منتدى احتفالات الطلاب الراسبين ........تقبل التهاني من الطلاب الناجحين

أولا مرحبا للكل وبعتزر لاني غبت فترة عنكن بس الخبر السعيد تبع رسوبي صدمني خصوصا اني كنت متوقع اترفع
تانيا بحب هني كل اللي ترفعو انا عرفت منهن رورو وسويتي ودارك هكتور ومينيرفا وحمشو وكل اللي ترفعو بقلن الف مليون مبروك وعقبال تخرجكن جميعا وعين الحسود فيها عود من عيني اولا هههههه ومن عين كل واحد حسود
تالتا هادا الموضوع مخصص للطلاب الفاشلين الراسبين امثال صاحبكن علوش طبعا يعني الراسب يفش خلقو هون
مو قاهرني يا جماعة غير هالمنهجية لما قالت رورو انو التصليح نار وما حدا ناجح الا القليل وقالت علامتها قلت مستحيل انا بنجح فيها كاتب كتابة منيحة بس قلت بجوز تطلع 50 بما انو التصليح كان صعب والحمد لله طلعت راسبة
بهالمناسبة حبيت سمعكن هالقصيدة الحلوة يا ريت الكل يقراها كاملة لانها فعلا بتعبر عن حالتنا شكرا الكن

أقول وللغيظ فيّ احتـــدام .....يطول عن الجامعات الكلام
فمن أين أبدأ مــــاذا أقول...... ومن أين آتي بمسك الختــام
فلامسك فيها سوى ريح عطر.. بثوب الغواني لجلب الزكام
وريح طلاء بوجـــه لعوب.... كريح مبــيد لسحق الهـــوام
ولون الطلاء عراه اختلاط.... كألوان رسم محاها غـــلام
ترى الناظرين علاهم ذهول... بروعة مكياج عصر الغرام
ويلـــهب غيظي ذكر مواد.....تطير من الجفن طيف المنام
فرؤية حجم الكتاب المقرر.... تكــــرّه نفسي لذيــذ الطعــام
فكيف وقد زيد بالملحقـات.... وزاد الــــبدانة حشو الكـــلام
ومن فرط حبّي لتلك المواد ...غدوت عليـلا وأشكو الهيــام
فطول النّهار أحــادث نفسي... سبتني الدّروس فكفّ المـلام
واسكت حينا سكوت محب ...فلي في حديث الحبيب انسجام
حبيبي سمج بغيـــــض ثقيل.. فيــا لهنــائي بــــهذا الـــغرام
تحلّى بأخـــلاق دبّ بليـــد... فأورث فيّ عضـــال السقـــام
وفي الامتحانات غمّ طويــل.... يدوم لشهر كــأنّه عـــام
وقد سُدّ درب الوصول إليها.... فثلج الدروس عليه ركام
وزادي فيها عصـــابة رأس... عقاقير أيضا لجلب المنام
وخافض ضغط عدا الأسبرين ..وباعث شهوة أكل الطعام
وعلبة أقراص مـانع حمل.... ليبقى نجاحي رشيق القوام
فحمل المـــواد يعلّ الفــؤاد...... ويلتهم الــوقت أي التهـام
وللشــــــــافعية رأي دقيق....... وألمح فيه ذكـاء الإمـــام
فقالوا بتحديد أطول حمل........ بعامــين تُتلى بعــام وعام
كذاك سنيّ الـدراسة أربع ........أراك فهمت مراد الكــلام
أقــارع جيش الهموم وحيدا...فبـــيني وبيــن الهموم التحــام
فمن شدّ شعر لتمزيق ثوب.. ومن رمي نبل لضرب الحسام
فمن ذا يطيـق نزال الهموم... وكيف الصمود بدون انــهزام
بعد امتحاني أقمت عزاء ... عســاه يكون لجرحي التئــام
فإن البشــــــــائر زُفت إليّ.. تقول بـــأن النجـــــاح حرام
تجرّعت إذ ذاك نخب الغموم. واُسكرت حتى نخاع العظام
فكد ّ الليالي لقد ضاع هدرا ....بلا ضوء بدر بجنح الظلام
فأيّ سباب سيـــثلج صدري... وأي الشتـــائم توفي المقــام
فمن لي بهذا الزمان المقيت.. يكفكف عنّي دموعي السّجام
سـأنهي ولكنني مـــا اكتفيت.. فلم أرم فيهــــن كل السّهـــام
فسحقا وتبّا وسبعون داء.... عســاهــا تكون عبير الختــام

تحياتي علوش
أنا بيشرفني أني كون أول واحد بموضوعك.
رغم أنو هي أول مرة برسب بحياتي بس ماني زعلان لأنو أنا ما درست ولا تعبت السنة الماضية وكلها كانت صياعة.
بس المنهجية عنجد بتقهر لأنو انا كنت مفكر حالي أبدعت فيها وكنت معتبرها أنها رح تعدلي معدلي بس يا حسافة كان توقعي أقل شي 80 بس كيف حطلي 50 مابعرف يمكن لأنو أنا ريالي وهو برشلوني.
نصيحتي يا شباب لا حدا يزعل ولا يهتم لأنو مع مفاجآت جامعة تشرين مش حتقدر تغمض عينيك.
واستغلوا اللي بقيان من الصيف وانبسطوا مشان بعدين ترجعوا فريش واعتبروا الفصل الجاي فرصة لانطلاقة جديدة.
كلمة أخيرة(عسى أن تكرهوا شيئا وهو خير لكم)
يسلموووو حبيب الهارت عالقصيدة الحلوة

انا رح انضم لشلة الراسبين مع اني انصدمت بأغلب المواد اكيد بالمنهجية كتبتلو فوق 80 بس كأنو نسي يصلح الموضوع اللي كتبتو او ماشافو واللغة ف2 رسبت 49 والمسرح 10تخيلو بس 10 مع اني طلعت عاملة ممتاز لو كنت كاتبة بس الاسئلة شو كان حط! الله يسامحهم بس وثانكس عالقصيدة رائعة

و لك والله شي بيجنن لكن عنا مادة الشعر نسبة النجاح فيها 3% ولك وين صارت هي وييييييييييييييين

و لا المسرح و الله ما بعرف شو بدي اكتب لحضرة جناب الدكتور قصدي الوزير

ولا اللسانيات منين جايبين هالمادة و الله ابعرف

عظم الله اجركم شبااااااااااااب

السلام عليكم
انا مختار كلية الآداب
بعرفكو عن حالي
راسب اولى
تالته
و هلق رابعه

و شعاري بالحياة
take it easy

بس بما انو الحكي عن المنهجيه
انا لسا ما قدمتها و لا مره
لأني لهلق ما هضمتها
و لا عرفت عن شو بتحكي
و ما بعرف شلون بدي شيلها

و مشان الرسوب
لا يهمكو يا زملاء
LIFE IS GOOD

هههههههههه
والله اهلين بالشباب
الصراحة بدي قلكن شغلة
انا طلعت من المنهجية ما كتبت فيها ب 25
اخدت 50
وطلعت من اللغة ف1 كتبت فيها اكتر من 70
اخدت 45
الصراحة يا جماعة ما بعرف شو بدي قول
لأنو ما ضل شي ينقال
وهكذا رسبت
بكل الأحوال
الله يكون بعونا جميعا
وموفقين السنة الجاي يارب
عراسي

مشكور cold الغالي
و ما بعرف شو بدي قول
بس الله عالظالم
و hard luck لكل اللي انظلموا

شكرا الكن جميعا عمروركن وان شالله الفصل الجاي الكل بيترفع
شكرا الك دارك هيكتور