استفسار عالسريع.....؟

جواب عالبطيء لعيونك يا سيلينا

اول شي بتقدمي شو عندك مواد و كل مادة ما بتنجحي فيها بتحمليها عالفصل التاني و الفصل التاني هو يلي بحدد النجاح و انتي اذا عندك 14 مادة بالفصلين , لحتى تترفعي لازم تنجحي ب 10 على الاقل يعني بكل سنة بحقللك ترسبي ب4 مواد فقط

و الماد يلي بترسبي فيها بتضلي بتحمليها سنة بعد سنة و بحقلك تقدميها بكل فصل لحتى يصير عدد مرات الاعادة 8 يمكن بتستنفذي و نشالله ما بيصير هيك معك

نشالله يكون هالشرح وضحلك الفكرة و انا جاهز لاي استفسار

بالتوفيق

nedalo

شكرا كتير نضال
اللي فهمت اذا رسبت اكتر من مرة عادي لحديت8
وهالفصل مو رئيسي يعني لفصل التاني هو الاهم
طيب يعني بالفصل التاني اذا كان عندي مواد من هالفصل كيف رح قدمها بامتحان الفصل التاني اللي ايامو حسب موادو يعني رح يكون في ايام امتحان اضافية لها المواد
وشكرااا كتير

هالفصل مو رئيسي بس المشكلة انو اذا حملتي مواد كتير هالفصل رح تنضاف للمواد يلي بدك تقدميها الفصل التاني و هيك رح يصير عندك تراكم و رح تصير المهمة اصعب و لا تؤجل عمل اليوم الى الغد

و بالنسبة للمواد يلي بتحمليها من الفصل الاول اكيد بتقدميها مع مواد الفصل التاني طبعا بأيام اضافية يعني اذا كان عندك 6 مواد مثلا بدك تقدميها فينك تقسميها على شهر و هو شهر الامتحان و رح يطلع معك بين كل مادة و الاخرى شي 4 او 5 ايام وبجوز اقل حسب توزيع المواد عالبرنامج

بينما اذا عندك 12 مادة او 10 مثلا هيك رح تصير مشكلة لانو اذا قسمتي هالعدد على شهر فبيطلع بين المادة و الاخرى يومين و بالنسبة لتوزيع البرنامج عالاغلب رح تجي عدة مواد ورا بعضها بالايام و هون المشكلة

فلها السبب بنصحك تدرسي منيح و تحاولي جهدك انو ما تحملي مواد كتير للفصل التاني و نشالله يكون الشرح وافي

و لك مني اجمل التحيات

nedalo

والله يا نضالو كفيت ووفيت بهالشرح العظيم
سيلينا ليش دايما خايفة .. طولي بالك لساتك بأول الطريق واولتو اسهل شي لازم تكوني واثقة من حالك وتحبي فرعك مشان تنجحي فيه ..

موضوعي اكتمل بمرورك gitanes

مشكور

nedalo

لا هيك زعلتني
انا خايفة
لا مو خايفة بس
مرعووووبة

اذا بتعرفوا حدا انكليزي يساعدني ما تقصروا
بعرفكن كريمين ولا شو

طيب اذا عنجد يا حبابين حابين تساعدوني
انا بضيفكن عندي عالمسنجر
مشكوريين سلفا

اذا بدك انا طالب ادب انكليزي سنة رابعة
my e.mail [ندعوك للتسجيل في المنتدى أو التعريف بنفسك لمعاينة هذا الرابط]

بس نحنا عنا 15 مادة 8بالأول و7 بالتاني يعني بدك 11 مادة ناجحة لتترفعي [ندعوك للتسجيل في المنتدى أو التعريف بنفسك لمعاينة هذه الصورة]