مادة الشعر لماهل سودا عندي مشكلة معها

مرحبا وسلام لكل طلاب السنة تانية انا سنة تالتة وحاملة مادة الشعرفصل اول لهلأ مع العلم انه رسبانة بالتالتة بس مافي مرة طلعت من فحص الشعر مسرورة البال وماعم اعرف شو بده الدكتور ممكن حدا يساعدني كيف ادرسها لهل مادة او بالاحرى كيف نكتب بالفحص اخر مرة جاب الدكتور اسئلة بتجنن جاب سؤال شرح ابيات لقصيدة من السنة يلي قبل هو عاطيها السنة يلي قبلها بس ماعطاها بالسنة هي وجاب منها والسنة ماضية جاب قصائد شرح ماموجودين لا بالسنة الحالية ولا يلي قبلها جابها من عنده واجا عالفحص وسالناه شو نكتب بصير تعمل فينا هيك كان جوابه اشرحوا انتو وانا براعيكم بالتصحيح ورسبنا بالاخر بقى والله احترت بهل مادة كيف ادرسها ولا شو اكتبله من وين اخترعله يعني جيب من النت ولا بده كلمات صعبة ولا شو الله اعلم ارجو من كل شخص يعرف الحل انا يدلني حتى سمعت انه بياخد مصاري لينجح الطالب انه بياخد 5000 ليرة بس المشكلة ماحدا عما يوصله والاحلى يوم يلي قدمت المادة شفت اعداد هائلة شيء متل الكذب يلي اكبر منا ويلي اصغر منا ويلي حامل ويلي مدري شو لهيك يلي عنده طريقة كيف اتخلص من هالمادة يجاوب كيف تندرس ومن وين نجيب الحكي ولا كيف نلاقي دكتور

هاي يارا
أنا بعتقد انو الحل للنجاح فيها هو البصم يعني كل ما بصمتي أكتر ضمنتي النجاح اكتر.
انا لما قدمتها للمادة ضليت عشر أيام بالعطلة قبل الفحص عم احفظ فيها يعني حفظت 12 محاضرة متل مو حافظ اسمي.
كمان شغلة حاولي تكتبي على ورقة خارجية كل مقطع شعري مع شرحه لأنو بالمحاضرة بيكونو شارحين كل القصيدة شقفة وحدة.
ولما تكوني بالفحص كتبي كل شي حافظتيه.سلام

اها يعني بس بصم والله بصراحة اقرفتها للمادة هي بكم قصيدة هيك كيف لما نوصل عالسنة الرابعة شو منعمل شيء 30 قصيدة عندهم بس يعني مادور بالنت عن قصائد تحليل الهم وتعليق قصدك انه بس من محاضرات طيب هو بده افكار من محاضرات ولا من عنا ومن شان هالقصائد يلي من برا بجبلي اياهم ولاء واشرحوا لحالنا بقول ممكن نقدر لحالنا نكتب ولا بدور مثلا على كل قصيدة هو عاطيها ممكن يكون تكملة قصيدة من برا عما يجيبها من شان نشرح لحالنا انت الك زمان شايلها للمادة يعني

الفصل القبل هاد
بس بعتقد أكتر شي بيهمو هو الشرح مو التحليل والأفكار يعني هوعم يجيب كم مقطع ولازم الطلاب يشرحو
والقصائد اللي من برا الكتاب عم يكون الها شرح بمحاضرات مكتبة العلوم
والمحاضرات الموجود شرحها نصيحة ما تضيعي وقتك وتدوري عالنت على شرح إلها
طبعا أنا عم احكي من وجهة نظر وتجربة شخصية يعني بجوز حدا تاني مايتفق معي

العبرى مش بالبصم انا حفظان الشعر اكتر من اسمي بس كل مرى متل يلي قبلى رسسسسسبان M.A

هلا انا حملتا اكتر من مرة رح قلك رايي هو صح متل ما قال سيرخيو بدها بصم بس في شغلات لازم تزكريها مثلا اذا ما كان مذكور الشاعر كتبي مين هو وبعدين ركزي على التشبيه والتشخيص والاستعارة وهدول الاشيا يعني وين ما لقيتي هيك شي فورا كتبي ولا تكرري الشي الموجود بابيات اللي عطاكي ياها حاولي تشرحيها وليش حكاها مثلا صورة الامواج والصخور باحد القصائد اول شي بتزكري انو في تشخيص بعدين شرحي انو هو عميشتكي من حبيبتو وانو حتى الامواج والصخور اللي هني اعداء بكون في احيانا بيناتن الفة ومن هالحكي والله نسيت بالزبط بس هيك بتزكر وكمان بقولو انو لازم تكتبي سطر اي سطر لا وان شالله بتشيليها

more failure students = more money for his pocket
you know that they take 8 Liras per pamphlet
the last thing they care about is their duty

اختي الفاضلة
انا متلك سنة تالتة ورسبت بالتانية والتالتة يعني هالمادة رح قدمها بكل فخر هالفصل للمرة التاسعة وكل مرة بقول هالدورة وما عم تنجح معي
يعني وصلت لمرحلة صرت حس الامتحانات بلا مادة الشعر مانها امتحانات انا ما قادر اخدمك بشي معين بس لا تحاولي تحفظي ولا تبصمي هاد الزلمة مدري كيف عقلو عندي رفيقي اخد عندو 89 ولما سالتو كيف قللي انا نفسي مستغرب كيف ما بعرف
بس برايي اتكلي على الله وقدميها الا ما تظبط بالاخر وبالنسبة لدفع المصاري اذا حدا بيخدمنا يقول لو برسالة خاصة بدنا نخلص منها رح صير رابعة ولهلق معي

اذا بحكي يمكن ما تصدقو
بس انا قدمت شعر سنة تانية 3 مرات
اول مرتين عملت فين ممتاااز
وما تركت شي ما كتبتو وبتفاجأ بعلاماتي انو يا 25 يا 30
الفصل هاد قمتا والله وكيلكن اذا ستي بتعرف شو كتبت انا
انا بعرف شو كتبت
بتفاجأ اني بشيلا رغم اني متأكدة مليون بالمية من الرسوب
تبع السنة التالتة نفس الشي
اول فصل قدمت وعملت كتييييييييير منيح
ما شلتا
فصل تاني قدمت مع الحملة وكتبت اسوأ بكتير من المرة اللي قبل
وبكل بساطة شلتا
بقى ماهل السودة في قانون لازم تتبعو معو
شلف تربح
ومالك غيرو
لانو تصحيح مافي

ولك اااااااااه ياجماعة والله هي خامس مرة بقدمها وبكتب كتيييييييييييييييييييييير منيح ولهلأ ماعرفت شيلها
عم ندرس الاصعب ومننجح وهالشعر ماعرفنا نشيله بصراحة عم فكر اطلع عند الدكتور واساله شو بدو بالضبط لنكتبله شو رأيكم بتشجعوني ولا بلالي هالبرخة والطلعة؟؟؟؟؟؟؟؟؟؟؟

الصراحة يا جماعة وبلا شوفة حال انا بحياتي ما رسبت بمادة الشعر وانا هلأ سنة رابعة .... وكنت دايما شوفها مادة مساعدة ... بدها بس شوية تركيز و النوط اكتر من كافية

شكرا للمرور جميعا وللمساعدة وبعتذر عن تاخير في الرد بس بالنسبة لروس والله بشجعك انك تطلعي عند ماهل سودا وتشوفيلنا شو بده البرنسيس لانه فقعت مرارتي منه ومن هالمادة وكلياتنا الهيءة بالهوا سوا وانا الاحلى مامنطقية سافر واقطع مسافات لاجي بشهر 1 عالفحص بس من شان مادتين ويلي منهم شعر يلي ماعما تنشال على كل موفقين للجميع ويلي بيسمع اي شيء عن الاستاذ شو طلباته شو بدنا نكتب او حتى ياعمي مصاري يخبرنا ياريت لو برسالة خاصة انا بايد لاحمد بهل موضوع ومرة تانية شكرا للجميع على المرور

الله يبشركن بالخير ما عجبكن تحكو لحتى صرت سنه تانيه
وماهل السودا عم يعطينا الله يستر شو رح يصير فيني
لانو كلامكن الصراحه بخلي الواحد يتفائل

رجاء للمرة الثانية

يلي بدو يعطي رأيو بأي دكتور الرجاااااء يعطيه بموضوعية بدون اساءة