مسدسات الخرز تحتل الصدارة.. 189 طفل مصاب في حمص

(دي برس – أحمد سلامة )

استقبل مشفى حمص الوطني أول أيام عيد الفطر 189 حالة اسعافية تعرض لها الأطفال نتيجة ألعاب العيد الخطرة التي باتت تشكل كابوساً حقيقياً للأهالي خاصةً في ظل غياب رقابة فاعلة من الجهات المختصة.
واحتلت مسدسات وبنادق الخرز صدارة مسببات الإصابات، حيث أصيب 84 طفل، حالة 14 منهم خطرة، بأعيرة "خرزية" أنهت فرحتهم بالعيد.

وتمتلئ أرصفة وواجهات المحال التجارية في سورية خلال أيام العيد بمئات المسدسات والبنادق التي تطلق حبات بلاستيكية "خرز" بضغط عالي جداً، وقد تسبب إصابة مباشرة منها بعطب دائم كفقئ العيون.
أما عن حالات التسمم الناجمة عن الأطعمة المكشوفة، فقد استقبل مشفى حمص الوطني ثلاثين حالة تسمم، بعض منها خطير.

يذكر أن "ساحات العيد" في سورية تعج ببائعي الأشربة المصبوغة بمواد عالية السمية والحلويات الرخيصة وبعض المأكولات الأخرى مثل البطاطا المقلية بالزيوت السوداء، وهي تشترك جميعاً بافتقارها لأبسط معايير السلامة الصحية، فضلاً عن معايير النظافة.
كما سجل مشفى حمص الوطني حالات "سقوط " للأطفال عن المراجيح و"القلّيبات" بلغت 36 حالة عانى أصحابها من كسور متعددة.
وحازت المتفجرات المعروفة باسم الـ"ألعاب النارية" على حصة 29 طفل من حصيلة حوادث اليوم الأول من أيام العيد في مدينة حمص.

و الله عيب هالشي و هناك هيئتين مسؤولتين عن هالبهادل :
1- الأسرة
2- الدولة

يعني لازم الاهل يديرو بالهن عولادهن منيح من هيك شغلات

و كمان الدولة لازم تتخذ اجراءات صارمة ضد بيع هالالعاب المؤذية ( بس كيف التجار بدهن ينهبو العالم اذا قمعو هالادوات ) و عفكرة الأدوات الصينية من مسدسات و بنادق خرز تباع على الاقل 100 ل.س للقطعة الواحدة مع العلم انو هيك شغلات بيشتروها من الصين بالكيلو أو بالحاوية

و من هون منعرف مين عم يدخلها و مين عم يتعامل فيها و مين عم يفرض نفسو لحتى تضل هيك شغلات عم تنباع

شكرا حمشو

اي نضالو وزارة الصحة عم تدعو الاهل للانتباه لولادن ما حاج

اي و الله حيج اصلن الحق علينا نحنا هالمواطنين لعما بعيوننا شو ما منفهم

خليا عالله الشعب لو عم يقرا الشريط الاخباري كان عاش بسبات ونبات :thx:

ههههههه قصدك لو ميحضرو القناة الاولى من اساسا كانو عاشو بسبات و نبات

هههههههههههههههههههههه قولك

اي والله مبارح كنت عم احكي بالموضوع جد كتير مؤذية هالمسدسات وضغط قوي كتير واذا فاتت لاسمح الله بعين حدا فورا بتروحا حرام عليهن هاي متاجرة بسلامة الاطفال وعنا الاطفال الاغلبية تقول جايين من افغانستان او العراق تازة وخايضين حروب يعني موتو للولد ما بدو غير مسدس او بندقية هههه مو حلوة بعدين بيفكرونا العالم ارهابيين يعني ييبيعوا العاب بتنمي ذكاء الطفل السوري الكبير .

مشكورين ع المرور :thx: