هل تخاف وممن ------ بصراحة------؟؟؟

وليييييييييييييييي خفت وبس
الله لا يورجيكن
-اول سنة بالجامعة ماطلعلنا سكن بسرعة قمنا اجرنا بيت عند وحدة حجية
انا ورفيقتي
في يوم بنص الليل حسينا البيت مو مظبوط (مع انو الحجة كانت كتير منيحة)
سمعنا صوت ولاد صغار بالبيت مع انو ماكان في حدا غيرنا نحن التلاتة
انا ورفيقتي بغرفتنا والحجة بغرفتها
طلعنا عالبرندا لنشوف شوفي !!!!!!!!!!!!!
فجأة
انفتح باب المطبخ المطل عالبرندة (انفتح شوي شوي)
والمطبخ عتمة ومافيها حدا بس الصوت كان منو
ارتجفنا ومسكت فيني رفيقتي
المهم صرنا ندعي لالله ورفضت قول لاهلي لحتى ماينشغلو فيي وما فيون يجو لعندي
انا كنت ميتة من الرعب بس ما كنت بظاهر الخوف
وهديتها لرفيقتي لحتى نامت سا3 بس انا ضليت فكر شوي شوي
وانا عم فكر شفت ظل عالباب
(لمعلوماتكن ماكان في قفل للباب ولما طلبنا قالت كلنا نسوان لشو القفل )
-بس قلنالا لازم تجيب وعلى اساس بيوم التاني-
المهم الظل كان للختيارة
صارت تفتح بابنا شوي شوي !!!!!!!!!!!!!!!
ودخلت عالغرفة
انا تظاهرت باني نايمي وصرت راقبها
وقفت على راسنا وصارت تطلع فينا
فقت وفزيت وقلت بصوت عالي : خييييييييييييييييييير شو بدك
ارتعبت وقالت جاي لاخد بابوجي من الغرفة
وطلعت
ولسا انا عم اتسطح عالتخت انفتح الباب شوي شوي
(احذرو شو كان)





الحجة ما كانت قافلة الباب منيح هههههههههههههههههههه
وهيك لحتى صار الصبح
وطلعنا من البيت بعدها ب5 ايام
بعد ما تقريبا تاكدنا انو البيت مسكون

-المشكلة البنت ضلع مكسور ومافيها ماتخاف بس الحمد لله انا جريئة بهيك شغلات
وبواجه رغم انو الخوف بيكون اكلني اكل من جوا

-بخاف لاني بنت ومو بايدي شي
بس الله كبير وكلنا بحفظه وحمايته

بالنسبة الي ما في شي معين صار معي و خفت بحيث انو اثر عليي كتير لدرجة اني اذكرو

و من اشخاص طبعا و اكيد ما بخاف

و رح جاوب لماذا لا أخاف ؟؟؟؟
ما بخاف لاني بواجه الخوف و بكسحو فورا

و بالنسبة للخوف الحقيقي هو الخوف من تبعات عدم الالتزام بما امر الله عز و جل

مشكوووووووور ابو الريم

يعطيك العافيه
أبو الريم
ع الطرح المميز

-هل خفت يوما ما
أكيد وكتير كمان
2-ممن خفت ذاك اليوم
هو مابعرف ازا شفتو هيك شي بس لما كان عمري 13 سنه في برنامج اجى ع ال mbc
كان بيتكلم عن الجن وحالات مركوبه وكيف طلعوهم منهم
وفي حالات انعرضت وكتير شغلات
المهم طبعا كانت الدنيا المسا وبنات وولاد عمتي قاعدين عم يتابعو وانا قاعده معهم ع اساس كبيره ما بخاف
وصرت صفرا وخضرا وكل الالوان من الشغلات اللي شفتها بس اني قوم ماقمت
رجعت البيت كانت ليله الله لايعيدها احلام وكوابيس وشغلات بتشيب
ضليت اسبوع اي صوت يرعبني
3-هل الخوف من صفاتك
عادة لا
4-لمادا تخاف
الخوف شعور متل اي شعور في مرحله من المراحل لا شعوريا بنحس فيه
يا انو بنستغله للأفضل
يا انو بيرجعنا لورى
وحاليا انا كتير خايفه من الجامعه وجوها وكيف رح تكون

يعطيك العافيه
أبو الريم
مره تانيه

والله يا جماعة انا من لما كنت صغيرة و (لهلق)
بخاف من العيون يعني كل بني ادم عيونو فيها شي غلط
بموتني من الخوف ولحد هلا كل واحد بيطلع نظره غريبة شوي
او بيفتح عيونو انا بخشب بارضي واذا بشهر برجع متل ما كنت بكون منيح
الله وكيلكن صايرة مضحكة بين اهلي بس سبحان الله حاولت كتير اني كون اقوى
من هيك ما طلع بايدي شي بقى شو بتنصحونا

نعم انني اخاف احيانا ولكني اداوي الخوف بكلمة انا لله وانا اليه راجعون.. فالخوف احيانا يكون ابتلاء من الله تعالى..كما اني لما شاهدت مسلسل وادي الذئاب ومسلسل موعد مع الوحوش وامثاله..صرت اخاف من غدر الصديق او من مكر العدو او من فتاة لعوب تبدي الحب والنعومة ويكون غرضها غير ذلك ..او من تاجر يتظاهر بالامانة والصدق ويكون نصابا وما شابه ذلك.. وعلى كل حال احذر عدوك مرة واحذر صديقك الف مرة ..كما يقولون..ولكن العمل والايمان كفيل بمحاربة الخوف ..والتفاؤل بشكل عام خير دواء كما ارى..

كنت
و مازلت
أخاف من المستقبل

الحقيقة ما بخاف من أشخاص لكن عندي فوبيا من شغلتين رح قولهن بس بلييييييييز لا تضحكو عليي
أنا بخاف من الابرة منظرها بموتني من الخوف حتة لو ما كانت هالابرة الي يعني بس حس بوجودها أو انو في حدا رح يعطوه ابرة دقات قلبي بتتسارع و بصير لوني أصفر وبينحلو رجليي
و كتير حاولت اتحدى خوفي تجاهها بس ما قدرت
و كمان بخاف من النحلة لأنو قرصتها متل الابرة

Dove

واجهي خوفك و تطلعي بعيون الشخص و زوريه و قولي بقلبك ( و الله لنتفك تنتيف يا -----) و شوفي اذا ما بتصيري قبضاية

رايا
الابرة و النحلة , و الله فيها فكرةة بس انا بكره النصوحة هي قد النحلة عشي تلت مرات

أنا بخاف من الموت بس مو على حالي على الناس اللي حوالي يعني بخاف افقدهم وما أقدر شوفهم واحكي معن واتناقش أنا وياهم أو أتغالظ عليهم(وخاصة انو عندي تجارب سابقة بهل شي).

نضال شي مرة بدي اعزمك لعنا ع الضيعة لأنو ما فيي غير شي تلات الاف نصوحة

بس أبو الريم انت قاعد عم تتفرج علينا وما قلتلنا انت من شو بتخاف؟؟؟؟

ما بظن ما في حدا ما بيخاف
بس مو كل الأحيان
أنا بخاااااف من النسوان الكبار بالعمر
على قولة آية(الحجيات)

فمن شي تلات سنين
والساعة1 بالليل
كانو أهلي بزيارة ولما رجعوا ضلوا هن والجيران
عم يحكوا عالسهرة وضلوا شي نص ساعة
وهن واقفين عالباب
و بعدها بثواني
صاااااار جرس الباب يرن كتييير :!:
ولما فتحنا الباب شوشفنا يا حزركن :?:



شفنا ولد صغييير كتير
ملفوف بمهاد أزرق
وشكلو هلأ ولدان
كان نحيييييف وعضام وجه بارزة
يعني كان بيرعب


هون تذكروا أهلي انهن شافو
مرة كبيرة (حجية) حاملتو
ويبدو حطتو عالباب لأنها شافت أهلي
قالتلك بياخدو
بعدين أخدنا عالمشفى
وهن اللي تصرفوا
وفوق هاغلرعبة اللي أكلناها بنفس الليلة سمعنا خبر وفاة


عن جد يمكن هي أسوأ ليلة بحياتي
ضلينا شي شهر بنخاف ندخل عالغرفة
اللي حطوا فيها الولد