حل حب الفتاه خيانه لاهلها...؟

ولله هيدا موضوع بيعود لعدة اسباب وهالاسباب بترجع كمان لطريقة التربية للعادات والتقاليد وفي بعض الاحيان للدين

ويمكن الحب هو من ابسط حقوق كل انسان موجود عالارض بس الاهل دائما بيسيطر عليهن خوف كبير ع ولادهن وخصوصا البنات منهن
ع اعتبار انو البنات بيجيبو العار حسب العادات والتقاليد العربية القديمة يلي معظم الاهالي لازالوا متمسكين فيها
ودائما خوفهن ع بناتهن بيخلوهن يعتبرو وكأنو كل الناس وحوش وبدن يبعدو بناتهن عنن
وبنفس الوقت من شدة حرصهن وخوفهن ع بناتهن بيعتبرو حالهن هني الاشخاص الوحيدين يلي ممكن يحددو مصيرها بلانسبة لكتير من المواضيع يلي بتحدد مصير حياتها ومنها الدراسة والزواج
ولما البنت بتحب من دون علمهن وطبعا هي رح تقرر انو بدها تتزوج هالشخص يلي بتحبو ف هني بيحسو حالهن انو في شي طلع من تحت سيطرتن وهاد الشي يلي مابيقدرو يستوعبو ولا يفهمو
وبتبلش المشاكل.............

يمكن طولت بردي بس بصراحة هالموضوع جدا شائك ولو بدنا نحكي بتفصيل اكتر ممكن تاخد صفحات من التحليل والمعالجة
طبعا لأنو في كتير احتمالات واسباب
وشكرا ع طرح الموضوع المميز

معك حق تماما اكيد ظلم انو البنت ماتاخد حقوقها وابسطها انو يدق قلبها بحرية
لأنو بالنهاية البنت كائن حي الو قلب متلها متل الذكر والله سبحانه وتعالى بالاصل خلق البنت عاطفية اكثر من الرجل

وانا قلتلك بردي السابق انو الموضوع بيرجع لكتير اسباب منها وذكرتها
وفعلا من هاللاسباب الطبقية
ف المجتمعات المخملية بتعتبر انو من التخلف انو يمنعو بنتن عن اي شي بدها ياه كرمال البريستيج رغم انو يمكن بداخلهن رافضين
بس الطبقات الفقيرة ف مابيهمن لا البريستيج ولا شي تاني وبهيك بيفصحوا عن اي شي بيرادوهن وبيرفضوا

طبعا هيدا موضوع طويل وياريت بالفعل نقدر نناقشو ونسترسل فيه لأنو موضوع مهم مش تافه

وميرسي نانا مرة تانية ع طرح النقاش الرائع

ولو يا nana ع شو عم تتشكريني انا يلي بدي اتشكرك ع طرح هالموضوع الرائع ومشاركتنا ومناقشتنا بموضوع كتير مهم ويمكن لازم كلنا نعرف رأي الكل فيه

بتشكرك مرة تانية واكيد رح انطر مواضيع حلوة ومهمة تانية منك