1_البرازيل: سنة 724 لما كانت سوريا محتلة البرازيل كان الجيش السوري يستخدم سيارات الزيل بالتنقل ولما كانت سيارات الزيل تمشي بالشوارع كان الشعب من خوفن يركدو ويصيحو برا...زيل (يعني بالشارع عبتمشي سيارة زيل)
ومن هنا جائت تسمية برازيل
2_الارجنتين:هادا يا سيدي سنة 643 كان الشعب الارجنتيني بموت بالتين فلما كانت السفن السورية تروح لهنيك محملة باطنان التين كان كل الشعب يطلع عالشواطئ ويصيحو اجا التين بس كان في واحد من فرحتو يقرط نص الاحرف يصيح ارجنتين
ومن هنا جائت تسمية ارجنتين
3_شيلي:سنة 513 راح المطرب سمارة السمارة لهنيك وغنا غنية شيلي شيلي يا عيني شيلي وصلي الصبح ودعيلي طار عقلو زعيم الشعب وقتا بهالغنية وحلف بالطلاق ليسمي دولتو شيلي
ومن هنا جائت تسمية شيلي
4_سويسرة:هادا عام الف الا سنتين لما كانت سويسرة تحت السيطرة السورية كنا مسمينا ابو سويس حتى مشان تسدقو روحو سألو مطعم ابو سويس باللادقية بقلولكن انو صح
بس لما تحررو تفرعنو وما عاد يعجبن ابو سويس قامو اجتمعو وقلبوها لسويسرا
ومن هنا جائت تسمية سويسرا
5_الصين(شاينا):سنة 433 راح وفد سوري عهديك المنطقة قام علق الزعيم الصيني مع الزعيم التايواني طبعا كانت اسمائن غير هيك المهم علقو مين بدو ياخد الوفد السوري
ويشربو شاي المهم حلو المشكلة وبما انو الزعيم الصيني كان اكبر بالسن قرر الوفد السوري يشرب الشاي عندن وكتر ما فرح الزعيم طلع لبرا وصار يصيح شاينا شاينا وصار الشعب كلو يرد ورا شاينا شاينا
ومن هنا جائت تسمية الصين شاينا بهالاسم
وعلى فكرة لهلا علقانة بين الصين وتايوان كرمال كاسة هالشاي للوفد السوري
حاجة اليوم خمس دول بعدين بكمللكن
ملاحظة:هي هيي اصل التسمية و في وثائق بهالشي
سوسن 
نحنا الأصل يا أخي مبينة اسماء سورية بحتة وخصوصي شيلي وشاينا 
