برأيكن شباب شو منشان؟

شو منشان بمسلسلاتنا السورية عم تصير((((((الغاية تبرر الوسيلة)))))))
بمسلسلاتنا السورية مو التركية ها انتبهوا
عادي كتير البنت تبيع حالها وشرفها منشان المصاري
عادي كتير تكون المرأة متزوجة وعندا كم زوج للتسلاية وفوقا زوجها هو يللي عم يدلها مين المدسم فين
عادي كتير العادات الغربية يللي هية اذامو حرام عيب وما بتناسبن
عادي كتير كل شي عم يئول للقذارة نحنا معكن
شو رأيكن بالموضوع أنا غلطانة؟؟؟؟؟؟؟؟؟؟؟؟؟؟؟

مينيرفا

قصدك عحلقة و ما ملكت ايمانكم من شوي مهيييييييي

اي و الله شفتا

بس هالفكرة يلي انطرحت عم تصور الناس يلي بيكونو هيك يعني القصد اظهار هيك ناس و كشفهم و هادا باعتقادي طبعا

معك حئ نضالو وانا فعلا بئصد هيدا المسلسل بس وئت مراهق مو وعيان بيحضر ممكن يعمم ونحنا بنكون عم نظلم وعم نحلل والمسلسل بظن لازم يكون للتوعية مو لتسويغ شي تاني وعكل حال انشاالله الناس تفهم رسالتو مو تستخدمها بشي تاني

أحسن ما يعملوا متل المسلسلات و الأفلام المصرية
كلها عن الزواج و الطلاق
مسلسل الحاج متولي المشهور ، و هالسنة صرعونا بعايزة اتجوز و زهرة و أزواجها الخمسة
برأيي ما فيه مانع يحكوا عن هيك شي و ينقدوه طالما موجود

هون بقا صارت مسؤولية الاهل و التوعية مينيرفا

لانو اذا انتبهتي بنهاية الشارة بيحطو (ينصح بوجود الأهل )

و بتشكرك عطرح الموضوع

فعلا ماكنت منتبهة علياومشكور احمد عمرورك

فعلا minirva معك حق .. صايرين كتيير مزودينها .. يعني خصوصا بهيدا المسلسل ..مورجينا انو كل البنات رخاص و قابلين للانحلال .. حتى الشباب .. انو مشان المصاري بيقبل انو يمارس الشذوذ ... كتيير مزودينها

هلق انا ما بنكر انو اكيد في كتير هيك نماذج بمجتمعنا بس لازم يورجونا الشكلين مو بس الوجه السيء من الناس ..

يعني انا بعتقد انو الناس " خصوصا المراهقين " ما بتتعظ من العبرة يعني عادة لما بورجونا هيك شي بكون في عبرة بالنهاية .. بس للاسف الناس بتاخد اللي بدها ياه و بتكب الباقي ...
شكرا minirva

معك حئ ام الرور يعني لو جانبين للحالة ماكنت زعلت ونحنا بنات سوريا مو رخاص لهلدرجة ليورجو الناس هيدا شي شكرا كتييير لمرورك

هو اكيد انعكاس للواقع لي بنعيش فيه
بس متل ماقالت رورو لازم يورجونا الشكلين
والمشكلة متل ماقلتو لازم العالم يفهمو الغلط لا يروحو يقلدوا
شكرا مينيرفا
والله مابقى بنعرف حتى كيف نعيش

انا ما فيني شفت المسلسل..بسانا مع نضال

هلأ ليش لنهرب من موضوع انو فعلا في هيك ناس
وطبيعي تتطرأ المسلسلات الها
لان مارح يجو يحكو عن عائلة عادية وعايشة حياة طبيعية
الناس بتمل
بس وقت بينطرح هيك موضوع رح تنشد الجماهير كلا لتتفرج هي شو عم تساوي
والاهم انو على طول نهاية هيك نماذج بالمسلسلات عم تكون نهاية تعيسة
يعني منقدر نقول انو الناس عم تاخد عبرة بنهاية المسلسل من هيك اعمال

يا شباب
أنا قلتها بموضوع سابق
و برجع بقولها
هاد نجدت أنزور عم يخبص
طرح هيك مواضيع حساسه بطريقه فجه غير مدروسه تئذي مشاعر فئه من الناس
او تسليط الضوء ع مواضيع مثيره لكسب نسب مشاهده بدون اي هدف واضح او معالجه عقلانيه
هدفو الأول و الأخير الكسب التجاري البحت
و لا يقعد يتفلسف المخرج او الممثل و يحكي كأنو معالج نفسي و اجتماعي و جايه يصلح المجتمع و يعالج القضايا الحساسه فيه

هيك مخرجين بيعرفوا من أين تُؤكل كتف المشاهد العربي يللي بينجذب لهيك قصص

مشكوره عالطرح الكتييييير مهم مينيرفا

ايةودارك وهمشو مشكورين عمروركن
بس متل مائال عصام نجدت انزور زودها حبتين وهدفو الأول تجاري