كيف تجعل الناس يحبوك

اهذه بعض النقاط لتجعل الناس يحبوك من خلال اول انطباع

او مقابلة فالحياة لاتخلو من الانطباعات الاولى

==================


1- تعود ان تنظر الى الناس مباشرة الى اعينهم


2-يجب ان تعرف وتحدد مالذي تريده من الآخرين بالضبط ليتم تحديد رسالتك التي تود ايصالها الى الناس

3-جسدك لايعرف كيف يكذب فبطريقة غير واعية يقوم جسدك بنقل افكارك ومشاعرك من خلال الحركات التي تقوم بها


4-عندما تقابل شخصا لأول مرة لاتبذل مجهودا فوق المعتاد ففي دراسة قام بها الباحثون في جامعة بريستون تم سؤال الطلبة عن الطرق التي يستحوذون بها على اهتمام الناس الذين يقابلونهم اول مرة كانت المبالغة في الحماس احد اسباب الفشل.لاتحاول ان تبتسم رغما عنك ولاتحاول ان تتذاكى او ان تكون مؤدبا اكثر من اللازم واو ان تتعامل مع الطرف الاخر باحترام زائد يكون على حساب احترامك لنفسك


5- من خلال بحث قام به البروفيسور البرت مبهدييان بعنوان (حل شفرة التفاعل غير المنسجم) وجد ان الرسائل التي نعبر عنها في حياتنا تمثل بالنسب التالية:55% لغة الجسد.38%نبرة الصوت.7% كلمات


6- ان القدرة على اجراء اتصال بالعينين تعني انك واثق من نفسك اما خفض العين فيبدو مذعنا حسب السياق


7-الابتسامة تعكس الدفء وتظهر الثقة وتنشئ الالفة لكن حذار الابتسامة في الوقت غير الملائم فانها تعكس الضعف وفقدان الثقة


8- رفع الحاجبين للاعلى مدة ثانية هو علامة للصداقة


9- المظهر المثالي للثياب ان تكون جذابة مريحة تعطي الثقة بالنفس تعكس القانون الاجتماعي في الثياب
تعكس الشخصية تدعم الرسالة التي تود ايصالها للناس

والله نصائح مفيدة
بس صدقيني آية أحسن شي الواحد بيعملو
انو يبقى على طبيعته وما يتصنّع ويمثل
مشكوووووووووووووووووووووورة

معك حق اسماعيل
بس احيانا في مواقف بيتعرضلها الانسان لابد انو يتظاهر بغير طبيعته
وحلو اذا الواحد اثر على غيرو
شكراً كتير لتداخلك الرائع

أنا من رأيك اسماعيل

ما فيه احلا من العفويه
و يللي بدو يحبني يحبني على طبيعتي
او...بالناقص

شكراً الك آيه

طولو بالكن شباب روقو
انا قصدي (وبصراحة بيصير معي)
انو مع اشخاص جداد او او محددين
بخجل كتير وبتمنى يكون في قواعد احفظها وامشي عليها
من كتر التلبك
واكيد التصنع خطأ والإنسان مافيه يطول بالتصنع
وانا بتلبك باول وتاني وشوي بتالت جلسة واكيد شخصيتي طاغية
بس الخجل كتير بياكلي وشي
مشكور عصام واحلى تداخل والله

آسف على المداخلة .. بس في هنيك طرق كتيرة لكسب محبة الناس وأنا بنصحكون بكتاب "استمتع بحياتك " قرأته هو صحيح الكاتب / محمد العريفي /كاتبه عن أساسي ديني ولكن شفت إنه ينم عن تجربة عملية حقيقية و معتمد أساس لكتابه محاكاة كتاب لكاتب فرنسي "دايل كارنيجي " كتاب :" فن التعامل مع الناس " شفت فيه انو بحل كتير من المشاكل النفسية و يعيد صقل الشخصية .. كمان بيعلمك كيف تسوي قلوب الناس رهن إرادتك ..طبعاً كلو بأسلوب معاملتك .. وع كلن جربوا كتير وشافوه نافع عملياً فهو وأنا كمان هيك شفتوه 75% إذا بكن تقروه فهو موجود عندي كصفحات وورد .. وشكراً ع هيك موضوع , آية لانو بيعجبني كتير...

والله انا من جهتي متل ما قال 3essam ويلي بدو يحبني اهلا وسهلا
ماناقص غير انو يمثل الواحد عالناس
لأنه يلي بدو يبلش مع شخص بالتمثيل بدو يضل عم يمثل مع دائما
مشكوره كتير عالموضوع

شكراً لمداخلتكن الرائع
ازاد شكرا عالمعلومة وفي كمان كاتب ابراهيم الفقه (على مااظن)
مواضيعو حلوة كتير
ليوسيفر اكيد بس معك حق ولي بدو يمثل مافيه يطول بالتمثيل ورح ينكشف
بس مرات بيلزم الواحد كم درس
ولوووووووووووووو شباب شبكن