الاستحمار

أحد الفنون المستخدمة بشكل كبير في أيامنا الحاضرة

وهو من الفنون التي لا تحتاج إلى مهارات خاصة سوى مهارة الغباء ومهارة جناب متل الطناب

وفي ما يلي بعض الأمثلة عن حالات الاستحمار :

# واحد ما بطيئك و بيحكي عليك وين ما راح ولما بشوفك بيبتسملك وبيألك.... اشتئنالك ولو وين هالغيبة ( مستحمرك )

# مسؤول غابب خيرات الله وناصب على نص البلد و قايم فازز على حيلو ....بدو يكافح الفساد ( مستحمر الشعب كلو ) ..... كافح سيدي كافح

# صبية كتير كوول ماعطة خلئتا ولابسة كتير كلاس وعم تتفتل بنص الأميركان رايحة راجعة ... بس كتير متدايئة من تطليعات الشباب ( العمى بعيونهن هالشباب شو أليلين حيا ) .... ( هي مستحمرة حالها )

# دولة على جهات المحيط الاطلسي أول حرف من اسمها أ وممفكرة حالها عم تنشر الديمقراطية (مين مستحمرة هي يا حزركن)

# واحد ركب ريسيفر و حط الدش متحرك .. وبئلك مشان يشوف خطبة الجمعة تبع الأزهر و الحجاج وهنن طالعين على عرفة (استغفر الله العظيم شو بدو يحكي الواحد)

# ممثلة ( مطربة ) عاملة فيلم ( كليب ) إباحي إلا شوي.. ولما بتسئلها عن البلاوي الزرءا يلي بالفيلم ( بالكليب ) بتئلك ... ضرورة درامية ( مستحمرة الفن والفنانين والشعب وحالها و....)

والله معك حق
شكرا كتير عالموضوع

اقتباس :

صبية كتير كوول ماعطة خلئتا ولابسة كتير كلاس وعم تتفتل بنص الأميركان رايحة راجعة ... بس كتير متدايئة من تطليعات الشباب ( العمى بعيونهن هالشباب شو أليلين حيا ) .... ( هي مستحمرة حالها

هههههههههههه حطيت ايدك عالوجع تمااااااااااااام

ملعوبه شريك
حلو كتير سيرجيو

موضوع مميز كالعاده

شكرا لك على الموضوع الناقد للسلبيات اللي بنشوفها بدون تعليق

شكرا إللك آية

نضالو هنت بتكيف بس يكون في بالموضوع سيرة نسوان

عصامو شكرا عمرورك شريك

جوانا شكرا لمرورك الرائع و أكيد هدول الشغلات غيض من فيض

أهلا بمدين أهلا

اهلا نجوى نور الموضوع

مشكور سيرجيو بس عكل حال وئت يفكرو الناس أغبياء بيكونو نسيانين يتطلعوا ويفكروا شو في براسن

مشكورة مينيرفا عالمرور الحلو