سؤال الى طلاب السنة الثالثة وبدي جواب بكل صراحة

ولا مرّة قلتوا بينكن وبين حالكن (( يا ريت ما سجّلت أدب انكليزي وسجّلت بشي فرع تاني )) ؟

و لك سكووت
سكوووووووووووووووووووووووت
سكووووووووووووووووووووووووووووووووووووووووووت

كنت بدي انتحر يا زلمه
خليها لربك

لو طلعت شهادة سواقه و اشتغلت ع شي تكسي كان اشرفلي

قلبت علينا المواجع

شكلك كنت عم تقرا نقد...و حبيت تفش خلقك بهالموضوع؟؟

بالنسبة إلي طلعلي وقتا أدرس أكتر الهندسات وكنت حابة أدرس هندسة عمارة بس ماقدمت المسابقة للأسف :( عنجد إزا كنت بعرف هيك وبقدر يرجع الزمن ف مابفوت أدب إنكليزي أبدااااااا و كنت عالأقل كملت هواية الرسم يللي قلِت كتير بعد مافتت هالفرع :(
بتمنى التوفيق للكل

بالنسبة إلي بعشق النهار اللي فتت في ع الكلية وبعشق النهار اللي شفت في أحمد العيسى ويوسف شاهين وأمينة معتوق وووووووووووووووووووووووو .................... وأنا لو رجع الزمن فيني ما بسجل إلا أدب إنكليزي حتى لو طلعلي طب أو أحسن الهندسات مع إني بكلوريتي أدبي

Me too, I agree with Fofo

For me, it would be much better if registered on the open learning (translation)
our college sucks

بالنسبة الي بحب الفرع بس بكره امتحاناتو لان بكل الفروع اذا كتب الطالب منيح بينجح الا عندنا مشان هيك يمكن كنت بسجل مرة تانية انكليزي

هلأ اول سنة كتير تدايقت منو وكرهت الساعة اللي فتت فيا انكليزي
بس بعدين تأقلمت وحبيتو

بس بصراحة وبدون لف ودوران ما بتوقع في بالجامعة كلا فرع اصعب منو

و الله ما في متل الادب الانكليزي

3essam.s كتب:

و لك سكووت
سكوووووووووووووووووووووووت
سكووووووووووووووووووووووووووووووووووووووووووت

كنت بدي انتحر يا زلمه
خليها لربك

لو طلعت شهادة سواقه و اشتغلت ع شي تكسي كان اشرفلي

قلبت علينا المواجع

شكلك كنت عم تقرا نقد...و حبيت تفش خلقك بهالموضوع؟؟

يعني اللي في قلبي في قلبك (( أغنية مقتبسة من بهاء سلطان وسومة)) شكلك عم تعاني متلي يا عصام يعني الواحد لو سجل اي فرع وبعدين عمل دورة محادثة وتقوية بالانكليزي كان أسهل من دراسة الادب الانكليزي
يعني بهالعصر المتحضر شو بيهمني ادرس ادب امريكي من الف سنة وشعر ومسرح ع اساس بدي اطلع شاعر او اديب
هلق الزمن تغير واللغة صارت متطورة ونحنا لسّه مناخد مواد بالانكليزية القديمة !!!!!

خليها عربك
انا بنصح كل واحد انو ما يدخل ادب انجليزي وانو يعمل دورة تقوية متل ما اتفضلت وحكيت احسن وافيد
شكرا الك

تحياتي يا شباب..والله بصراحة انا ندمااااان كتيييير لاني دخلت على هالفرع..بس السبب موهوالفرع بحد ذاتو..لا ابدا..هالاختصاص حلو كتير ودراسته ممتعةجدا...بس هالدكاترة واسئلتون وتصليحهون هنن الاسباب يلي خلتني قول يا ريتني ما دخلت هالفرع..

الأدب الإنكليزي ما بحبها غير يلي بيحضر و بيتعرف عالدكاترة و المحاضرين... و بيقرا بالمراجع... لإنها متعة أكتر من دراسة.. هاد رأيي

أنا بالشام ..كتير فرقت معي وقت كنت احضر ووقت هلأ صرت ما بحضر.. ماعاد استمتعت فيها أبدا متل أول سنتين وقت كنت ساكن باللادقية..

و عنجد نصيحتي للكل انو يحضرو و يتعرفوا عالدكاترة بزيارة مكاتبهم و مناقشتهم لأنو قد ما كنت بتكره المادة أو الدكتور..بس تحكي معه و تتناقش انت وياه رح تصير تحبه و تحب المادة و تستمتع اكتر و ماعاد تيأس

و برجع بقول هي وجهة نظري و من شي انا عملته و جربته و كتير فرقت معي.. مشان ما حدا يقول اني عم نظر او اني عم اتفهمن lol

بتمنى التوفيق للكل

اي والله غلطة المشكلة انو كل واحد فينا بيفكر حالو بس يتخرج بيكون شغلة بالانكليزي بس نحن عم ندرس ادب يعني بس نتخرج اذا درسنا او لا شو بيفيدنا تاريخ الادب ولا غيرو المهم هي القواعد والترجمة والانشاء

ولو اني ماسجلت انكليزي بس كانت رغبتي الدائمة

ولهلا بحبها

بس خلينا نجي لصراحة لازم نشكر الله على نعمة الدراسة والجامعة

في عالم لهلا ضلت الجامعة حسرة لالهن

وكل شي بالدنيا فيها صعوبة وهاي حلاوة المنافسة والتشويق

والاشياء لما بتجينا بصعوبة بتكون مذاقها احلا

الحمد لله عاكل حال وموفقين جميعا

هوي من السهل الممتنع يعني متل شعر نزار سهل اذا طالعتو بس تعى اكتبو مافيك.السنة 1 و2 سخيفة بس تعى عال3 موت احمر والرابعة مقبرة مقارن وعالمي وانا بعرف

بالعكس تماما فرعنا من اجمل الفروع
يعني وقت بتصير سنه رابعه وبتطلع بتلاقي حالك مطلع عالادب العالمي
وكبار الكتاب والشعراء بتحس بلذة كتير حلوة
فرعنا جدا ممتع وبيعطي ذخيرة ثقافية كتير متميزة
واكيد متل ما انحكى قبل يلي مابيحضر وبيستمتع باعطاء الدكتور وبأسلوبو
بتوصيل الماده مارح يحس بهالشي
انا بالاربع سنين حضرت حضور كامل ولهلأ بتمنى ارجع احضر عند الدكتور احمدالعيسى بالسنه
الاولى او عند الدكتورة لينا ابراهيم ومالك سلمان ونجوى رحال وكتار غيرون0
بـــــــــــــــــــــــــــــس العلة بأنو ماعم نقدر نحصل معدلات عاليه
مابعرف ليش ان كنا عاملين عالحد ولا ممتاز بالحالتين ماعم نحلم باكتر من 50 او 60
وووكمان في دكاترة تعجيزيين خصوصي بالسنه التالته وخصوصي اكتر باللغويات
على كل بالتوفيق للكل

كلام روز صح 100%

انا قدمت بكلوريا سنتين اول سنة فاضلت وطلعلي معهد بس رجعت عدت البكلوريا طمعاً بالأدب الأنكليزي

والحمدلله دخلت أنكليزي وماني ندمان أبداً

شفت كتير طلاب أدب أنكليزي بغير جامعات وخصوصاٍ جماعة الأتمتة بتشوفن يالطيف متخرجين وبمعدلات عالية ما بيحلم فيا اشطر طلاب اللادقية بس صدقني عن تجربة شخصية هدول المتخرجين ما بيعرفو يلفظو ولا كلمة صح هي ازا بيعرفو كم كلمة

انا متلكن بشوفو فرع مو سهل و اوقات كتير يئست
بس برأيي ما في كلمة منقراها سواء كان بالأدب القديم او الحديث غير اللي بتفيدنا وخاصة بهالفرع
كتير اوقات بشوف بشي فلم بينذكر اسم كتاب الو تأثيرو الكبير بنبسط كتير انو عطونا هالكتاب بجامعة تشرين.
ولا تصدقو انو في فرع بالجامعة سهل (هالكلام ما ممكن) بس اللي بكون داخل هالفرع عندو قدرتو عالتعامل معو.
لكن الفرق الوحيد انو الدكاترة هنن عم يخلو الطلاب يكرهو الفرع .. بقصد من ناحية نظام الأسئلة و التصحيح لأنو أغلبهم من ناحية الشرح ما في كلام عليهم.
هالفرع بدو تعب ... وكل واحد بقول ظروفي اصعب ظروف بس بتوقع ما حدا اتعذب قدي من ناحية الظروف بالدراسة .. مع ذلك بس يتعب الواحد بلاقي انا واثق ومن ناحية الشغل هو الفرع الوحيد اللي خياراتو مفتوحة.. سواء شركات خاصة او حكومية.
اتقبلو رأيي المتواضع واسف اذا طولت