طالبة حلبية تسجلت باللاذقية

أنا طالبة من حلب تسجلت في جامعة تشرين قسم اللغة الانكليزية و أرجو من أعضاء المنتدى يعطوني فكرة عن المواد في السنة الأولى. و عندي أسئلة كتيرة أرجو ان تكونوا صابرين معي و تساعدوني بالاجابة عليها:
لازم أحضر كل المحاضرات؟
هل يوجد حلقات بحث في السنة الاولى؟
هل أستطيع الدراسة بالبيت و الحضور وقت الامتحان فقط؟
كيف هو السكن الجامعي باللاذقية؟
هل هو مريح و جيد؟
كم طالبة يوجد في الغرفة؟
ما هي قصة التسجيل في القنصلية و ماذا تفعل لي القنصلية؟
هل من المفيد التسجيل بالمكاتب حول الجامعة من أجل النوطات؟
و شكراً جزيلاً لكم

هلا انا فرنسي بي عندي كم جواب
الحضور ضروري مشان تتعلمي اللغة لانو الدكاترة ما بيحكو عربي بس مانو اجباري
في حلقات بحث
واهلا وسهلا

مرحبا فيكي بالكلية
أنا سنة تالتة وبنصحك بالدوام واحضري كل شي طبعا هادا بالبداية لحتى تتقني اللغة وبعدين بالسنوات اللي جاية انتي حرة انا كنت ما فوت ولا محاضرة بالسنة الاولى والتانية بس بعدين بطلت موضة الدوام وصرت ادرس بالبيت لانو ما عاد بتلحقي بسبب ضخامة المواد تاني شي منشان المواد عندك أول فصل 8مواد: نثر – لغة (قواعد) – إنشاء- ترجمة – شعر – ثقافة – منهجية - فرنسي أو ألماني وبالتاني 7 مواد: لغة (قواعد) – إنشاء- ترجمة- مسرح - قصة قصيرة- عربي- فرنسي أو ألماني للسكن ماعندي أي فكرة لاني من اللادقية وما بعمري دخلتو أما بالنسبة للقنصلية أنا سجلت دورتين وكتير استفدت بس مو بالسنة الاولى وقت ترفعت ع التالتة وانا بعتقد انو لازم بالبداية تاخدي اللغة من الجامعة بعدين طوريا بالقنصلية او بأي معهد تاني بالنسب لحلقات البحث بالفصل التاني عندك حلقتين وحدة بالانشاء والتانية باللغة بالنسبة للمكاتب انا والله مسجلة متلي متل كل الطلاب والاخطاء موجودة بكل المكتبات اما اخطاء املائية او اخطاء بلمعلومة لذلك لازم تحضري وتقري الكتب اللي مقررة




نصيحة:
لاتردي ع أي كلام من أي طالب لاني كل طالب بيحكي حسب تجربتو وبيعمما ع الكل أنا مثلا بعشق الدكتور أحمد العيسى وبالمقابل في مئات بيكرهو وكمان بقول انو الدكتور يوسف شاهين روعة وعادل غيري بيقول انو ظالم وهكذا انت المهم تدرسي منيح وموفقة ما في حدا بيكرهك




ملاحظة :
رح تعرفي شويعني هالحكي بس تنخرطي بجو الكلية

أهلا وسهلا فيكي زميلة وأخت غالية أنا كمان سنة أولى بس عندي شوية معلومات إن شا الله بيفيدوكي :

بالنسبة للدوام مو إلزامي بس ضروري ألك لتتقوى لغتك لأنو متل ما قال الأخ حمشو الدكاترة ما بيحكوا عربي

وفي مواد متل الإنشاء والنثر .......ألخ ضروري تحضري المحاضرات لأنها مواد فهمية وإستيعابية عالأغلب

وبالنسبة لحلقات البحث وصلك لجواب من الاخ/ت fafo

وبالنسبة للدراسة بالبيت أكيد بإمكانك الدراسة بالبيت وتجي بس وقت الامتحان لانو متل ما قلتلك الدوام مو إلزامي

بالنسبة للسكن الجامعي مريح ونظيف وما علي حكي وكل غرفة فيها 3 طالبات مو أكتر وأنا بعطيه 3 نجوم

بالنسبة لموضوع القنصلية أكيد مهم لحتى تقوي لغتك بس لاحقة عليه

ومشان المكاتب : طبعاً جل من لا يخطئ فلذلك الكتاب المقرر خير مرجع

أتمنى أن تكوني قد أستفدتي أو أنني أفدتك بشئ

وبالتوفيق يا زميلة

مشان ما أنسى التسجيل عالسكن بالنسبة لكلية الآداب ببلش من 26/9 لغاية 7/10

وبالتوفيق

الحقيقة أنا كمان سجلت من جديد بتشرين وأنا من الشام
وبهمني كتير موضوع الدوام لانو عندي عائلة
عم تقولو مو الزامي بس شو مشان قرار الساعات المعتمدة (نسبة الدوام) يللي طلع مؤخرا
وشكرا للجميع

حبيبي عماد أهلا وسهلا فيك أخ وصديق وزميل

بالنسبة لدوام الساعات المعتمدة اللي طلع مؤخراً هدا بيخص بس الفصل التالت يعني إذا حملت مواد أو ما شابه بينما أثناء الفصلين الأول والتاني ما في شي أسمو ساعات

وأهلين فيك مرة تانية

ميمو العزيز انشاء الله يكون متل ماقلت
وشكرا الك كتيييييييييييييييييير

ولوووووو نحنا بالخدمة له يازميل

طيب شباب انا لغتي بالحكي منيحة ومن الشام وما بقدر ضل بالاذقية وبدي سجل بالمدينة مشان وقت الامتحانات بقدر مشي حالي او لا

يلي فهمته إذا ما كان لك ( واسطة ) في السنة الأولى صعب جدا تحصل عسكن في المدينة بس السنة التانية اكيد بيطلع

صحيح هالكلام ياترى ؟؟؟

وانا كمان سمعت انو بدها واسطة بس الحمدالله موجودة انشالله

ما بظن بدها واسطة لسنة الاولى المستجدين
وخصوصا مدير السكن الحالي نظامي كتير ومحترم
وحسب مابيحكو عنو مابيقبل الواسطات
بس مابيظلم حدا

اما بالنسبة للأختfadkud
الدوام ضروري كتير وبيساعدك
مثلا في دكاترة بيوضحو من خلال الدرس
اذا المحاضرة مهمة او لا
واحيانا بيوضحولك انهن رح يجيبوها بالامتحان
غير الخبرة لي رح يصير عندك
ومتل ماقال فافو
كل واحد الو مفهومو بالدكاترا ماتسمعي لحدا
والسكن مريح والاهم تعرفي تختاري الرفقات لي يسكنو معك
ومعاملتك كمان بيحدد الصداقة بينكن
وللأداب كل غرفة 4 بنات

أنا كمان طالب جديد من الشام عندكوم بالادئية بس والله بس قرأت الأجابات هي ما عد عندي ولا سؤال الحمد لله بس القنصلية شو منحسن نساوي هونيك متل شو يعني و السلام للجميع والله يعطيكم العافية جميعا