يا طلاب ...................

صحيح انو كل مادة رح تطلع نتيجتها بعد اربعة ايام من تصحيحها بهالدورة الاستثنائية وانو كمان بدءا من العام الدراسي القادم كل طالب ما بيداوم بنسبة 80 % ما رح ينجح ؟؟؟؟؟؟

معقول؟؟؟

هلق اللي بعرفوا و متاكدة منو انو بالنسبة للدوام ..هالحكي للكليات العلمية بس ...
اما بالنسبة للنتائج انو بعد اربعة ايام كمان للكليات العلمية ... لأنو يا عاشق اسبانيا زينها بعقلك ...انت برأيك معقول عنا موظفين الامتحانات و الدكاترة من قبلهون يشتغلوا بهالسرعة ؟؟ .. و يطلعوا النتائج بعد اربع ايام ..مستحيييييل
و إذا صارت فعلى النجاح السلام ..

و أنا كمان برأيي إنو مابتزبط يصير الدوام إجباري للآداب لأنو إسمها كليات نظرية و بتوقع بالنسبة للعلامات إنو يمكن تصير إزا شارك بالتصحيح كزا واحد .. بس إزا هلأ ما عم يكون التصحيح عادل ف كيف وقتا؟؟ الله يعيننا

أكيد هالحكي إذا طبقوه فما رح يزبط بكليتنا لأنو متل ما بتعرفو أعداد السنة الوحدة من كل قسم هائلة

يعني هلق مو كل الطلاب عم يداومو وما عم تسع الكلية
فكيف إذا بدهون يداومو كلن

الله وكيلكن كان بيصفي نصنا بكلية الزراعة وكلية التربية
(هي إذا ما اجتحنا المشروع السابع كلو كمان)