ريال مدريد يتفوق على بايرن ميونيخ بركلات الترجيح في مباراة تكريم فرانتز بيكنباور

شكرا عالخبر سوسنة بس هي ودية يعني البايرن ما فرجاهن العين الحمرا للريال

مشكوووووورة

منور نضالو
والحق ينقال البايرن كان الأفضل
وكاسياس هو نجم المباراه وسبب فوز ريال

شكرا سوسن

كاسياس كالعادة كان عريس المباراة وملكها.
الفريق نصو جديد مع مدرب جديد وبدهم فترة لياخدو على بعض.
أهم شي أنو مورينيو سواها مرة تانية وقهر البايرن وديا وبأرضو بعد ما قهرهم بالشامبيونز.

نضالو شو عين حمرا ماعين حمرا شو نسيت أنو البايرن صار معاهم قصر نظر و انحراف وتيرة وعمى الوان على كتر مابكوا بعد ما خسرو الشامبيونز ويادوب عم يطسو قدامون.

سيرجي

اقتباس :

الفريق نصو جديد مع مدرب جديد وبدهم فترة لياخدو على بعض

هي حجة اللي مالو حجة و يا خوفي تطول هالفترة

لا تفهمني غلط ما في شي شخصي الله وكيلك بس و الله ابطيقو للريال بحب راموس و كاسياس و بس

حبيبي نضالو بلا مواخذة محدي سألك إذا بطيقو ولا لأ يعني أول شي نحن مانا مضطرين نتحجج لأنو نحن ماخسرنا
بعدين البايرن لعب بنفس طقم اللعيبة اللي لعب ضد الأنتر بالنهائي ماعدا روبن المصاب اما الريال فكان فيه كاناليس وبيدرو ليون و سامي خضيرة و أنخل دي ماريا و ريكاردو كارفاليو وهدون بدين فترة تيآلفو ع بعض غير شغلة أنو المدرب جديد وخططو و تفكيره جديدة عاللعيبة وبدو فترة تيفهمين طريقتو
وعراسي أحلى نضالو

بجوز وااااا غالي

بتمنالك التوفيق الك بس ما للريال

سيرجيو
و
نضالوو
منوريييييييييييييييييييييييييييييييييييييييين الموضوووووووووووووووووع
وبتشكركم ع المتابعه
مومهم نحب نفس الانديه المهم حبنا لبعض>>>حاج تتفلسفي

يا الله مأحلاكي يا سوسنة ما بتعذبينا ابدا بالرد

عم امزح بالعكس نحنا خوة كيف لكن بكرا بس يبلش الدوري اي والله لتسمعي عياطنا انا و سيرجي يوصل للسعودية و خاصة اذا لعبت الروما و الريال بدوري الابطال

اي منيح قلتلي من هلأ
مشان احكي لسومر يعمللكم باند لبين ما تخلص المباراه
هههههههههههههههههههههههه
منور نضالو وبتشكرك ع المتابعه

مبروك للملكي ومتل ما قلتو فريق نصوجديد تقريبا ومع هيك فزناعلى عملاق بافاريا وعلى أرضو كمان.....
اليوم في مباراة لبرشلونة مع أشبيلية ببطولة رسمية"كأس السوبر" لنشوف آخرة هالتحضيرات الخرندعية لبرشلونة مع فرق شرق آسيا الضعيفة لاستعراض العضلات فقط لاغير.

مشكورة سوسن ع الخبر.

الشكر الك
دوفان
ع المرور الحلو
واكيد الف مبروك للملكي

صحيح البايرن صار معهم قصر نظر لانهم خسروا نهائي الابطال بس على الاقل كانو بالنهائي وما روحوا من دور ال 16 على كل حال انا بتشكرك سوسن وانا بيعجبني انو في بنات بيهتمو بالرياضة

اهلا وسهلا فيك بالمنتدى

متل ما بيقولوا القناعة كنز لا يفنى ونحنا فريقنا شبعان بطولات ومو بحاجة ومنوزع بطولات على بلد.

والريال سيد أوروبا غصبا عن اللي بيقول يس وعن اللي بيقول نو.

بعدين كل العالم بتوصل عالنهائي أياكس بورتو موناكو استون فيلا باناثنيكوس كلن فرق صغيرة ووصلو عالنهائي دخلك كم سنة ضل البايرن يعاني لوصل عالنهائي

نحنا طلعنا من دور ال16 لأنو ما اقتنعننا بمستوى الفرق المشاركة ولولا أنو رئيس الاتحاد الأوروبي ميشيل بلاتيني حلف علينا وانفجع بولادو أنو نضل بالبطولة لأنو رح ينخرب بيتو وتبطل العالم تحضر الشامبيونز وحياة الله كان طلعنا من دور المجموعات.

سيرجي

اقتباس :

ولولا أنو رئيس الاتحاد الأوروبي ميشيل بلاتيني حلف علينا وانفجع بولادو أنو نضل بالبطولة لأنو رح ينخرب بيتو وتبطل العالم تحضر الشامبيونز وحياة الله كان طلعنا من دور المجموعات.

هههههه اي بشرفي متل ما قلتللن للشباب ليش صار بايطاليا هيك بكأس العالم لانو كمان جوزيف بلاتر انفجع بولادو نشان نضل بالمونديال بس يا اخي هادا مارتشيلو ليبي عنيد كتييييير

احلى سيرجي

لكن لكن القلوب عند بعضها واااا غالي

كاسياس تاج راسنا
بس اللاعبين الله يعطيهن العافية ما اصرو
استفتاحية مباركة انشالله
والخير لقدام
:*332*:

Dark lady
منوره الموضوع
والله يسمع منك يارب

الشكر الك
نجوى
ع المرور الحلو
وممكن بالشوط الاول البايرن كان الأفضل
بس ريال كمان قدم شوط تاني حلو