مورينيو : سأكون فاشلا إذا لم أفز بالليغا أو دوري الأبطال خلال موسمي الأول

قال المدير الفني لريال مدريد الإسباني، البرتغالي جوزي مورينيو أنه سيعتبر عدم الفوز ببطولة الدوري الاسباني أو دوري الأبطال خلال موسمه الأول مع النادي الملكي بمثابة " الفشل " حيث أكد في الوقت ذاته أن يعد الجماهير بلقب واحد على الأقل هذا الموسم طالبا منهم الصبر لتكوين فريق قوي لا يهزم مستقبلا.

و صرح مورينيو معلقا على الوضع الحالي للفريق قائلا : " سنتنافس في الليغا مع فرق مختلفة ، فبرشلونة على سبيل المثال لديه الآن ديناميكية مختلفة و لكنه يسير بفلسفة معينة منذ عدة سنوات و لاعبوه اعتادوا على اللعب سويا مع مدرب يبدأ عامه الثالث مع الفريق ".

وأضاف مورينيو : " إذا ما تحدثنا عن ريال مدريد سنجد أن أكبر لاعب يتمتع بخبرة هو كاسياس فعمره 29 عاما و هو يقضي موسم الثاني عشر مع الفريق ، أنا كمدير فني للريال لا أزال في بداية المشوار.. و لكن سأعتبر عدم الفوز بالليغا أو دوري الأبطال في الموسم الأول فشلا ذريعا ".

و تابع مورينيو : " إذا ما نظرنا لدوري الأبطال سنجد نفس الشيء، فمانشستر يونايتد و مدربه معا منذ سنوات كثيرة، وهيكل تشيلسي ثابت منذ فترة ونفس الأمر ينطبق على إنتر منذ ثلاث سنوات ".

وأردف المدرب : " سنعمل بكل قوة لنصل إلى أبعد الأماكن، ريال مدريد لديه تاريخ مليء بالانتصارات وعدم تحقيقه للفوز يعد مشكلة ".

و حول المناخ الحالي بين لاعبي الفريق قال : " علامات التفاؤل واضحة على وجوههم ، أغلبهم من الشباب وعلى أتم استعداد للعمل ".

و اختتم مورينيو حديثه بالتطرق لصفقة ريال مدريد الأخيرة الألماني سامي خضيرة قائلا : " حينما نتعاقد مع لاعب، هذا ينبع من ثقتنا في قدرته على تقديم الكثير للفريق.. و بعدما رأيته في المونديال تبددت أي شكوك كنت أحملها تجاه إمكانياته ".

ان الكرة الريالية لا تنجب اللاعبين فعلى سبيل المثال هذه برشلونة معظم لاعبيها هم من المدرسة الكاتالونية ومع هذه المدرسة احرز برشلونة عدة القاب في الاونة الخيرة فالريال يجب ان تطور مدرستها الكروية لأننا نرى الأن ان اغلبهم اجانب وكل سنة عم يبدلو و يغيرو بالاعبين والمدربين

يعني معليش يا أخ حسين بتمنى أنو تزين كلامك وتعرف شو عم تحكي قبل ما تخبص
لأنو برشلونة مدرستو ما عملت شي إلا بآخر موسم أو موسمين
ولما بدنا نحكي عن المواهب ومدارس الأندية الريال وبرشلونة بيصفو على جنب لأنو مافي مجال للمقارنة مع مدارس الأرسنال و مانشستر يونايتد.
وفي نقطة مهمة كتير أنو النوع أهم من العدد يعني بيكفي أنو حارس من تقل ايكر كاسياس هو خريج لمدرسة الريال وكمان أربيلوا وكمان كان غوتي و راؤول الله يرحم أيامن خاصة راؤول لأنو أعظم لاعب بتاريخ اسبانيا وانتبه أنو هادا الحكي مو من عندي هادا كلام مدرب برشلونة غوارديولا اللي كان زميل راؤول بالمنتخب وإذا مو مصدقني فينك تغوغل الخبر

شكرا دوفان الغالي ع الخبر

عفواً صحيح أنو الحوار إسباني إسباني بس لازم أتدخل منشان مورينو الشبح الصامت اللي مفكر حالوا شغله كبيرة بقى وقال بدو يأخد دوري أبطال أوربا ياااااااااااااااااااااااعمري م ابيييييييييييخ كلاموه قلو يروح يزبط مخدتو وينام كنوا عماليهلوس لك وين راح البايرن ياعمري!!!
وقولولو سلفا أنت فاشل

1. الحوار إسباني إسباني

أهلا وسهلا فيك حبيب

2.مورينو الشبح الصامت

يعني والله هي سمعة جديدة ومن علامات نهاية العالم يعني أول مرة بسمع واحد عم يقول عن مورينيو أنو صامت لأنو مورينيو مشهور أنو لتات ولسانو ما بيفوت لحلقو وما بيترك حدا من شرو.

3.مفكر حالوا شغله كبيرة

حبيب القلب ليش مين مفهمك أنو مورينيو شغلة صغيرة مدرب مع هيك انجازات ماحدا بيقول عنو أنو فاشل غير يعني ما تواخذاني اللي ما بيفهم بالطابة يعني 17 بطولة ب 8 سنين يعني تخينة أنو تقول عنو فاشل.

Porto (2002–2004)

* 2002–03 Portuguese Liga
* 2002–03 Portuguese Cup
* 2002–03 UEFA Cup
* 2003 Portuguese Super Cup
* 2003–04 Portuguese Liga
* 2003–04 UEFA Champions League


Chelsea (2004–2007)

* 2004–05 FA Premier League
* 2004–05 League Cup
* 2005 FA Community Shield
* 2005–06 FA Premier League
* 2006–07 League Cup
* 2006–07 FA Cup


Internazionale (2008–2010)

* 2008 Supercoppa Italiana
* 2008–09 Serie A
* 2009–10 Serie A
* 2009–10 Coppa Italia
* 2009–10 UEFA Champions League



4. قلو يروح يزبط مخدتو وينام

والله ياغالي ماني عسكري عندك اذا بدك يا يروح ينام قللو أنت

5.لك وين راح البايرن

بظن أنو هي صيغة سؤال ورح جاوبك عليه والله البايرن ع قولة المصريين راح في (ستين داهية)

6.وأنا كمان عندي سؤال الك يا ترى فيك تقللي مين اللي روح البايرن في ستين داهية ؟؟؟؟

والله يا غالي بلا موخزة يعني هي شغلة الفهم اتركها ع طرف
واللي طالع البايرن هو الأنتر مو مورينو بعضلاتو بس إما أنو يسوي من فريق ريال مدريد فريق
فهي مستحيلة لأنو تاريخه مع البايرن معروف ولا اذكرك .... ع كلن فيك تراجع عدد لقائتهن وتحسبه مين الفايز أكتر ...
تانيا : البايرن كان بالمبارة النهائية -ولانسيت- ويمكن بحقلو يحكي مو الريال..هاهاهاهاهاهاهاهاه
تالتا : انا قلت كلمة فاشل جواباً ع كلاموه ..."قال المدير الفني لريال مدريد الإسباني، البرتغالي جوزي مورينيو أنه سيعتبر عدم الفوز ببطولة الدوري الاسباني أو دوري الأبطال خلال موسمه الأول مع النادي الملكي بمثابة " الفشل .." ok ياروحي
رابعاً أنا مابنكر ع مورينو تاريخو ولكن تاريخ الريال...!!!ما بيديصلحه هو!!

مشكورين جميعا ع الردود.
بس بحب قول أنو اللي قالو راموس صح 100% وإذا مورينيو فاشل فمين ناجح!
عجبتني شغلة الستين داهية .... إجت بمحلها
ولولا مورينيو ماكان الأنتر بيحلم بنصف النهائي"باعتراف جماهير الأنتر المتعصبة"
ولتعرف مين الريال وشو سياستو تفضل على قسم الرياضة العالمية بتلاقي الجواب.

بأمر عيونك رح نترك الفهم على جنب.
بس يعني خدني ع قد عقلي و قللي كيف مورينيو ما إلو علاقة بفوز الإنتر يعني بالمنطق اللي عم تحكيه بصير الركاب هنن اللي عم يمشو السرفيس مو الشوفير (أنا حطيت هالمثال لأنو نحنا اتفقنا أنو نترك الفهم على طرف) يعني وإذا كان البايرن بالنهائي شو هالسبق الخطير يعني كتير فرق وصلت عالنهائي من قبل متل فيورنتينا-بنفيكا-سلتيك-أجاكس-باناثينايكوس-سامبادوريا-أستون فيلا-بورتو
رح وقف عد هون وقلك يعني هي فرق صغيرة نسبيا ومع هيك وصلت ع النهائي وآخر تنين تحديدا فازوا عالبايرن بالنهائي
أنا ما رح أرجع للتاريخ وعد إذا بدك أنت رجع بس بما أنو نحنا ولاد اليوم في مباراة ودية آخر الشهر بين الريال و البايرن بعتقد ممكن تحسم النقاش .


حبيب القلب أنا ما بعرفك ولا إلي تار معك بس إذا كنت بتكره حدا ما معنى هالشي أنو تهمشوه وتلغيه يعني أنا رح كون مجنون بشهادة مختومة إذا قلت عن البايرن أنو فريق صغير أو فاشل لأنو بايرن كان ورح يضل من أكبر وافضل فرق أوروبا وغصبا عن راسي بس المشكلة أنو الناس بتحكي على الوقت الراهن وبتنسى الماضي والمستقبل
ومعلومة صغيرة السنة الماضية أنا كنت مع البايرن بالنهائي لأنو مستواهم كان الأفضل بكل البطولة.

دوفان الغالي شكرا إلك والله لا يحرمنا من طلتك.

هو أنت أفحمتني وأنا آسف إذا زعجتك بس هيك عندي إحساس حماسي منشان شجع البايرن و آسف لأني مابحب الريال بس ما راح ألغيه أبدا لأنو هو موجود متل ماقلت غصب عن الكل بس إنشاالله تخسروا وما تبقى ترفعوا راسكن قدام البايرن

و يمكن ما بقول متل الحكماء بس يمكن انا احسن منهن بحكي ...
و الله لازم ماتكون حياتنا رياضة بس لازم يكون عنا أحلام وأفكار غير الكل و منبقى نحن وقتها الي منصدر لهالعالم الهوس اللي ع بيهجم علينا عفوا أنا ما بعرفك ولا بعرف عنك شي ولا تاخدا مني عاأسس فهمني و العيذبالله باي