هالستمارة الها علاقة فينا كطلاب بالقانون الجديد؟

لا و الله sukalta ما عندي اي فكرة عن الماجستير ..

darkhector حسب ماسمعت ما إلا علاقة حسب ماحكا الموظف أنو منشان انتساب للحزب وهيك شي كمان عذمة الراوي ومافي سئلة بالمرة ولو نحنا هون كلنا أهل

احلى سويتي و الله
كلك ذوق

ولو darkhector اقل منا

ياشباب بباقي الكليات نازلة استمارة وقت التسجيل وهي مجرد استبيان رأي بدكاترة الكلية بس مابعرف اذا نزلت عندنا واغلب الناس فكروها مشان النظام الجديد

مشكورة كتير صبا عالتوضيح

أخ لو بيوزعوا عنا من هالإستمارة تبعيت الرأي بالدكاترة والله لأنتف ريشين نتف وما خلي علين ستر مغطى متل ما عملت بصف العاشر لما وزعوا علينا استبيان بكتاب الرياضيات كان وقتا منهاج تجريبي والله شرشحتو للكتاب تشرشح يومتها ودرت عكل رفاقتي وخليتين يبهدلو الكتاب بهدلة مع أني ماكان فارقة معي لأني بعرف حالي رايح أدبي وأبقا رح أقرا رياضيات بحياتي

و الله انا كنت بدي أسأل اذا هالاستمارة تبع اعطاء الرأي فيها اختيار متعدد او شرح وافي لأنو اذا شرح وافي فالامور تمام و متل ما قال سيرجيو بدنا ننتف ريشن نتف

بس والله المكتوب مبين من عنوانو يعني هيك استمارة لا بتقدم و لا بتأخر لانو بيعرفو منيح شو رأي الطالب بس هي حركة على اساس انها ذكية لتبيين انو الطالب رأيو مسموع

ونشالله تكون شي حقيقي

الله يسمع منكم يا شباب
و انا بعتقد هني ما بتعبونا بتملايتها اذا بدن يوزعوا
بقولوا اساتن صغار ما بيعرفوا مصلحتن فنحنا منعبيا عنن
عنجد كباااااااااااااااااااااااااااااار
الله يخليلنا ياهن!!!!!!!!!!

أما أنا الاشاعة اللي سمعتا
انو
احتمال يكون في فصل تالت هالصيفية
مشان يجربوه ومايكون في حدا راسب السنة الجاية
فلا تضحكوا علي
بس الغريق بيتعلق بقشة

انشالله الله يسمع منك

يا جماعه عندي كل شي عالأكيــــــــــــــــــــــد
بالنسبه للتكميلي هي السنه ما في بأي شكل لغير السنه الرابعه
وبالنسبه للأستمارات فالسنه الرابعه بقدمو استمارات ليسجلو عالتكميلي متل العاده
ونحنا الصيفيه الجاي اذا طلعلنا تكميلي لازم نقدم استماره قبل الفحص ب10 ايام تقريبا
ومن جهة استمارة الاستبيان عالدكاتره بجامعة دمشق لهلأ ما صار في هيك شي

Lucifer6606

لا صارت استمارة الاستبيان عالاكيد بجامعة تشرين وانشال دكتور من رئاسة قسم من وراها لاعتبارو اسوأ دكتور بالقسم

عم يلعبوا فينا لعب

المسخرة انو مفي حدا بيعرف شو قصة هالورقة يلي اليوم ما ضل حدا ما عباها شي بقولو مشان التكميلية وشي مشان الحزب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشكورين جميعاً عالتوضيح
والله مابقى بنعرف اذا نحن بندرس بالجامعة ولا بسوق الخضرة
الله يعيننا على هالنظام

طيب يا جماعه شي حدا منكم ياخد هالأستماره ويقلنا شو فيها لأنه عنجد قلقتونا
يعني الفضول قتل القط

مرحباللكل انا بدي حدا يساعدني بالحصول على اسئلة للسنوات السابقة اذا ممكن