اقتراح للكل

تذكير بمساهمة فاتح الموضوع :

سلامات للكل
أول شي حابب اتعرف عالكل شباب وصبايا عأرض الواقع مو نت
يمكن في ناس هون بتعرف بعضا وممكن لأ
من ناحيتي ما بعرف حدا لا هون ولا بالجامعة
وباعتبار نحنا طلاب جامعة تشرين أنا بوجة الدعوة للكل شباب وصبايا مشان نلتقي بالجامعة ونتعرف ع بعض أكتر ونكون شلة وحدة
هاد مجرد اقتراح ويمكن يتنفذ
وناطر الردود بالنفي أو الإيجاب مع التعليل
ويا ريت تفكرو فيها
وأخيرا انا بعتذر من كل شخص شاف اني تخطيت حدودي
ومشكورين

كل الشكر الكن   فكرة وردة تشرين حلوة كتيييير بس أنا أول الناس تعليم مفتوح إذا في حدا تعليم مفتوح يرفع ايدو بس أنا مو شايف غلط او حرام او اي شي تاني إذا التقينا نحنا أعضاء هالمنتدى انا بعتذر من كل صبية شافت اني تعديت حدودي أو إلي نية بهالشي RURUحسبت حساب كل شي إلا حساب انو يكون تفكير حدا من الأعضاءتفكير شرقي (مغلق)!   على أي حال خلي الموضوع ياخد راحتو  ونحنا كمان ناخد راحتنا   ومشكورين اللي شاركو اللي بدن يشاركو بالرأي سواء بالنفي أو بالإيجابحـــــــســـــــــــون

فكرة حلوة كتير ..وياريت كنا قريبين لنقدر نجتمع معكن..عكل حال ابقوا احكولنا شو بصير ..وأنا متأكدة إنو اللقاء رح يكون بجنن..وتتهنوااا يارب

بتعرف حسون وين المشكلة انو انا على طول بنفهم غلط ..
انا لما قريت الموضوع عجبتني الفكرة و حطيت ردي باني موافقة .. بعدين فكرت فيها.. و قلت انو يمكن نضل رفقة عالمنتدى احلى .. يعني لا فكرت بشرقي و لا بغربي ..

و بكل الاحوال خلص i'm in يعني موافقة ..جكر بنضالو بس ..

بالمناسبة شبها عينك نضالو .. بس لا تكون مرمد ها .. .. بعيد الشر عنك ..

HASSON@HB

يااااااااجماااااااااااعة كرمال النبي مين قال انك تعديت حدودك بالعكس

أنا كمان بالاول قلتلك الموضوع عااااااااااادي والله

بس أنا كان عندي فكره وقلتها ومافيي خبي شي اللي بقلبي بدي قوله

يعني مو تفكير مغلق اي اي شرقي وبفتخر بشرقيتي بس مو المغلقه

أنا ماعندي مشكله أعمل شي اذا أنا مقتنعة فيه

بس انشالله اليوم اللي بتقرروه يكون مناسب للكل

وخلص انا كرمالك بصيرتعليم مفتوح منيح هيك

رجاء لاتحكموا عليي فورا

nedalo



أنا اسفه غلطانة بالقطره

طيب وهيك شو

انا من جهتي موافق بس في شغلة ما بعرف اذا هي مشكلة انو انا ماني طالب بالجامعة لكن ممكن اجي ع الجامعة منلتقي كلنا اذا الكل اتفقوا على هالشي لانو انا من بانياس والجامعة فشخة عليي وناطر الرد......... سلام

اي قلن رأيك ابو الريم

أول شي بدي أشكر حسون عالفكرة الحلوة وأنا معها أكيد
بس بتمنى ما نحكم على بعض الزملاء أو الزميلات إذا ما حبوا الفكرة أو يمكن حبوها بس عندن تحفظ على بعض الأشياء اللي ما بحبوا يقولوها وهادا حقن .
والقصة أكيد ما قصة عقلية شرقية وعقلية غربية ...
وحتى لو كانت القصة هيك فما لازم تكون ردة فعلنا قوية عالموضوع ولازم نتقبل ...
وهون عندي شي بدي قولو لكل اللي وافقوا أو رح يوافقوا عاللقاء
انو بدكن تكونوا حاضرين لفكرة انو ممكن الأشخاص اللي كنتو تحبوهن أو يعجبوكن عالنت ومن وراء لوحة المفاتيح , يمكن ما تحبوهن على أرض الواقع لأنو الشخص هون هو بيختار شو بدو يقول وشو بدو يخبر رفقاتو عن حالو
بس لما بصير اللقاء حقيقي ما بكون في شي مخبى وممكن حتى تخسروا بعض الأصدقاء للأبد لما بتتعرفوا عليهن عن قرب لا سمح الله
ويمكن لهيك البعض ما تشجعوا للفكرة لأنو بخافوا يخسروا بعض أصدقائهم عالنت , أو بدن يحافظوا على فكرة انو صديق عالنت وبس وهادا كمان رأي يستحق الاحترام .
خاصة بزمن الواحد عم يخسر فيه أصدقاؤو الحقيقيين فبقول لحالو عالأقل يكون عندي رفقة عالنت وما أخسرها كمان لما بدي أنقلها ع أرض الواقع ...
طبعاً أنا ما قاصد خوفكن أو خليكن تغيروا رأيكن , بالعكس أنا موافق كتير عالفكرة , بس لأني أنا شخصياً محضر حالي لكل الاحتمالات ولازم الكل يكون هيك ولأنو أنا عندي أهداف وغايات من اللقاء غير قصة الصداقة ... وما حدا يروح مخو لبعيد ... أكيد نوايا طيبة ورح قولها بس نلتقي ويمكن أنا حكيان عنها بالمنتدى من قبل ...
أنا بالخلاصة جاهز وناطر الوقت والمكان ...
موفقين جميعاً مع حبي للكل اللي مع واللي ضد

اسماعيل

اقتباس :

بدكن تكونوا حاضرين لفكرة انو ممكن الأشخاص اللي كنتو تحبوهن أو يعجبوكن عالنت ومن وراء لوحة المفاتيح , يمكن ما تحبوهن على أرض الواقع

مظبوط اسماعيل بس برأيي حتى لو كان هيك لازم كل شخص يستغل الفرص المطروحة امامو و بالتأكيد لما شخص ما رح يتفق مع التاني ما رح يكون في زعل لأنو بالنهاية بحياتنا اليومية عم نتعرف عاشخاص و ما عم نتفق و هي سنة الكون , يعني الواحد بيشوف و بيلتقي و بيتعرف و بيفقد اشخاص , و هادا رأيي

اقتباس :

عندي أهداف وغايات من اللقاء غير قصة الصداقة

قول قر اعترف

اسماعيل بجد انت فخامة وكتلة من الزوء والاحترام والتفاهم

انت اول واحد عطى الموضوع صورتو الكاملة

بجد الخطة حلوة كتير كتير

وكلنا حبيناها

نحن بالمنتدى متفقين كتير وحتى في بعضهن

وصلنا لدرجة التفاهم وجد حبيناهن من القلب ومتفقين مع بعضنا

بس في بعض الاشخاص نادر وجودون

وفي مواضيع وضحتها انت اخ اسماعيل

يعني القصة بدها تفكير واكيد انتو الشباب الموضوع بالنسبة لالكن عادي

ومادخلها العادات والتقاليد لان مافي شي غلط كلنا اخوة ورفقات وصحاب

يسلم تمك اسماعيل ..
انا هاد اللي خفت منو.. في كتيير اعضاء حابة اتعرف عليون شخصيا .. بس قلت ما بدي غير الصورة اللي ببالي عنون ..بس بنفس الوقت ممكن نصير اصحاب اكتر و اكسب رفقات جدد ..لهيك تجربة تستحق انها تنعمل .. فانا قلت اني موافقة ..

فإذاً ما في مشكلة بكل الحالات
والموضوع بيبقى اختياري
وممكن نحنا نجرب وبعدين منحكي شو صار معنا
وهيك يا بيتشجعوا باقي الأعضاء يا إما لأ
بس أنا أكيد انن رح يتشجعوا
وناطرين حسون لنشوف شو رأيو
وأكيد بدي أشكر نضالو و آية و رورو على آرائهم الصريحة

والله انا دخلت لاقترح هالاقتراح

انا بشوف انو ابو الريم معو حق

وكمان هاد رأيي

ف ما بعرف

يعيبو بيخجلو

لا ولووووووووووووووووووووووووو
من شو بقا

الموضوع معقد شوي بس بدنا واحد غالي يحدد الموعد ونحن جاهزين اذا ما في مانع مع الشكر

انا ماعندي مشكلة

بس جد عطينا الموضوع اكتر من حجمو

مكن احكي

والله صرت خايفه من ال

صار تحرير فلسطين وترجيع الجولان أسهل من هالموضوع وهو بسيط

يا ريت ترجعوا للاجابات الكل كان موافق ولو بشكل مبدئي

بس البعض كان متردد وأنا اول شي لاني بسرعة اندمجت بالمنتدى وحبيتكم جميعا

بس كمان ما الي زمان منضمة فهيدا الشي اللي كان مخلاني مترددة

وياريت تفهموني وللصراحة كلام اسماعيل هو الافضل

شكرا الكم كتير وأسفه اذا زعجت أحد

باياتو

ليش لأ حلو نكون شلة كبيرة

قصة الشرق الأوسط لسى ما خلصت
يلي بدو أهلا وسهلا ويلي ما بدو هو حر
قررو بقى ايمتى ووين عصبت منكن هاااااااا

فكرة حلوة

بس تقرروا الموعد انشالله بحاول كون موجودة معكون

بس يتحدد الزمان و المكان رح توصلكم رسائل خاصة