والله اضطرينا نقوصو !!!!

الأول : كيفك يارجل وكيفو ابوك انشالله تحسن صارلي سنين ما شفتك

التاني : انا ماشي حالي الحمد لله بس الوالد عطاك عمرو

الأول :العمر إلك بعرف كان عندو القلب يالله الله يرحمو

التاني : بس والله ما مات من القلب

الأول : كيف توفى

التاني : الله يرحمو بآخر فترة ضعف نظرو كتير مرة طلع عالبلكون ما شاف الحفة وقع وبتعرف بيتنا تالت طابق

الأول : له له على هالموتة ، بكل الأحوال الله يرحمو

التاني : والله تعذبنا فيه كتير وعملنالو شي 12 عملية لتحسن

الأول :لكان كيف توفى

التاني : صار يحمل عكازة ومرة عم يقطع الطريق سيارة مسرعة خبطو

الأول : يه يه الله يرحمو

التاني : ربك رحيم كان فيه ابن حلال حطو بالسيارة ولحقو عالمستشفى بس النزيف الداخلي كان رهيب

الأول : الله يرحمو بكل الأحوال

التاني : بس سفرناه على فرنسا وضلينا شي 6 أشهر عم نعالج فيه والحمد لله تحسن

الأول : طيب كيف مات

التاني : صار معو فشل كلوي حاد وصرنا ندور على متبرع كلية وتأخرنا وصار معو تسمم

الأول : الله يرحمو ارتاح

التاني : بالصدفة إجا شخص بيعرفو من زمان تبرعلو بالكلية بآآآآآآآآخر نفس

الأول : لكان كيف مات

التاني :والله مرة بالبيت وهو قاعد ما انتبه عالغاز احترقت الشقة وهو لحالو فيها

الأول : يالطيف على هالموتة ما أبشعها الله يرحمو

التاني :بس والله جارنا الله يجزيه الخير كسر باب البيت ولحقو بآآآآآآآخر لحظة

الأول : لك فهمنا كيف مات


التاني : والله اضطرينا نقوصو !!!!

يالطيف شو تعذبو فيه
الله...........يرحمو

شكراً سيرجيو

شايفة قديش تعذبو فيه
آية شكرا عالمرور الحلو