أشهر الكذبات عند البنات

- حبيبي ما فيني حاكيك هلق أمي قاعدة عندي بالغرفة (لا صادقة أمها تركت كل البيت وما عجبها تقعد غير بغرفتها)


- ما كان معي رصيد ,وما بدي عبي معي كتير صلاحية (قصدها حل كيسك يا دب!وين النخوة العربية؟؟)


- ييي هادا رفيقك **** يقطع عمرو ما اثألو!(وبس تتركك بيكون هو أول واحد بتحكي معو !)


- ممكن نصير اصحاب و بس...(واذا طلعت معك شي 1000مشوار و عبيتلها 10000وحدة هاد بيكون بس لأنها بتآمن بالرفقة بين الشب والبنت )


- ما بقدر أعطيك صورتي لأنو ما بعرف بإيد مين بتوقع! (بتخاف حدا من رفقاتك يشوفا و يقول يقطع عمرا ما ابشعا عشو لاحقها)


- يي بابي شو بيحبني ما بيرفضلي طلب لو شو ماكان..(بس مبارح سفقني بالغلط قبقاب ع بوزي عباه دم!)


- بتطلع بحالي بالمراية ما بشوف شي بيميز هالنجمات عني!!كل القصة انو الشباب عقلن قليل...(الأصح:بشبع بكي بعد ما شيل المايك اب و شوف النمش و الكلف و حب الشباب و الشوارب ,,, و الشعر اللي صاير متل دنب الفارة من الصبغات و التسبيل عالفاضي...)


- ما بحب المكياج ولا بحطو الا بالمناسبات الخاصة جدا مشان ما انزع وجي. (بس بتكون عم تفيق من ال5 صبح قبل ما تروح عالجامعة,و بتفرد هالعدة شي 3 ساعات وبتبلش دهن عأبو جنب, يا بتلحق يا ما بتحق!!و اذا نقص شي كريم بتبطل تداوم!)


- ما بحب الشب اللي شعرو طويل بحسو مخنث.. (بتكون خايفة اذا انت طولت شعرك يطلع احلى من شعرها)


- هالعطلة بدو يطلعنا بابي بالBM على صلنفة سمعت في اركيلة طيبة هنيك! (مو كتير مبالغ فيها!بس الازبط:"بدو يطلعنا البابا بضهر السوزوكي انا و اخواتي العشرة (السعادين) و جارنا ابو علاء ومرتو و عمتي الارملة و ستي المصوفنة على الشاطئ المهجور برأس البسيط, بس انشالله ما يفكرونا نوًر متل المرة الماضية و (يكحشونا)!!! )


- بكتب شعر و نثر و ما بقريه غير لرفيقتي الوحيدة(الافتراضية)لاني بحسو شي خاص فيي.. (اخر شي بيطلع النثر تبعها:"اكتب لك بالمقلوب لتزيد المحبة بالقلوب..اكتب لك بالاحمر لتصير المحبة متل السكر..."وطبعا بتكبهم باقلام حبر ملونة و عيون فيا اسهم,وقلوب و وردات تلزيق .....بالاضافة لحكم عم تنقلن من خلفيات البيكابات و الطراطير!!


- لما بيكون تليفونها مشغول بنص الليل بتقلك هادي رفيئتي صاير معها قصة فظيعة ياحرام وكانت عم تفضفضلي (يعني شافت واحد غيرك ورح تحلقلك عن قريب....لهيك نصيحتي أنك تحلقلها ع السريع مشان تضل محتفظ بال Ego تبعك)


- لما تصير دخلاتها عالمسنجر قليلة وبتسألها ليش بتقلك والله ما بعرف صايرة عم مل من النت (لا تصدقها بتكون عاملة حساب جديد وما بدها ياك تعرفو)


- حبيبي ما تواخذني كان موبايلي عالصامت وما انتبهت لما دقيتلي (هي بتكون شافت رقمك وزفرت زفرة طويلة وقالت العما بقلبو هلق وقتو هاد)


- بتوصلك رسالة منها بتقول: "صدقني اليوم كان عندي احلى ايام حياتي لاني طلعت معك"... (الرسالة واصلتك بالغلط لانك اليوم ما طلعت معها..بس هي عكتر طلعاتها وفوتاتها مع الشباب ما بقا تعرف مع مين كانت)

قوية شريك...

لهلهلهلهلهله شو هاد شويا بلش الضرب

هههههههههههههههههههههههههههههه
حلوين كتير سيرجيو
بس والله مزودها ياخي
شو سوزوكي وضرب
اكتر شي دارج وبصراحة كتير إن البنت تطلب وحدات
بس لام تعرفو مجرد لمحت عالوحدات تعرف قصدها

شكرا كتير عالموضوع المهضوم

حمشو عراسي يا غالي شكرا لمرورك

لول شو رأيك يعني نترتكم تحكو علينا ونضل ساكتين بعدين اللي بدو يلعب مع القط بدو يتحمل خراميشو

آيـــــة كتب:

اكتر شي دارج وبصراحة كتير إن البنت تطلب وحدات

اّية شكرا لمرورك واسأل مجرب ولا تسأل حكيم

قويــــــــــــــــــــــــه سيرجيوو
وصل الرد بسرعه
ههههههههههههههه
يعطيك العاافيه والموضوع مهضوم
بس انا ابدا مو مع هاي
ما بحب الشب اللي شعرو طويل بحسو مخنث..
بموووووووووووووت بالشعر الطويل وشعر الشب اهم عندي من كل شكلوو

له له سيرجيو .. ما خليتنا نفرح .. اسة مبارح نزل الموضوع .. بس حلو مهضوم موضوعك ..

و مشان الوحدات انا بعرف كتير شباب بيشحدوا وحدات من الgirlfriends تبعون ..و عنجد ما عم امزح ..

women lie, men lie numbers don't

شكرا على الموضوع الظريف هو فعلا في ستوكات كتير بنشوفها بحياتنا بس ما كلهم هيك ازا الواحد عم يدور على بنت يتسلى معها بكون هو بيكدب عليها وهي اضرب منه وازا بيدور على الصداقة الفعلية الصراحة هي غير مقبولة بالمجتمع الشرقي لانو الرجل الشرقي يعاني من عقد نفسية وكبت يعادل جيل باسره يعني الصداقة بالنسبة للبنت ببالها انو بدها تحصل على عريس اوبدها مقابل الطلعة والفوتة شوية وحدات .. او شوية مصاري . ومن الصعب تلاقوا اليوم حدا فهمان على التاني كله ماشي مع التيار بس اكل واحد عقله براسه بيعرف خلاصه اللي بيخلي بنت اوشب يضحك عليه

في كذبات مبالغ فيهن بس بجد حلوين كتير

والله معك حق معظم حكيك مظبوط وع فكرة لسا في كذبات وخرطات عند هالبنات ما معقولة يااااااااالهي مشكور .

هاهاهاهاهاهاهاها
عن جد حلوين كتير
يسلمو عهالموضوع الحلو

ملعوبه احلا شريك
موضوع رووووووووووووووعه
متل العاده

şάώşαή كتب:

قويــــــــــــــــــــــــه سيرجيوو
وصل الرد بسرعه
ههههههههههههههه
يعطيك العاافيه والموضوع مهضوم

اي لكن نحنا بعصر السرعة شكرا لمرورك سوسن

Ruru كتب:

له له سيرجيو .. ما خليتنا نفرح .. اسة مبارح نزل الموضوع .. بس حلو مهضوم موضوعك ..

و مشان الوحدات انا بعرف كتير شباب بيشحدوا وحدات من الgirlfriends تبعون ..و عنجد ما عم امزح ..

صادقة صادقة رورو أفي داعي تحلفي وبعدين لولا هالقصص كانت السيرياTail فلست من زمان

Romantic Teddy Bear كتب:

women lie, men lie numbers don't

Jay-Z huh ???? Thanks bro

جوانا شكرا الك لمرورك الظريف وردك الرائع

يارا مرورك احلى

الأصيل شكرا الك غالي وهات نورنا من عندك شوي

وردة تشرين أكيد عم امزح , لكن تخيلني ما احكي جد !!!! لأن لو بدي احكي جد البنات عندن كذبات أكبر,, عم امزح ها ما تصدقي

ريمو شكرا الك ومرورك احلى

عصامو الغالي والله انت اللي أروع شكرا الك حبيب القلب