مادة علم لغة فصل اول

مرحبا ياجماعة اهني كل الاعضاء يلي ترفعوا هالسنة وعقبال عنا نحن الراسبون واريد ان اطلب من كل شخص عنده مادة علم اللغة انا يشارك بالحديث انا عندي علم لغة فصل اول والتاني بس مشكلة والله قدمت علم اللغة فصل اول وكنت عاملة تمام بس رسبني بالمادتين جايبة ب تلاتينات الصراحة مابقى اعرف شو بده اسءلة دورات ودرستها محاضرات ودرستها ومن الكتاب اطلعت وما نجحت ماعم اعرف الا ما لاقي بالاسءلة اشياء من برا جايبها ماعم اعرف من وين الحقيقة عما يجيب اتمنى من كل شخص نجح بالمادة عن جديد بهذا نظام الجديد بالاسءلة انه يشارك برايه او شو عمل لحتى نجح لو 50 نجح بس لحتى كل شخص رسبان عبهل مادة يستفيد بالمرة قادمة ويشلها ان شاء الله هالفصل

يا ستي إذا الدكتور نفسه بيقرا محاضراته وبيقدم فحص بأسئلته هو ما رح يشيل المادة.
يعني طول السنة بيقعد يحكي على شغلات بايخة وبيشرح بالعربي وآخر شي بروح بيجيب اسئلة ما إلها علاقة بكل اللعي اللي كان عم يلعيه طوال السنة وبيكون ناسخ الاسئلة من شي موقع أجنبي عالنت.
أنا قررت أنو اقرا الكتاب كلو بدون المحاضرات لأنو ماعم يجيب شي منها.

بس بدك الصراحة انا بطلع من الكتاب وبجيب من برا حتى بطلع على تعاريف باخر الكتاب عالفاضي لهيك متمنية بس حدا يكون يكون شال مادة من دورة او دورتين بس ليجاوبنا بس بفهم من حكيك انت عندك بس تعيت فصل اول وعلم لغة فصل تاني شايلها وكيف شلتها اذا نجحان فيها

لا والله أنا عندي التنتين

عن انو سنه عم تحكوا؟؟؟؟؟؟؟؟

ماشاء الله تنيناتنا بالهوا سوا اشتهيت حدا يشيلها على نظام هالجديد باسءلته عن جد نفسي اعرف من وين بيخترعها والله نكشت الكتب :suspect: لا وكل دورة بتلاقيه جايب شكل ومغير عما نحكي 3esamo عن سنة تالتة علم لغة فصل اول وتاني ان شاء الله تكون شايلهم

اي و الله شايلهن و عالنظام القديم ايام ما كان اتلواح اذا قرا اسئلة الدورات بس يشيلهم

موفقين يا جماعه

يا شركائي في المعاناة

ايها المعذبون في الأرض

يلي بحاجة لاي وراق متل اسءلة دورات علم لغة انا جاهزة اي شيء ممكن نزلهم عالنت

لك والله طلع على لسانا شعر ونحنا نحكي
انا كمان معي اللغة الفصلين
وحطلي باللغة فصل اول 3 مرات 45
يعني طق عقلي
انشالله الدكتور يغير طريقة التفكير اللي بتخص الأسئلة
لأنو نحنا ما طلاب عايشين طول عمرنا بلاد برا
وهالأسئلة بتوقع مالها صلة بالمنطق
قلنا أمرنا ل الله و قبلنا فيها و ادرسناها
بس ليش ما عم ينجح طلاب ما بعرف
بكل الأحوال موفقين جميعا

يارا أنا شلتن من اول دورة وبعلامة ماشي حالها حولي تأريمن الكتاب لأن كتيييييييييير بيجيب منو وخصوصا الglossery باخر الكتاب وحاولي من اول السنة ترتبي معلوماتك ولا تدرسين بشكل عشوائي لان المحاضرات كتير مفشكلة وموفئة انتي وكل يللي حاملينن وفي مدرسة شاطرة كتير هي جانيت بالأميركان بنصحك تحطي عندا وموفئة مرة تانية

أنا شلت المادتين
بس لا تفهموني غلط أنا شلت المادتين من عالطاولة ولحشتن عالعلية لأني يئست منن وجربت كل الطرق والوسائل

شكرا كتير minirva انا سمعت عن هالانسة جانيت بصراحة سمعت عنهاكتير بس عن لغة عادية مابعرف بعلم لغة اذا بتعطيها والمشكلة مابعرف اذا في حدا شال مادة عندها بهدا النظام الجديدوشكرا لك وكل يلي عما يساعدونا

و الله الصراحة انا درست من الكتاب و ركزت بالمحاضرات عالشي اللي ما موجود بالكتاب
بس
و ما شفتها صعبة و الفصل التاني حضرت محاضرة وحدة بس لانو المحاضرات متل قلتن
و شلتن تنيناتن الاولى بالسبعين و التانية بالتمانين
و بعتبرها مادة سهلة بس دكتورها ما منيح بالمرة
موفقين جميعا

شكرا كتيرdarkhector انا مشكلة تعيت فصل تاني ماعندي حلقة بحث وتعيت فصل اول جاب اسءلة غيرتصحيح الجمل والله ماقدرنا نكتب هالاسءلة لهيك بس الاغلب اسءلة تصحيح الغلط كل مرة بغير بدور من كتاب والنت ومابلاقي يلا بعين الله

و الله كلامكم كله صحيح معاناة فعلا قدمت لغة فصل اول عند مجد رنجوس بس و الله طلعت روحي دراسة بس و الله شلتها 52 من أول دورة بس عند ناصر عبد الحميد ما بعرف كام دورة طرائق تدريس عنده ما عم شيلها و الله ما بعرف شو الحل و الله أكثر من 6 دورات و ما عم بنجح و الله صار معي إكتئاب نفسي و الله و هلق رجع مجد رنجوس و الله محاضراته فايته ب 100 حيط و خايف ما تتكرر تجربة الفشل و فعلا الأخت يارا معها حق الله يرحنا و يرتاح كل واحد واقف تخرجه قولوا آمين

انا شلتن تنيناتن مع إنو ماحضرت إلا كم محاضرة بس درست التعاريف والكتاب كلمة كلمة بصمتو ع فكرة لازم تفصفصي الكتاب فصفصة إذا صح التعبير لتعرفي منين ناكش هالاسئلة في بالكتاب صور تحتا مكتوب جمل جايب منا فتخيلو التعجيز وموفقة لازم تدرسي منالمحاضرات الاشيا اللي ماموجودة بالكتاب ومن الكتاب الاشيا اللي مارر علين مرور الكرام لانو متل ما بتعفي محاضرتو كلا اكل هوا وانا برايي لازم يكون معك حلقة بحث وموووووووووووووفقة

مزبوط حكيك أخ وائل الله يوفق الجميع بس انا fafo درست من الكتاب وهيك حتى والله بدوحني على قد مافيه حكي وحلقة بحث فصل اول مافي بس فصل تاني بس انا ماعندي بالفصل تاني يلا شو بدنا نعمل مالي غير ارجع فصفص هالكتاب بركي بيمشي الحال هه

ولله ماتركنا شي وما درستو ورسبني

ولله ياصديقتي انا عندي اللغة ف1 هي خامس دورة بقدمها شو بدو ماعم اعرف بس السوال بدو يجيب اسئلة بلدورة الاستثنائيةلغة ف1 أتمتة ولا عادي؟؟؟؟

Those doctors are greedy 4 money
every failed student = 8 Liras

The percentage of failure wouldn't be that high if they aren't given money for correcting

f**k them

انا عندي لغتين حملتون علما اني درست اللغة فصل اول منيح وكتبت منيح وكنت متوقع انو تكون علامتي 70 وتفاجات لما عرفت انو علامتي 22 والله يشهد اني قدمت منيح لكن ما عارف شو قصة مجد رنجوس حسبي الله ونعم الوكيل

بتعرفي شو ؟؟؟؟
قدّمي المادة واطلعي من القاعة آخر وحدة يعني ورقتك رح تكون أول ورقة من فوق منشان يصحح الاوراق الاولى بمزاج متفتح أمّا الاوراق الاخيرة بيحطلّها علامات منخفضة لأنو بيكون ملّ من التصليح

انا برايي انو عيب نحكي ع الدكاترة بهالطريقة لانو قد ما كان بتمو دكاترة ولازم نحترمن وتخيلو مثلا انو واحد منن دخل ع امنتدى وشاف هيك حكي ؟؟؟؟؟؟؟؟؟؟؟؟؟



يعني انا بظن انو المنتدى منشان نحل مشاكل ونساعد بعض مو منشان نشتم ولا شو رأيكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


نحنا عم ندور ع حل والحكي ما منو فايدة يمكن فشة خلق بس هادا ما بيكفي لننجح لازم نعرف اصل المشكلة لنعرف شو الحل وبتمنى انو نتساعد

انا كمان عانيت متلكون باللغه ولسا عم عاني
انا طالبة سنه رابعه
قدمت اللغتين تبع جلال بالفصل الاول هي السنه
والتنين قدمت فيون كتير منيح
ومع هيك رسبني بلغة الفصل الاول
وشلت لغة التاني 72
بس مافيني فيدكون بشي لان بصراحه
مانفعني شي غير حل اسئلة الدورات
والتعاريف يلي باخر الكتاب
انشالله موفقين يارب