ماذا كنا نشاهد قبل وجود الدش في سوريا

كُتب : [ 09-14-2010 - 01:07 AM ]

-أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده


-الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!


مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي شغلات ثانوية...وعلى مهرجانات خطابية!!انا بفضل يتسمى مع الدبيكة و رقيصة العربي!
-

أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع: برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!".... اسم الله عليه!!بدو طابة زرقا مو خرزة!!

ولا واحد من هالبرامج شفتو لأنو كنت عايشة برا سوريا..
شكراً عالموضوع

لا تنسى غدا نلتقي والفن السابع ولغة العالم ومايطلبه الجمهور وأخواتو

.هدول أهم شي

عصام مشكور موضوع مهضوم كتيير
والحمد الله الله رحمنا ووصل اختراع الدش قبل ما يجنو العالم او ينتحرو

أنا كنت مقضيها عأتاري Sega & Mario طبعا قبل إختراع الـ PSP الرائع 05'

شباب و صبايا نورتو
بس انا يللي كاتب الموضوع يا مدمنة نجوى كرم
بكل الأحوال ما فيه فرق
انا و الحبيب حمشو واحد

و لا يهمك
I'm soooooooooooooooooooooooooooo cooooooooooooooool

ههههه...فعلا عصام .. برامج بتاخد العقل .. وخصوصا ماما فاتنة كان عندها كل برنامج احلى من التاني ..

ماما فاتنه كانت رح تجبلي الجلطه
كانوا يحطوا صراع الجبابره و ابطال الليزر
و تطلع هيي الأحد و الاربعاء و ما يطلعوا هنن و تقضيها على رسايل و حكي فاضي

نورتي ruru

وين رحتوا بسيمفونية الرعب ((موسيقى نشرة الاخبار مسبوقة بموسيقى بلاد العرب أوطاني )) حتى كان في مذيع بنشرة الاخبار عيونو كبار وبيلبس نظارات وبيقربوا الكاميرا عليه كان شوية اصلع ومسرح شعراتو على جنب
يا بي شو كنت موت من الرعبة بس شوفو
بس الحمد لله قبل الدش كنا نتابع القنوات اللبنانية الارضية ال بي سي المستقبل التل ام تي في وبالصيف نتابع القنوات المصرية