شو رأيكن بمهزلة يوم الثلاثاء (( امتحان مادة اللغويات ))

شفتوا رداءة التصوير والطباعة حتى يرسبونا واسئلة جلّاد الراعي المعقدة وحدا عنده الحل الصحيح لكل الاجوبة حتى نعرف نحسب علاماتنا ............................................ عالليبرا .

والله يا معلم مو بس عندكن هيك

كمان بالفرنسي بمادة النقد سنة رابعة كان فيه سؤال غير موجود مدري غير مفهوم هيك قالولي يلي قدمو و نص العالم طلعت بأول الوقت

فهادا الشي بيعني شغلة كبيرة و الله يسترنا بموادنا الباقية

أنا بصراحة لهلق مو مستوعب شو يلي صار اليوم بمادة علم اللغة
شكلن الدكاترة مزعوجين لأنو عطلتن خلصت بكير

بس مو كأنو جاب الدكتور أسئلة من الفصل الأول كمان؟؟

والله أنا ما بعرف.......................!!!

بـ هي معك حق أنا شكيت بالاسئلة لأني دورت بكل المحاضرات والجزء المطلوب بالفصل التاني وما شفت شي
والله عيب عليه يجيب اسئلة من الفصل الاول يعني اللي شايل المادة بفصلها الاول شو رح يعرّفه انو الاسئلة من نفس الفصل وأكتر اجاباتي كانت (( none of the above )) أو الخيار الرابع d

اي فعلا اغلب الاجابات كانت الاحتمالd‏ بس الاسئلة عنجد مو معقولة والله يسترنا

فعلا انا حكولي انو الوضع كان لا يطاق .. المراقبين كانهون جايين بالزور .. و الدكتور متافف ..والاسئلة انا شفتها .. مو واضحة بالمرة ..
نصر
فعلا كان في اسئلة من الفصل الاول

و الله يعينا اذا هيك رح يكون الوضع بكل المواد ..

:( أنا لسة ما قدمت شي
قالولي إنو المفروض يتساعدوا هلأ لأنو إستثنائية :( على هالحالة ما رح نقدر نتفائل نتخرج :(
الله يعيننا

والله ياجماعة كانت مهزلة المهزلة اجا عنا دكتور عملنا بهدلة وطلع قال اذا اجانا مرسوم لنقدم فحص بتستعبدونا هيك حكا بالحرف الواحد شيء بيخزي والله لا والاحلى هدا بس لانه سالناه انه يقرا كم كلمة لانه مو واضحين بالتصوير سيدي صايرة مهزلة كل هالفحص وماجاي على مزاج الاساتذة انهم يرجعوا يحطوا اسءلة ويصححوا وهني بالصيف

على كل انا عملت احلى شيء انا ساكنة خارج سوريا رحت سافرت على سورية لقدم فحص طلعوا كل موادي بعد العيد
رحت قدمت مادة ماكملت الاسبوع بالبلد الا ورجعت مبارحة لانه طلعتلي جامعة برا البلد تركت كل شيء ورجعت لانه بالنهاية مندرس مامننجح وحتى احترام للطلاب مافي الحمد الله يلا الله ينجح الجميع

الله يوفقك يارا

و عملتي زينة العقل

تسلم نضالو كلك ذوق

عم يتسلو فينا
و لك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باينتو هالامتحان رفع عتب

بتعرفوا شو ؟؟؟؟
في حقد دفين عـ الطلاب وخصوصا نحنا طلاب الأدب الانكليزي لأنو فرع متميز عن بقية الفروع والدكاترة بيعرفوا انو نحنا بس نتخرج مؤهلاتنا بأي عمل رح تكون كبيرة لهيك حاطّين حطاطنا وكأنو ما بدّن حدا يدرس ادب انكليزي ويتقن لغة غيرن