ماذا تستعمل للاتصال بالانترنت ؟؟؟

.

أحببت أن أضع هذا الموضوع لأنه هام طبعا للجميع وهو موضوع نعرض فيه ماذا يستعمل أحدنا للاتصال بالشبكة ؟؟

ليكون حوارا نعرض فيه وجهات نظرنا بالموضوع وماهي المشاكل التي تواجهنا ونصائح نتقدم بها لأخوتنا .

تفضلوا بالدخول

أخ نضال كنت اود ان أطرح الموضوع قبل سؤالك لكنني ترددت فشكراً لك .

سأبدأ من نفسي

بداية كنت استعمل الديل أب عن طريق بطاقات الجمعية الافضل - برأيي - في السوق وأعاني من انشغال الخط وبطئه والضغط عليه و و و ...

مع العلم انني جربت كافة أنواع البطاقات - وكلها بهدلة - باستثنااء الجمعية وأسرع نت .

انا لدي خط هاتف أرضي خاص بي ولا أستعمله الا للاتصال بالنت وكنت ادفع فاتورة من 500 ليرة الى 1000 ليرة .

فتفاجئت والغيت الصفر ولكن بقي الحال , على العكس زادت ووصلت الى 1200 ليرة سورية

راجعت المركز فتفاجئت بأن ساعة الانترنت على الهاتف الثابت ب 12 ليرة سورية مع العلم أن اغلب الناس يعرفون بأنها ب 6 ليرات .

يعني انت تدفع الفاتورة التي قد تتخطى الالف - برياحة - بالاضافة الى ثمن البطاقات التي تشتريها شهرياً .!!!!!!!

وهذا أمر غير معقول أبداً .

عندها قررت شراء خط ثري جي والحمدلله ارتحت كثيراً .

ماذا عنكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله هالديال اب هالكني هلك

بطئ و تقطع اتصال و دفع بلاوي عخدمة سيئة

قديش كلفك الثري جي و شو بيطلع عليك كل شهر و قديش كمية البيانات اللي عم ترسلها و قديش عم تضل وقت يعني كل المعلومات من بعد اذن شواربك ؟؟؟؟؟؟

حرام عليك نضالو مصروف ومسخرة ,عالسريع طيارة المسا جيب ثري جي

اليك الخطوات غالي:

1- شوف لتغطية عندك - تغطية الثري جي - اينو احسن السيريتل او م ت ن .

طبعاً لازم تجرب عندك بالبيت يعني حدا عندو ثري جي ويجي لعندك مشان تجرب .

2- توجه الى مركز الخدمة : سيريتل 250 ليرة سعر الخط من دون السيرف طبعاً .

وشهريأً 500 ليرة لطلاب الجامعة حصراً وتحميل 1 جيجا شهرياً أما اذا صرفت فوق المسموح تتحاسب عكل 1 ميغا بليرتين .

السرعة : اب تو 7.2 ميغابت - تصل الى 7.2 ميغا .

السيرف : هو متل الفلاشة بالشكل بتنحط فيه السيم - ثري جي - فيك تجيبو من الشركة او من السوق .
من الشركة : جيد ومضمون وسعره بحدود 3000 ليرة - بأي الشركتين -

لكن العلة الوحيدة أنه لايفعل الا - سيم - الشركة يعني اذا اردت ان تضع سيم ال م ت ن في سيرف السيريتل ما بيشتغل .

وليش هاي سيئة ؟؟؟؟

لأنو ممكن مثلا تصير التغطية عندك بالبيت للشركة اللي اشتريت منها خط بهدلة او ممكن تغير مكان سكنك وبهالحالة اذا احببت ان تحرق السيم وتبدل الى الشركة التانية لا يفعل خطها !!!
يعني حرقت الشريحة وماعد فيك تشغل السيرف الا على شريحة الشركة اللي انت بدك تغيرها

لذلك انصح بشراء سيرف من السوق - هناك انواع جيدة وانواع رديئة - لانه يشغل الشبكتين .

اذا نسيت شيء نضالو اسف انت اسأل وانا بجاوبك .

نسيت أن أقول أن العرض الآن ساري المفعول واللي بحب يلحق حالو بالنسبة للسيريتل اما ال م ت ن فلست متأكداً .

ملاحظة : يتوجب ابراز البطاقة الجامعية او وصل التسجيل والهوية الشخصية .

والله انا اختصرت الطريق وركبت خط IDSL
اريح شي

انا السرعة عندي 265 بس السرعة فعلية لاني اخدة الخط لحالي
وبالشهر 1350 على فكرة التحميل سريع جدا

والانترنت رائع

أنا قبل ال3G‏ ما كنت استخدم النت بالبيت لأنو الدايل-أب بطيئ وأنا ما بقدر اصبر عليه،وأول ما نزل ال3G‏ تبع السيريتايل عملت اشتراك 1 غيغا شهريا وكنت ادفع 1500 ليرة كل شهر بس بعدين عملو اشتراك للطلاب فحولت خطي وصرت ادفع 500 ليرة
أنا ما عندي مودم سيرف بس عندي موبايل n95‎‏ باستخدمه كمودم
هلق أكيد 1 غيغا ما بتكفي بس والخط انا باستخدمو بس للتصفح وأحيانا بلغي الصور مشان ما يروح تراسل كبير وبأكتر الأحيان بدفع زيادة على الفاتورة آخر وحدة دفعت 1300 ليرة
سيئات الخط 1_ أكيد تكلفته المرتفعة مقارنة بحجم الاستخدام المسموح.
2_التغطية بتختلف من مكان لمكان حسب انت وين ساكن وقربك للبرج
اكيد بيضل الرمد أحسن من العمى وال3G‏ أفضل من الدايل-أب بكتير

ولا يهمك نحنا بالخدمة
انا الخط اخدتو مو من البريد من شركة زاد واكيد بتقدر تعطي اكتر من جار مو بس واحد

بس بهالحالة لازم تكون السرعة اللي جايبا احسن
لانو كل ما اخدت خطوط من الروتر اكيد هالشي رح يأثر على السرعة

انا قلتلك السرعة 265 بس فعلية لاني ما عاطية حدا

وكمان بتقدر توصلو على اكتر من كومبيوتر بالبيت
فعلا خدمة البريد مو منيحة

اي شركة خاصة تانية احسن من البريد

شكرا الك سيرجيو وبتشكر مساهمتك

انا معك بحكيك بس السيرف منيح للتصفح فقط وبيكفو 1 g اذا تصفح بس .

وانا متلك دفعت 1200 ليرة بس لأني بحمل احياناً احجام صغيرة نسبياً .

بس الشباب رفقاتي بيدفعو 500 بيكفيهم .

هلق انا كمان عندي ن95 شو مين مقلد التاني بكل شي ؟؟؟؟؟ هههههه

بس انت بتتصفح عن طريق الموبايل؟؟؟ صعب كتير

ولا واصلو عالكمبيوتر ؟؟؟

لاء اذا كان الشغلة بدها تصفح وكتابة وتحميل باستخدم الكومبيوتر
بس إذا كان بدي اقرا شي مقالات أو أخبار بفتح من الموبايل يعني أكبر صفحة نت عالموبايل بتطلع 120 كيلوبايت مع الصور إذا كنت عم تستخدم أوبرا للموبايل
كمان شغلة تانية انو الشريحة مفيدة باستخدام برامج الشات متل nimbuzz‏ و papaya‏ يعني بيروح نسبة بسيطة من التراسل وبيوفر وحدات خيرالله
أكيد في فرق بين الموبايل والكمبيوتر بس أنا احيانا بفتح نت عالموبايل وأنا ماشي أو أنا بباص النقل أو بالمحاضرات

على فكرة مدين في عرض من ال م ت ن حاليا وكالعادة بما أنو الشركتين وحدة فنفس السعر 250 ليرة للخط و 500 ليرة شهريا ل 1 غيغا

سيرجي م ت ن بتاخد 750 ليرة حق السيرف يعني بتاخد سلف ال 500 ليرة اما السيريتل بتاخد 250 ليرة حقو .

شكرا لتفاعلك الرائع سيرجي .

معك حق بالنسبة للشحن بس أنا إذا كنت فاتح نت من الموبايل وأنا بالبيت بضل واصل الموبايل بالشحن وعلى فكرة n95 أسرع موبايل ممكن استخدامو كمودم

وأكيد قولا واحدا الadsl‏ أحسن بس انا ما كتير عندي معلومات عن طرق تركيبه وقديش بيكلف

أنا كنت عم فكر اعمل 3 اشتراكات طلاب بأسماء رفقاتي وهيك بيصير عندي 3 غيغا شهريا ب 1500 ليرة بقى شو رأيك مدين بتوافقني عالفكرة؟؟؟؟

الأخت دارك ليدي شرحت لنا مشكورة عن الموضوع .
بالنسبة للبطارية ماهيي المشكلة برا البيت بس انا رح جيب وحدة اصلية سبير وخليها معي .
بالنسبة لرأيي : بقلك شو انت مدمن انترنت هههههه .

اذا بتدفع 1500 بالشهر برأيي فكرة حلوة بس جيب خطين مثلا ً بيكفو تصفح بالشهر وزيادة , وبيضل 500 ليرة فيك اذا حبيت تحمل تفوت عالكافيه وتحمل يعني بالاسبوع مرة من المسا للصبح بتحمل بلاوي ...

اليكم الآتي :

بشترك بال ام تي ان ب 250 ل.س لخط الثري جي

و بنزل عالسوق بشتري ارخص سيرف (صيني) ابو 500 ل.س

و صحي ال adsl بيكلف اول شي 12000 اجار بوابة مع تركيب جهاز مدري شو اسمو و بعدين بيصير كل شهر 1000 لخطوط 128 كيلو بايت بس السرعة ما كتير كويسة بالتحميل لانو قرايبي مركب منو و صحي اسرع من الديال اب بشوي بس يا اخي تكلفتو عالية

و الله ما النا غير الثري جي

اسرع بشوي قلتلي .....؟؟؟؟؟؟؟؟؟؟؟؟؟ معناه بهدلة !!!!!!!!!!!!!

نضالو في انواع يمكن صاروا 1500 ليرة بس 500 مافي ههههههه .

عليك به نضالو والله حرام ديل اب مسخرة العادي وانت بضل عالنت اي بتجيب ثري جي وبضل فاتح النت 24 ساعة .

وبعدين adsl بدو اول الشي 12 الف ؟؟؟؟؟ ماقالتلنا ليدي .

مشكور مدين عالموضوع الحلو و المفيد
و انا بالنسبة الي بستعمل g3 و بصراحة كتير مريح و سلس
و عندي 1غيغا بس اول فترة لما جبتو كانوا يلعنوا نفسي بالفواتير
مع اني ما كنت اشتغل عليه كتير
اما حاليا بياخدوا مني 550 و ليش هالخمسين الزيادة ما بعرف
الله لا يسامحن فيا لانو ما بيشبعوا و ما بيستاهلوا
و ال adsl كمان كويس بس مو عاللابتوب

شكرا لمشاركتك هيكتور التي اغنت الموضوع

فعلا ليش الخمسين ؟؟ طابع ايدز ؟؟؟ هههه

معناه اغلب الشباب على ثري جي .

معناه مننصح اولا نضالو الغالي يجيب ثري جي وكل اللي بيشتغل على الديل اب والله مسخرة بيطلعوا عيون الواحد ليشبك الخط لأ وياريت ماشبك سرعة - مضطرين نقول سرعة - لانو مانا سرعة بنوووب السلحفة اسرع .

لأ والشركات المغفلة النصابة قال بتعمل عروض : اسبوع مفتوح , شهر مفتوح .

وخليها تفتح 5 ساعات باليوم اذا بتفتح وياريت بس تتعذب ويشبك الخط بتخلص غير مجرد فتحت صفحة تانية بيصير ضغط كبير يا اخي يعني انت عم تتبعزق تفتح صفحتين مع بعض وبينقطع الاتصال .!!!!!!!

اكيد لازم الكل يجيب ثري جي .