ماذا ستفعل لو علمت ان هناك فتاة تتمناك زوجا لها؟؟

نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده .. ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه اوسعة ادراكه.. الخ من الصفات التي تكون كافيه بأن تجعلها تتمناه زوجا !... فالحب والكره والمودة من الله سبحانه وتعالى لم يختص بها جنس معين ....
ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما ...فهي تعلم يقين العلم انه ان لم يكن يفكر بها فهو بداية طريق عذاب لمشاعرها....

ماذا لو علمت بأن بنت عن طريق النت او بنت من أقربائك تتمناك زوجا ؟
هل ستصغر في عينيك كونها قد احبتك ؟..

ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رسالة وقالت لك انا معجبة بك بسبب تدينك او اخلاقك ...
واريد الارتباط بك على سنة الله ورسوله ...

بصراحة ماذا سيكون موقفك ؟؟؟؟
وكيف كنت تتمنى الطريقة التي تشعرك برغبتها بالارتباط بك ؟

ارجوا التفاعل من عموم االأعضاء لندرس الموضوع معا .. اخذين بعين الاعتبار ان هناك الكثير من الفتيات تعجب بشباب وتكتم ذلك في قلبها علما بانها تفكر به بالحلال اي بالارتباط الشريف .بدي راي البنات والشباب بالموضوع ..
و برجع بركز على نقطة الصراحة ...

طرح مميز
رورو
واكيد بانتظار اجوبة الشباب
دمتي متميزه

شكرا سوسن ..[س ما عطيتينا رايك بالموضوع ؟؟ يعني مثلا ممكن تقولي لشب انك معجبة فيه ؟؟

مسا الخير رورو وشكراً كتير عالموضوع الرااااائع

طبعاً يسعدني أني بكون أول شخص يرد على هالموضوع

ومتل ما بدك بصرااااحة هذا موضوع حساس جداً وخاصةً بمجتمعنا الشرقي لأنو الشب بطريقة ما بيقدر يعبر للبنت بينما البنت رح تكون الشغله أصعب بكتير لأنو كبريائها غالي عليها شوي

بس من رأيي أنو لما تكون البنت معجبة بشخص ما لاي صفةٍ كانت لازم تحسسوا بأي طريقة مو معقوووول تظل كاتمة الموضوع لأنو بالنهاية أما رح ينفجر أو يفجرها

بالنسبة ألي بحب هالشغله تكون مواجهة يعني وجهاً لوجه ساعتها بس لأعرف انو هي هي البنت الصح واللي أنا بدياها بحبها تكون جريئة لدرجة أنو إذا كانت معجبة فيني أو ما شابه ما تتردد ولا لحظة وتفكر كتير

أما بالنسبة لنظرتي ألها أكيد ما رح تصغر بعيني لانو الاعجاب لانو عيب ولانو حرام بالعكس رح تكبر أكتر وأكتر

لأنو على الأقل هي معجبة بشخصيتي فإذا ما قدرت مشاعرها بكون ما قدرت شخصيتي

حتى لو كان ما بدي أرتبط معها بس رح يكبر أحترامها بالنسبة ألي والبعض من الشباب بيحب هيك فرص ليخجل البنت أو يقلل من قيمتها هذا الشي خطأ أكيد لأنو حط حالك محلها قبل ما تعمل شي

وبتمنى كوووون وفيت وهذا كلشي عندي بصراحة وبانتظار البقية

وبرجع بشكرك مرة تانية عالموضوع الحلوووووووو

تقبلي مروري عزيزتي مع فائق الإحترام والتقدير

شكرا ميمو لرأيك الصريح... ولمرورك الحلو ..
:thx:

انا برأيي هي البنت لازم تكبر بعبن الشب اكتر
لانو كانت صريحة وما لعبت معو الاعيب هيك هيك
معلش نحكي بصراحة انا كان في حدن ببالي وكتييييير بتمنى يكون هو نصيبي بالمستقبل لأنو منيييح كتييير ودين وبخاف الله واهم الشي عندي انو حنون وخاصة عليي بس الارتباط بيني وبينو مستحييل لأنو هو اكبر مني بمنيييييح لهيك انا ما بتجرأ قولو هيك حكي بس لو كان اصغر بشوي يمكن كنت تجرأت وحكيت ما بعرف انا هيك بتخيل


موضوع كتير حلو مشكورة

اهلا لوليتا ... شكرا لمشاركتك الحلوة ...

وين هالغيبة ؟؟

مشكورة رورو كتير عالموضوع الحلو هاد أولا...ثانيا أنامرتبط بس رح جاوبك كأن مو مرتبط _هيك بنت مابتصغربعيني أبدا على العكس متل ماقالت لوليتا بتكبر بعيني لأن ماعملت شي غيرأخلاقي أبدا بالعكس كانت صريحةوصادقة وهاد أساس علاقةصحيحة بين اثنين _هادطبعا إذاكانت بنت من أقربائي أو معرفةصداقات عائلية أوهيك شي يعني بنت أنابعرفها ولو مجرد معرفة بسيطة أما إذاكانت متل ماقلتي عن طريق نت فأنا برفض أني أرتبط فيها لأن بقول وبصراحة متل ماتعرفت عليي بتتعرف ع غيري وبتشوف وبتحكي مع غيري وطبعا أناشب شرقي وأهم شي طبعا الشرف _والحمدلله أنامرتبط وبحبها كتير وماتزعلي مني رورو بس هادرأيي بصراحة تامة وكل الشكرإلك عهالموضوع

والله حياتي انا عندي مادة السبت
بس مع هيك انا عم ادخل على المنتدى ما عم قصّر
:##:

هلأ بحكم طبيعتنا صعبه كتير
روح واحكيلو انا معجبه فيك
بس ما بعرف ممكن وصل لمرحله من الضعف المح او جن واحكي
كل شي وارد
بس اكيد رح حاول ع اد مافيني فكر بعقل
بكرر شكري

عبودي
اهلا فيك .. وشكرا لمرورك و لرأيك الصريح .. و على فكرة انا ما بزعل من الصراحة .. بالعكس المطلوب بهالموضوع الصراحة .. لهيك بالعكس انا بشكرك لصراحتك

لوليتا
صرلي فترة ما شفتك عالمنتدى لهيك عم اسأل ..على كل انا اللي الي فترة مقصرة عالمنتدى..

:thx: :thx: :thx:

سوسن .. شكرا لمتابعتك ..
بس بالنسبة الي بعتقد انو مستحيل روح و قلو انا معجبة فيك ..مستحيل ..

اولا شكراعالموضوع الحلو وع ذكائك بهدا السؤال فالسؤال منشان تعرفي شو تسوي هو أحسن دواء ويسرني أني أول معارض لهل فكرة لاسباب وياريت تنتبيهي الهن عن جد 1 الشب ما بحب البنت اللي بتقتل حالها عليه وهذا الكلام من منطلق علمي فالأنثى عند الرجل هي الغاية والغايات تمكث في الأفق أكثر من مكوثها بين أيدينا فما أن تصبح الانثى ملكه -أعني قلبها - حتى يتمرد و يبحث عن اللتي في الأفق!!! 2 الشب لا يحب الفتاة اللي يتصرح بحبها لانها تسلبه فعل المبادرة واللي هو من اختصاص الشب لانو ببساطة إذا ما كان ع بفكر فيها فهون راح يشلها من باله #الحل هو التلميح الذكي بس مو عن حب ولكن بتلمحيله عن بداية هالشي فيكي منشان يبتدي معك وإلا في واحد راح يحب أكثر من التاني ورح يكون في خاسر بالموضوع تلميحات ذكية أكرر وإذا ما كان ذكي بلالكيه 3 الشب ما بحب البنت اللي بتتكبر عليه وبتحسسه أنه موسأله عنه فمثال ذلك في كتاب أحلام مستغانمي "فوضى الحواس" .. بما هو معناه أن الفتاة إن أرادة أن تمللك رجلا فعليها أن تشعره بانها مستعدة على أن تتخلى عن كل شئ لتناله والرجل إن أراد ان يحظى بالمراة عليه أنيشعرها بأنه مستعد لأن يتخلى عنها اي وقت ولاي شئ !!! مفهوم منطقي يتطابق مع الطباع الرجولية لرجل الشرقي % أقترح عليك بحيلة حواء لما كانت تبحث عن آدم فوجدته ... والقصة أكيد يتعرفيها .... وأما إذا كان عن النت فبقترح امقابلة فربما يكون صادق او كاذب ...؟؟!!

آزاد ...شكرا لرأيك الصريح .. وانا بعرف انو هي نظرة كل الشباب ... بعرف انو الشب بحب البنت اللي بيركض وراها مو اللي بتركض وراه ..

على كل في سوء تفاهم بسيط صار .. انو انا ما عم اسأل لسبب شخصي ..لأنو انا ما ني معجبة باي شب ..و إذالا سمح الله و صارت يوما ما .. مستحيل انا اللي قلو .. حتى لو تلميح ..

برجع بشكرك مرة تانية آزاد ..

انا عملت هيك و اعترفت لشخص اني بحبو وحابة يكون بينا علاقة حب وبتمنى انها تتطور لزواج
بس الشب اول شي تفاجئ
وبعدا بدا يبكي
طلع هو بيعشقني حتى الموت بس ما كان يسترجي يحكي بيخاف اني ارفضو او كون ما بحبو ويخسر صداقتي
وكمان قلي اني كبرت بعينو كتير
المهم....
يعني لو ما حكيت ما كان رح يحكي وكنا رح نعيش نحنا ال2 بندم لأنو ما حكينا لبعض عن مشاعرنا
وهلأ انا عايشة بسعادة ما بتنوصف
:*258*:
مررررررسي ع الموضوع الحلو يا أحلا رورو

ديما ..
شكرا لمرورك الحلو .. وانشالله بتعيشي بسعادة على طول ..
بس يا ترى فكرت لو انو هو ما كان ببادلك نفس الشعور .. انت كيف رح يكون احساسك ؟؟يعني مثلا بتندمي على هالخطوة؟؟

pearl
شكرا لمرورك الحلو ..وانا من رايك ومن راي ازاد تماما

اقتباس :

هل ستصغر في عينيك كونها قد احبتك ؟..

بالتأكيد لا , بالعكس بتكبر بعيني لأنو الله وفقها و بعتني لتحبني

بس برأيي الاعتراف بصراحة و بدون مقدمات , بس المشكلة بلكي الشب ما بدو معناتو بلا اعتراف و خليها بالقلب و تعبر بالعيون او بالكتابة اذا عالنت بس بدون تصريح حقيقي بالمشاعر يعني جس نبض منشان اذا ما كان في تجاوب من الشب يطلعو باقل الأضرار

نعم ساحترمها اولا..ثم سادرس طلبها او رغبتها بجدية..وساشكرها ثانيا وبشتى الوسائل.. وستكون لها الاولوية عندى على التي افكر فيها او اعجب بها وهي لا تفكر بي..واذا لم تكن من نصيبي ..فسوف اقف معها حتى تتعرف على انسان احسن مني ..وكمايقولون ما في احسن ممن يجمع بين شخصين على مخدة واحدة ..بالحلال طبعا..ولكن بطريقة عصرية وبكرامة..وليس عيبا ان تحب الفتاة شابا وتتمناه لنفسها خطيبا وزوجا..وعلى المجتمع واهلها تقبل ذلك ومساعدتها في تحقيق حلمها..ان امكن ذلك..ونيال الذي يجد فتاة تتمناه..هذا يعني ان الطريق ممهد بلا متاعب
ولا طلبات تعجيزية..من بيت فاخر وسيارةوملايين مقدم ومؤخر... هذا رأيي .وشكرا..

نضالو & طلال .. شكرا لمروركن الحلو..و لرأيكون الصريح..

موضوع جدا حلو وملفت ودارج كتير
وكتير من الصبايا وحتى من الشباب بينظلمو فيه
انا بقول الاعتراف بطرق غير مكشوفة ممكن
بس بدي اعرف وافهم سبب رفض الشب ان البنت توضحلو
او تعترفلو شو هو عندو احساس وهي لا
كل شي بدو حدود سواء شب او بنت
واذا التزمو بحدودهن ليش لا

بس حب عالنت انا برفضو رفض قاطع
واذا تحول لزواج بيبنو حياتهن عالشك والتجريح
شكرا ريمو

هلا انا رايي بهالموضوع انو البنت ما لازم هي تعترف للشب انها معجبة فيه مو تقليل من قدر البنت او انو الشب عندو حرية اكتر من البنت بالعكس مشان البنت نفسها لانو اذا رفضها الشب يمكن رح يصير معها عقدة نفسية وتسطصغر نفسها طول عمرها
فالحل انو هي تبين شوية اهتمام بس يعني انو تبتسم بوشو للشب تبادلو الحديث مو اذا اجى يحكي معها تزورو زورة تفوتو بالحيطان ويطفش
رورو

انا بظظن انووو مافي شي مستحييل اخت رورو


انا برأأيي انوو تروح وتحكيلو بس في حالات لهاي القصه

لو كانت بتعرف انو بيحب يستحسن ما تحكيلو

بس ازا اتاكدت انو ما بحب او انو مالو نظره عحدا


الافصل جواب الاخت سوسن وغييرها من الصبايا انو رح يجي وقت وتحكييه فيه لانو لو ما حكت بتوقع تظل تتعزببببب


وفي النهاية بطلب للصبايا اغنيه هتجوز ... ههههههههه


تقبلي مرووري الكريم ...
واشكرك وبعنف على طرح الموضوع القوي ..

مممممممممممممممممم
بفكر ههههههههههههه

اية & علوش & القلب الحساس & سامو ..